Yoonasa 2:2 - Geeshsha Maxaafa

² “Taani ta waayan de7ashe nena xeegas; neka taw si7adasa. Taani Si7oole ciimmuwa giddon de7ashe, maado koyada neeko waassas Neka ta waasuwa si7adasa.

ጌሻ ማፃፋ

² “ታኒ ታ ዋያን ደአሸ ነና ፄጋስ፤ ነካ ታዉ ስአዳሳ። ታኒ ስኦለ ጪሙዋ ግዶን ደአሸ፥ ማዶ ኮያዳ ኔኮ ዋሳስ ነካ ታ ዋሱዋ ስአዳሳ።

Yoonasa 2:2 ပူးပေါင်းရင်းမြစ်များ

2 Taarike 33:12

Minaasey un7etida wode Godaa ba Xoossaa maado woossis; ba aawata Xoossaa sinthan banatetha daro kawushis.

Mazmure 116:3

Hayqoy xiheda tana teqis; duufo hirgay tana oykis; un7inne metoy tana qachis.

Mazmure 120:1

Meto wode taani Godaa xeegin I taw koyis.

Mazmure 16:10

Ta shempiw si7oolen aggaka; ne Geeshshaa wooqana mela oothaka.

Mazmure 22:24

I un7etidaysa kadhenna; enta qohuwa be7ishe qelli geenna. Ba som7uwa entafe genthenna; enti iyako waassiya wode, entaw zoko zaaribeenna.

Mazmure 34:6

Ha manqoy waassis; Goday iya waasuwa si7is; iya meto ubbaafe iya ashshis.

Mazmure 4:1

Abeeti tana xillisiya Xoossaw, taani nena xeegiya wode taw koya. Taani un7etida wode ne tana la77a kessadasa; taw qadheta; ta woosa si7a.

Mazmure 61:2

Taani biitta gaxan de7ishin, ta wozanay ufaysi qanxida wode, ta nena xeegayis. Taape dhoqa zaallako, tana kaaletha.

Mazmure 65:2

Neeni woosa si7iya gisho, asa ubbay neeko yoosona.

Mazmure 86:13

Ne siiqoy taw daro; tana duufope ashshadasa.

Isayaasa 14:9

Neeni yaa wode, Si7ooley nena mokanaw giigis; I kase biitta kaalethida asaa moytilleta, nena sarothana mela denthethees; qassi kase kawo gidida ubbaa enta araatape denthidi essees.

Milalsa 3:55

Abeeti Godaw, ta ciimmo ollan de7ashe ne sunthaa xeegas.

Hizqeela 26:20

Neeni si7oole gelada beni hayqida asaara walaketana mela oothana. Neeni biittafe garsan, beni moogetidi, merinaw laaletidi attidaysatara daana mela oothana. Neeni zaarada asi de7iya katama gidaka; de7on de7eyisata biittan zaarada besse demmaka.

Hizqeela 31:14

Haatha matan dicciya mithata giddon iya mela aduqidi, xeeray shaara gakiya mithi deenna. Hayqiya asa bolla gakiya hayqo pirday he mithaa bolla gakana; I duufon de7eysatara gidana” yaagees.

Maatosa 12:40

Yoonasi gita molo ulon heedzu gallasinne heedzu qamma gam7idaysa mela Asa Na7ay heedzu gallasinne heedzu qamma biitta garsan gam7ana.

Luqaasa 11:10

Gaasoyka, woossiya ubbay ekees; koyey demmees; kare yidi xeegeysas dooyetees.

Luqaasa 22:44

Daro un7etidi minnidi woossees. Iya cawayka suuthi xokiyada sa7an xokees.

ሃዋሬታ ኦሱዋ 2:27

Ayis giiko, ta shempuwa Si7oolen aggaka. Qassi ne Geeshsha Na7a aha wooqisaka.

Ibraawe 5:7

Yesuusi ase gididi ha alamiyan de7iya wode bana hayqope ashshanaw danda7iya Xoossaa daro yeehoninne afuthan woossis. I, iya bonchidi kiitetida gisho Xoossay iya woosa si7is.

1 Sameela 1:16

Taani metoynne azzanoy darida gisho woossayis. Tana ne aylliw pathenna maccas oothada qopofa” yaagasu.

1 Sameela 30:6

Iya asay banta adde naytinne macca nayti di7etida gisho yilotidi Dawita shuchan caddanaw odetin, Dawiti daro un7etis. Gidoshin, Dawiti Godan ba Xoossan minetis.