Nahime 1:9 - Geeshsha Maxaafa

⁹ Shin hinte taako simmidi, ta kiita naagiko, hinte hari attoshin sa7aa gaxaa gakanaw laaletikoka, ta sunthay xeegetana mela doorida bessaa zaarada ehana’ gidaysa qopa.

ጌሻ ማፃፋ

⁹ ሽን ህንተ ታኮ ስሚድ፥ ታ ኪታ ናግኮ፥ ህንተ ሀር አቶሽን ሳኣ ጋፃ ጋካናዉ ላለትኮካ፥ ታ ሱንይ ፄገታና መላ ዶርዳ በሳ ዛራዳ ኤሀና’ ግዳይሳ ቆፓ።

Nahime 1:9 ပူးပေါင်းရင်းမြစ်များ

1 Kawota 8:48

entana di77idi efida morketa biittan de7ishe, banta kumetha wozananinne banta kumetha qofan neeko simmiko, neeni enta mayzatas immida enta biittako, ne doorida katamaakonne taani ne sunthaas keexida keethaako simmidi, nena woossiko,

1 Kawota 9:3

Goday, “Neeni ta sinthan woossida woosaanne waasuwa taani si7as. Neeni keexida keethay merinaw ta sunthay iyan xeegetana mela oothada geeshshas. Ta ayfeynne ta wozanay ubba wode yan daana.

1 Taarike 16:35

“Abeeti nuna ashshiya Xoossaw nuna ashsha; Nuuni ne geeshsha suntha galatana melanne ne bonchuwan nu bonchetana mela, kawotethata giddofe shiishada nuna ashsha” yaagite.

Izira 6:12

Ha kiita laammanaw woyko Yerusalaamen de7iya Xoossaa keethaa laallanaw kushe denthiya ay kawoy woyko asi gidin, ba sunthay xeegetana mela Yerusalaame doorida Xoossay iya dhayso. Taani Daariyosi haysa kiittas. Ha ubbay minotethan poleto” yaagis.

Mazmure 106:47

Nuuni ne geeshsha sunthaa galatana mela Abeeti Godaw, nu Xoossaw, nuna ashsha. Ne bonchuwan nu ceeqetana mela, kawotethata giddofe nuna shiisha.

Mazmure 107:3

Enti Dolohapenne wulohape, pudehapenne dugehape biitta ubbaafe shiiqidaysata.

Mazmure 147:2

Goday Yerusalaame oorathana; Isra7eelepe di7etidaysata shiishana.

Isayaasa 11:12

I kawotethatas malla dhoqu oothidi denthana; Isra7eelepe laaletidaysata issife gathana; Yihudape sa7aa oyddu baggan zeretidaysata shiishana.

Isayaasa 27:12

He gallas Efraxiisa shaafape Gibxe shaafa gakanaw Goday kathaa qoxana. Hinte, Isra7eele asay issoy issoy shiiqana.

Isayaasa 56:8

“Shiqidaysata bolla gujada harataka taani shiishana” yaagees Isra7eelepe laaletidaysata shiishiya, Ubbaa Haariya Goday.

Ermiyaasa 12:15

Shin enta biittafe shoddidaape guye, zaarada entaw qadhetana. Enta issuwa enta laata biittanne enta kawotethaa zaarada ehana.

Ermiyaasa 3:14

“Hinteno, ammanetona asaw, ta hintew azina gidiya gisho simmite. Taani issi katamape issinno, issi yarape nam7a doora ekada Xiyoone ehana.

Ermiyaasa 31:10

“Hinteno, kawotethato, Godaa qaala si7idi, haaho bessan, yuushoy abban teqetida biittatan, ‘Isra7eele laallidaysi I enta shiishana; henthanchoy ba wudiya heemmeysada I enta heemmana’ yaagidi awaajite.

Ermiyaasa 32:37

Ta suulliya hanquwaninne gita sheniyan enta laallida biitta ubbaafe shiishada ha bessaa zaara ehada, enti sarotethan daana mela oothana.

Ermiyaasa 6:22

Goday, “Pudeha bagga biittafe olanchoti yoosona; issi gita kawotethay sa7aa gaxape dendis.

Hizqeela 14:6

“Hessa gisho, Isra7eele asaas haysada yaagada oda. Ubbaa Haariya Goday haysada yaagees; nagara paaxite; hinte eeqa aggite; hinte tuna ooso ubbaafe simmite.

Hizqeela 36:24

“Taani hintena kawotethata giddofe kessana; biitta ubbaafe shiishada hinte biitta zaarada ehana.

Leeweta 26:3

Hinte ta higgiya kaallikonne ta kiita naagiko,

Zakaryaasa 8:7

Heko taani ta asaa dolohapenne wulohape shiishana.

Maatosa 24:31

I ba kiitanchota gita moyze punora kiittana. Enti sa7aa oyddu baggaa bidi, ha gaxape ya gaxa gakanaw de7iya iyaw dooretidaysata shiishana.

Zaaretho 12:21

Shin Goday, ne Xoossay ba sunthay yan xeegetana mela doorida bessay new haakiko, Goday new immida ne mehe woyko dorsaa wudiyape ta nena kiittidaysada, ne koyida mela ne kataman shukada ma.

Zaaretho 12:5

Goday, hinte Xoossay hinte koche ubbaa giddofe ba sunthay yan xeegetana mela doorida bessaa koyte. He bessaa hinte baanaw koshshees.

Zaaretho 30:1

Hachi ta ne sinthan wothida anjoynne baadethay ne bolla gakiya wode Goday, ne Xoossay nena laaliya hara kawotethata giddon de7ishe haysa ne akeekiko,