2 ፅሞትዮሳ 2:2 - Geeshsha Maxaafa

² Daro markata sinthan taani nena tamaarsida timirtiya, harata tamaarsanaw danda7iya ammanetida asaas hadara imma.

Gofa New Testament

² Daro markkatta sinthan taani nena tamaarssida timirttiya, harata tamaarssanaw dandda7iya ammanettida asaas hadara imma.

ጌሻ ማፃፋ

² ዳሮ ማርካታ ስንን ታኒ ነና ታማርስዳ ትምርትያ፥ ሀራታ ታማርሳናዉ ዳንዳእያ አማነትዳ አሳስ ሀዳራ እማ።

Ooratha Caaquwa Goofatho

² Daro markkatta sinthan taani nena tamaarssida timirttiya, harata tamaarssanaw dandda7iya ammanettida asaas hadara imma.

ኦራ ጫቁዋ ጎፋ

² ዳሮ ማርካታ ሲንን ታኒ ኔና ታማርሲዳ ቲሚርቲያ፥ ሃራታ ታማርሳናው ዳንዳዒያ ኣማኔቲዳ ኣሳስ ሃዳራ ኢማ።

2 ፅሞትዮሳ 2:2 ပူးပေါင်းရင်းမြစ်များ

Izira 7:10

Iziri Godaa higgiya xanna7on, ooso bolla peeshoninne Isra7eele asaa iya wogaanne iya higgiya tamaarsanaw ba wozanaa giigisis.

Izira 7:25

“La Izira, neeni, new Xoossay immida cincatethan Efraxiisa Shaafape hefintha biittan de7iya ne Xoossaa higgiya eriya asaa bolla pirdana mela daynnatanne ayseysata shuuma. Higgiya eronna asi de7iko neeni enta tamaarsa.

Nahime 7:2

Taani Yerusalaame katamaa aysiya maata ta ishaa Hananesinne miixa naageysata halaqaa Anaanas immas. Hanaani haratape aadhida tumanchonne Xoosse yayiya asi.

Mazmure 101:6

Enti taara daana mela, biitta bolla de7iya ammanetiya asata Taani keeha ayfen xeellayis; suuretethan hemetiya asi taw kiitetees.

Leemiso 13:17

Iita asati kiitetidi, meton geloosona; shin ammanthiya asati kiitetidi, sarotethi ehoosona.

Ermiyaasa 23:28

Amuho amuhiya nabey ba amuhuwa odo; shin ta qaala si7iya nabey ta qaala ammanetidi odo. Dalinne gistey awun gahetii?

Leeweta 14:42

Hessafe guye, he shodetida shuchata bessan hara shuchata wotho; hara urqan keethaa meesho.

Milkiyaasa 2:7

Kahiney, Ubbaafe Wolqaama Goday kiitidaysa gidiya gisho, iya mettershay eratethi naaganaw koshshees; asay eratethi iya doonape tamaaranaw bessees” yaagees Ubbaafe Wolqaama Goday.

Taybo 12:7

Shin ta aylley Muse hessada gidenna; I ta keetha ubban ammanetidaysa.

Maatosa 13:52

Yesuusi, “Hiza, salo kawotethaa eraa ekidi higgiya tamaarsiya ubbay, ba minjida shaluwape oorathaanne gal7a kessiya ase daanees” yaagis.

Maatosa 24:25

Akeekite, taani hintew haysa kasetada odas.

Luqaasa 12:42

Goday zaaridi, “Hiza, kathaa muzanaw bessiya wodiyan immana mela goday ba aylleta bolla shuumida ammantheysinne wozanaama halaqay oonee?

1 ቆሮንቶሳ 4:2

Hadara ekida asati banta Godaas ammanetidaysata gidanaw bessees.

2 ቆሮንቶሳ 2:14

Shin Kiristoosa baggara ubba wode nuna xoonon kaalethiyanne shitto mela sawiya Kiristoosaba nu eriya timirtiya ubba bessi gathana mela oothiya Xoossaa galati gako.

2 ቆሮንቶሳ 3:5

Nu hessa oothanaw danda7iday Xoossaa wolqaanape attishin, nuuni nu wolqan aykoka oothanaw danda7oko.

Qolaasiyasa 1:7

Hinte hessa nuura issife Kiristoosas oothiya ammanetida, dosetida Ephafirape tamaarideta.

1 ፅሞትዮሳ 1:12

Taani oothiya oosuwan taw wolqaa immida nu Godaa Kiristoos Yesuusa galatayis. Tana ba oosuwas shuumidi he oosuwas besseysa gidi taybida gisho iya galatayis.

1 ፅሞትዮሳ 1:18

Ximotiyoosa, ta na7aw, kase nebaa nabeti odida qaala bolla eqada ha kiitaa hadara new immayis. Ne he qaala kaalliko lo77o olaa oletana.

1 ፅሞትዮሳ 4:14

Tinbitey odetin, cimati banta kushiya ne bolla wothida wode neeni ekida, nenan de7iya Geeshsha Ayyaana imota kadhopa.

1 ፅሞትዮሳ 4:6

Hessa gisho, neeni ha timirtiya ammaneyisata tamaarsiko, nu ammanuwaninne lo77o timirtiya kiitetada diccida, Kiristoos Yesuusa lo77o aylle gidana.

1 ፅሞትዮሳ 5:22

Oodde bollaka ne kushiya wothada shuumanaw ellesopa. Harata nagaran gelopa; nena geeshshatethan naaga.

1 ፅሞትዮሳ 6:12

Ammano baaxiya loytha baaxeta. Daro asaa sinthan ne markatida ne ammanuwaba, Xoossay nena iyaw xeegida merinaa de7uwa oyka.

2 ፅሞትዮሳ 3:10

Shin neeni ta timirtiya, ta duussaa, ta qofaa, ta ammanuwa, ta danda7aa, ta siiquwa, ta gencaa,

2 ፅሞትዮሳ 3:14

Shin ne tamaarida tumaaninne ne ammanida ammanuwan eqa. Ne oodefe tamaaridaako eraasa.

Ibraawe 2:17

Asaa nagaray atto geetetana mela Xoossaa sinthan maariyanne ammanetida kahine halaqa gidis. Hessa gisho, I ubbaban ba ishata daananaw bessees.

1 Sameela 2:35

Ta wozanaadanne ta qofaada oothiya taw ammanetiya kahine denthana. Taani iyaw ammanetida soo asi immana; taani tiyida kawa sinthan enti ubba wode oothana.