1ቆሮንቶሴ ኣሳስ 4:2 - Gamo Geesha Maxxafa New Testamen

² Hadara ekidaytika ammanettidayta gidanas besses.

Geeshsha Maxaafa

² Hadara ekkidaytikka ammanettidayta gidanaas bessees.

ጋሞ ማጻፋ

² ሃዳራ ኤኪዳይቲካ ኣማኔቲዳይታ ጊዳናስ ቤሴስ።

1ቆሮንቶሴ ኣሳስ 4:2 ပူးပေါင်းရင်းမြစ်များ

Maatosa 25:21

Iza godaykka lo7o othadasa neno lo7o ammanetida ashikarazo ne gutha mishan amanetida ass gidida gish ta nena daro misha bolla shuumana, gede ne goda ufaysaso gela gidees.

Maatosa 25:23

Godazikka lo7ethadasa hayso loo7one tass ammanetida ashikarazo neni guthan amanetidade gidida gish ta nena daro misha bolla shuumays, gede ne goda ufaysaso gela gidees.

ሉቃሳ ሚሺራቾ 12:42

Godaykka “histtikko beso asas koshshiza woden quma immana mala keethaddey keeththa asa bolla wothiza amanettidda wozinama asi oonee?” giidi zaarides.

1ቆሮንቶሴ ኣሳስ 4:1

Hessa gidida gishshi asi wurikka nuna Kiristoosa oothanchata malane Xoossa xuura qonccisanas hadara ekkida asa mala qoodanas besses.

1ቆሮንቶሴ ኣሳስ 4:17

Godan daro dosetidayssane ammanetida ta na Xintossa ta inteko kiittiday hessa gaasonkko. Izika duma duma son diza woossa keeththa asa wursi ta tamarisida timirttezara gaggizayssa Yesus Kiristoosan diza deyo oge gishshi intena izi qofisana.

1ቆሮንቶሴ ኣሳስ 4:3

Nu bolla inte piridinka woykko duulata asay piridinka ta baggara taas aykoy baawa. Haray attoshin tarka ta bolla piridike.

1ቆሮንቶሴ ኣሳስ 7:25

Gela7otane paanthata gishshi taas godape imettida azazoy deena. Gido attin Goda maarotethafe dendidayssan ta intes ammanetidade gidada intena zorays.

2ቆሮንቶሴ ኣሳስ 2:17

Nuni Wodhe demanas giidi Xoossa qaala shaqaca mala walakerethidi bayziza daro asata mala gidoko. Gido attin Xoossafe kiitettida suure asa mala gidid Kiristoosan gidid Xoossa sintthan sure yootos.

2ቆሮንቶሴ ኣሳስ 4:2

Gido attin geemara haniza yeelasiza yoota nu aggidos. Asi balethoko; Xoossa qaala woridora walakokko. Hessa histanape tumu yoota qoncera yootishe asi wurikka nu gizayssa ekana mala nunatetha Xoossa sintthe shiishos.

ቆላሲያሴ ኣሳስ 1:7

Hessaka ha7i nu gishshi gididi kiristoosas ammanetida oothancha gididayssinne nunara issife oothiza siiqizade Ephapiray intena tamarisides.

ቆላሲያሴ ኣሳስ 4:17

Akiriphas “Neni Godape ekkida oothoza wurseth gathanas minna” giite.

ቆላሲያሴ ኣሳስ 4:7

Tiqiqosay ta duusa gishshi wurs intes yootana. Izi daro dosotida ishane Godas tanara issife oothiza ammanetida oothanchako.