Abdiyu 1:19 - Geeshsha Maxaafa

¹⁹ Negebe mela biittan de7iya asay Eesawe zuma laattana; gadha biittan de7iya asay Filisxeeme biitta, Efreema biittanne Samaare biitta laattana. Qassi Biniyaame kochay Galada biitta laattana.

ጌሻ ማፃፋ

¹⁹ ነገበ መላ ቢታን ደእያ አሳይ ኤሳዌ ዙማ ላታና፤ ጋ ቢታን ደእያ አሳይ ፍልስፄመ ቢታ፥ ኤፍሬማ ቢታነ ሳማረ ቢታ ላታና። ቃስ ብንያመ ኮቻይ ጋላዳ ቢታ ላታና።

Abdiyu 1:19 ပူးပေါင်းရင်းမြစ်များ

2 Kawota 17:24

Asoore kawoy Babiloone biittan de7iya Kuuta, Awaana, Hamaatanne Safarwayma katamatan de7iya asa ehidi, Isra7eele asaa bessan, Samaare katamatan wothis. Enti he katamata oykidi, yan de7idosona.

1 Taarike 5:26

Hessa gisho, Isra7eele Xoossay Asoore kawa Pooha (hessika Telgeltelfelisoora) ayyaana denthethidi Robeela kochaa, Gaade kochaanne Minaase kochaafe baggaa di77idi, Halaha, Habooranne Haara biittanne Gozaana Shaafa efis. Enti hachi gakanaw yan de7oosona.

Izira 4:17

Kawoy haysada giya zaaro entaw yeddis; “Biitta aysiya Rehuuma, xaafiya Simsaya, Samaareninne Efraxiisa Shaafape hefinthan de7iya entara issifida asaa saro gayis.

Izira 4:2

Zarubaabelakonne Isra7eele yara halaqatako yidi, “Asoore kawoy Asiradooni nuna ha bessaa ehida gallasape doomidi, nuka hinte Xoossa goyinnoos, iyaw yarshoos. Hessa gisho, nuka hintera keexana” yaagidosona.

Mazmure 69:35

Xoossay Xiyoone ashshana; Yihuda katamaa zaaridi keexana; asay yan daananne biittayka entaba gidana.

Ermiyaasa 32:44

Ta enta zaarada ehiya gisho, asay gade shammana; marka sinthan zal7iya hanota qoncisiya pirima paramidi, maatame wothana. Haysi ubbay Biniyaame biittan, Yerusalaame yuushuwan de7iya heeratan, Yihuda katamatan, derey dariya katamatan, gadha katamataninne Negebe mela biittan de7iya katamata ubban hanana” yaagees Goday.

Ermiyaasa 49:1

Amoonebaa Goday haysada yaagees; “Isra7eeles adde na7i baawee? Iya laattey baawee? Yaatin, Moloka geetetiya eeqa xoossaa goyinniya asati Gaade biitta ayis oykidona? Enta kataman ayis uttidona?

Hizqeela 25:16

taani ta kushiya Filisxeemeta bolla denthana. Taani Keltaaweta qanxana; abba doonan attidaysata ubbaa dhaysana.

Hizqeela 36:28

Ta hinte mayzatas immida biittan hinte daana; hinte ta ase gidana; taka hinte Xoossaa gidana.

Amoxe 1:13

Goday, “Amoone asay zaari zaari oothida nagaraa gisho, taani enta seeronna aggike. Enti banta zawa aassanaw Galada biittan de7iya qanthatida maccasata uluwa daakidosona.

Amoxe 1:8

Ashdoodan de7iya asaa taani yedethananne kawota xam7aa oykidaysata Asqaloonape dhaysana. Eqroona kataman de7iya asaa seerana; Filisxeeme asaape attidaysati hayqana. Taani Ubbaa Haariya Goday hessa odayis” yaagees.

Amoxe 9:12

Hessika Edoomepe attidaysatanne ta sunthan xeegetida kawotethata ubbaa laattana” yaagees hessa oothiya Goday.

Mikiyaasa 7:14

Neeni bazzon barka de7iya, ne laata deriya ne aradda biittan ne asaa heemma. Enti kase wodiyada Baasaneninne Galadan heemetana mela ootha.

Taybo 1:32

Yoosefa na7aa Efreemape 40,500

Iyyasu 13:25

Enta biittay Ya7izeera, Galadan de7iya katamata ubbaanne Amooneta biittafe baggaa ekidi, Raaba doloha baggan de7iya Aro7eera gakees.

Iyyasu 13:31

Qassi Galadape bagganne Baasanen Ooge kawotethaas waanna katamaa gidida Astarootenne Edraa7a geetetiya katamata gakees. He ubbay Minaase na7a Makira kochaas enta kochan kochan gakidaysa.

Iyyasu 15:21

Dugeha baggan Edoome gaxan de7iya Yihuda katamati, Qabdu7eela, Edera, Yaagura,

Iyyasu 15:33

Wuloha baggan zuma xaphon de7iya katamati, Eshta7oola, Xor7a, Ashina,