Abdiyu 1:10 - Geeshsha Maxaafa

¹⁰ Ne ishaa Yayqooba bolla ne oothida iitabaa gisho, ne yeella ma77ana; ne merinaw dhayana.

ጌሻ ማፃፋ

¹⁰ ነ እሻ ያይቆባ ቦላ ነ ኦዳ ኢታባ ግሾ፥ ነ ዬላ ማአና፤ ነ መርናዉ ያና።

Abdiyu 1:10 ပူးပေါင်းရင်းမြစ်များ

Medhetethi 27:11

Shin Yayqoobi ba aayiw, “Ta isha Eesawe bolla ikisey de7ees shin ta bollay liiqo.

Medhetethi 27:41

Yayqooba iya aaway anjida gisho, Eesawey ba ulon iya morkis. I ba wozanan, “Ta aaway hayqanaw matis. I hayqida mela ta isha Yayqooba wodhana” yaagis.

2 Taarike 28:17

Edoome asati nam7antho Yihuda bolla dendidi, daro asaa di77idi efidosona.

Mazmure 109:29

Tana mooteysati yeella ma7o; banta kawushaa afilada ma7o.

Mazmure 132:18

Taani iya morketa yeella mayzana; shin iya huuphen de7iya kallachay phoolana” yaagas.

Mazmure 137:7

Godaw, Yerusalaame di7etiya gallas Edoome asay oothidaysa hassaya; Enti, “Laallite! Laallite! Hirki xaphuwa gakanaw laallite!” yaagidaysa dogopa.

Mazmure 69:7

Ta ne gisho cashshe danda7as; ta som7oy yeella ma7iday ne gishosa.

Mazmure 89:45

Iya yalagatetha wodiya qaamisadasa; iya yeella mayzadasa. Salaha

Leemiso 10:6

Xillo asi anjetees; shin nagarancho asi ba makallatethaa doonan genthees.

Leemiso 17:5

Manqota bolla qelqisiya asi enta medhida Xoossaa cayees; hara asi gakiya meton ufaytiya asi seerettonna attenna.

Ermiyaasa 12:14

“Taani ta asaa, Isra7eeles, immida biitta oykida, iita shooro kawotethata enta biittafe shoddana. Qassi Yihuda asaa enta giddofe kessana.

Ermiyaasa 3:25

Na7atethafe hachi gakanaw, nunne nu aawati Godaa nu Xoossaa bolla nagara oothida. Godaa nu Xoossaa qaala kiitetibooko. Hessa gisho, nuuni yeellan gufannanaw qassi kawushatethi afilada nuna kammo” yaagosona.

Ermiyaasa 49:13

Baasora katamay baysa gididi attana; iya be7ida asa ubbaas dagamas, qelqisethasinne baadethas attana. Iya yuushuwan de7iya guta ubbay merinaw laaletidi attana. Haysa taani ta sunthan caaqayis” yaagees Goday.

Ermiyaasa 51:51

Hinte, “Nuuni cayetida gisho kawuyida; allagati Xoossa keethan de7iya geeshsha bessata gelida gisho, nu yeella ma7ida” yaagideta.

Milalsa 4:21

Hinteno, Uxa biittan de7iya Edoome asaw, ufaytite; hashshu giite. Shin xuu7ay hinte bolla yaana; hinte mathotidi kallo attana.

Milalsa 4:22

Hinteno, Xiyoone asaw, hinte seeray gidana; I hizape hintena di7o biittan wothenna. Shin Edoome asaw, hinte seeretana; hinte nagarayka qoncana.

Hizqeela 35:9

Ta nena merinaw baysa oothana; ne katamati kallo attana; Taani Godaa gideysa hinte he wode erana.

Hizqeela 7:18

Enti kayo ma7o ma7ana; yashshan kokorana. Enta ubbaa som7oy yeella ma7ana; enta ubbaa huuphey meedettana.

Iyyu7eela 3:19

“Gibxey baysa gidana; Edoomey booddila bazzo gidana. Enti Yihuda asaa bolla iitabaa oothidosona; xillo asaa suuthaa gussidosona.

Amoxe 1:11

Goday, “Edoome asay zaari zaari oothida nagaraa gisho, taani enta seeronna aggike. Enti banta ishaa Isra7eele mashshan yedethidosona; enti entaw qadhetibookona; enta yiloy merinaw irxenna.

Mikiyaasa 7:10

He wode ta morkey hessa be7ana; taako, “Goday ne Xoossay awun de7ii?” yaagidi qelqisiday yeella ma77ana. I ogen de7iya urqada yedhetin, taani ta ayfen be7ana.

Zaaretho 23:7

Edoometi new dabbo gidiya gisho enta kadhopa; ne enta biittan bete asi gidada de7ida gisho Gibxeta kadhopa.

Zaaretho 23:8

Enta heedzantho yeletethay Godaa shiiquwa gelanaw danda7oosona.