Abdiyu 1:7 - Geeshsha Maxaafa

⁷ Neera caaqidaysati ubbay nena ne biittafe gooddana; qassi ne ammanetida laggeti cimmidi nena xoonana. Ne kathaa midaysati ne ogen gite yeggana, shin neeni hessa akeekaka” yaagees.

ጌሻ ማፃፋ

⁷ ኔራ ጫቅዳይሳት ኡባይ ነና ነ ቢታፈ ጎዳና፤ ቃስ ነ አማነትዳ ላገት ጭምድ ነና ፆናና። ነ ካ ምዳይሳት ነ ኦገን ግተ የጋና፥ ሽን ኔኒ ሄሳ አኬካካ” ያጌስ።

Abdiyu 1:7 ပူးပေါင်းရင်းမြစ်များ

Mazmure 41:10

Shin Godaw tana maara; ta entaw kushe zaarana mela, harge hiixape tana dentha.

Mazmure 41:9

Hari attoshin ta ammanetiya laggey, taara midaysi taw zoko zaaris.

Isayaasa 27:11

Mitha tasheti meliya wode meqeretoosona; maccasay mixidi eethanaw efoosona. Ha asay akeeki bayna asi gidiya gisho, enta medhidaysi entaw qadhetenna; enta maarenna.

Ermiyaasa 20:10

Taani daro kalkasha si7as; “Yan han dagami de7ees! Ane iya mootite! Nuunika iya mootoos” yaagosona. Taw mata laggeti ubbay ta kundethaa naagidi, “Ooni eri, nuuni iya oykana melanne nu haluwa keyana mela, I cimmanaw danda7ees” yaagosona.

Ermiyaasa 30:14

Hinte doseysati hintena dogidosona; enti hintebaa wuda gookona. Hinte balaynne hinte nagaray daro gidiya gisho, ta hintena morkeda shocas; qadhey bayna seeras.

Ermiyaasa 38:22

Hessika, Yihuda kawo gadhon attida maccasati ubbay di7etidi, Babiloone halaqatako baana. Enti neeko, ‘Ne mata laggeti nena balethidosona; enti nena xoonidosona. Shin ha77i ne tohoy silimo giddo gelin, he laggeti nena yeggidi bidosona’ yaagana.

Ermiyaasa 4:30

Neno, dhayos attidaare ne waanay? Ne zo7o ma7uwa ayis ma7adii? Worqa alleeqo ayis wothadii? Ne ayfiya siphintha ayis tiyay? Neeni coo nena loythaasa; ne laggethoti nena kadhidosona; enti nena wodhanaw koyoosona.

Ermiyaasa 49:7

Edoomeba Ubbaafe Wolqaama Goday haysada yaagees; “Temaana asaas de7iya cincatethay aw bidee? Zoreysatape zorey dhayidee? Enta cincatethay entafe eketidee?

Milalsa 1:19

Ta laggeta xeegas; shin enti tana cimmidosona; kahinetinne cimati banta shempuwa ashshanaw, kathi koyishe katama giddon hayqidosona.

Hose 13:13

Iqethi oykida maccasi un7eteysa mela un7i iya bolla yaana. Shin I eri bayna na7a; yeletiya wodey gakin, ba aaye ulope wodhonna ixiya na7a mela.

Hose 7:11

“Efreema asay holleda eeyanne coo cimeteyisata. Enti maado demmanaw issi toho Gibxe; issi toho Asoore simmoosona.

Yohaanisa 13:18

“Taani hintena ubbaa giike; taani dooridaysata erayis. Shin Geeshsha Maxaafan, ‘Ta barsidaysi ta kushiya saxis’ geetetidaysi tuma gidanaw bessees.