1 ፅሞትዮሳ 6:16 - Geeshsha Maxaafa

¹⁶ Issi iya xalaali hayqenna. Oonika shiiqanaw danda7onna poo7on de7ees. Oonika iya be7ibeenna; qassi be7anawuka danda7enna. Bonchoynne merinaa wolqay iyaw gido. Amin7i.

Gofa New Testament

¹⁶ Issi iya xalaali hayqqenna. Oonikka shiiqanaw dandda7onna poo7on de7ees. Oonikka iya be7ibeenna; qassi be7anawukka dandda7enna. Bonchchoynne merinaa wolqqay iyaw gido. Amin7i.

ጌሻ ማፃፋ

¹⁶ እስ እያ ፃላል ሀይቀና። ኦንካ ሺቃናዉ ዳንዳኦና ፖኦን ደኤስ። ኦንካ እያ በእቤና፤ ቃስ በአናዉካ ዳንዳኤና። ቦንቾይነ መርና ዎልቃይ እያዉ ግዶ። አምንእ።

Ooratha Caaquwa Goofatho

¹⁶ Issi iya xalaali hayqqenna. Oonikka shiiqanaw dandda7onna poo7on de7ees. Oonikka iya be7ibeenna; qassi be7anawukka dandda7enna. Bonchchoynne merinaa wolqqay iyaw gido. Amin77i.

ኦራ ጫቁዋ ጎፋ

¹⁶ ኢሲ ኢያ ፃላሊ ሃይቄና። ኦኒካ ሺቃናው ዳንዳዖና ፖዖን ዴዔስ። ኦኒካ ኢያ ቤዒቤና፤ ቃሲ ቤዓናዉካ ዳንዳዔና። ቦንቾይኔ ሜሪና ዎልቃይ ኢያው ጊዶ። ኣሚንዒ።

1 ፅሞትዮሳ 6:16 ပူးပေါင်းရင်းမြစ်များ

Iyyoba 37:23

Ubbaa Danda7iya Xoossaako shiiqanaw danda7oko; iya wolqay gita. I ba tuma pirdaaninne ba gita xillotethan ase qohenna.

Mazmure 104:2

Poo7o afilada guuluntadasa; neeni saluwa dunkaaneda toladasa.

Mazmure 90:2

Dereti medhetanaape kase, sa7i oosetanaape kase, merinaape merinaa gakanaw ne Xoosse.

Kessa 3:14

“Xoossay Museko, ‘De7eysinne daanaysi, Tana’ neeni Isra7eeletako, ‘TAANI TANA GIDIDAYSI’ tana hinteko kiittis yaaga” yaagis.

Kessa 33:20

Shin oonika ta som7uwa be7idi paxa doonna gisho, neeni ta som7uwa be7aka” yaagis.

Isayaasa 57:15

Merinaw de7eysi, gitay, dhoqa bessan de7eysi, iya sunthay Geeshsha geeteteysi, yaagees: “Kawuyida asaa ayyaana denthethanaw, meqida wozani de7eyisata koolanaw, kawuyidanne meqida ayyaani de7eysara daana.

Inbaqoome 3:4

Iya poo7oy phooliya awa mela; iya wolqay qosetidi uttida iya kushiyape xolqiya poo7oy keyees.

Yohaanisa 1:18

Xoossaa be7ida asi oonika baawa; ba Aawa matan de7iya issi Na7aa xalaali baw Xoosse gididaysi iya qoncisis.

Yohaanisa 14:9

Yesuusi zaaridi, “Taani haysa mela wode hintera de7inka tana erikii? Tana be7ida uray Aawaka be7is. Yaatin, neeni woygada, ‘Aawa nuna bessa’ gay?

Yohaanisa 6:46

Xoossaa matape yidaysafe attishin, Aawa be7iday oonika baawa; iya xalaali Aawa be7is.

Yohaanisa 8:58

Yesuusi entako, “Taani hintew tuma odayis; Abrahaamey yeletanaape kase, ‘Taani Tana’ ” yaagis.

Efesoona 3:21

woosa keethaninne Kiristoos Yesuusan wode ubban merinaape merinaa gakanaw bonchoy gido. Amin7i.

Zaaretho 32:40

Ta kushiya denthada haysada yaagana; Taani merinaw de7o;

ፍልጵስዩሳ 4:20

Nu Aawa Xoossaas merinaape merinaa gakanaw bonchoy gido. Amin7i.

Qolaasiyasa 1:15

Kiristoosi bentonna Xoossaas tuma leemiso. I medhetetha ubbaafe bayra.

1 ፅሞትዮሳ 1:17

Ayfen bentonnaysas, issi Xoossaas, hayqonaysas, merinaa Kawas, merinaape merinaa gakanaw galataynne bonchoy gido. Amin7i.

Ibraawe 13:8

Yesuus Kiristoosi zineka hachika merinawuka laametenna.

Yayqooba 1:17

Lo77o imoynne kumetha anjo ubbay salopenne saluwa poo7uwa medhida Xoossaa aawape yees. Xoossay kuyada ubba wode laametenna.

1 ዮሃንሳ 1:5

Nuuni de7o gidida iyape si7idi, hintew odiya kiitay haysa: “Xoossay poo7o; iyan dhumi baawa” yaageysa.

1 ዮሃንሳ 1:7

Shin poo7on I de7eysada, nuka poo7on de7iko, nuus woli giddon issifetethi de7ees. Iya Na7aa, Yesuusa suuthay nagara ubbaafe nuna geeshshees.

1 ዮሃንሳ 4:12

Xoossaa be7iday oonika baawa. Nuuni issoy issuwa siiqiko Xoossay nunan de7ees; iya siiqoyka nunan polo gidees.

Yihuda 1:25

nuna ashshiya issi Xoossaas, nu Godaa Yesuus Kiristoosa baggara bonchoy, gitatethi, wolqinne maati, kaseka, ha77ika, merinawuka iyaw gido. Amin7i.

ዮሃኒሳ ቆንጬ 1:6

Nuuni Xoossaa iya Aawas oothana mela nuna kawotethaa kahine oothis. Iyaw merinaape merinaa gakanaw bonchoynne wolqay gido. Amin7i.

ዮሃኒሳ ቆንጬ 1:8

“Kaseka, ha77ika de7eysi, sinthafeka yaana Goday, Ubbaafe Wolqaama Xoossay, Alfanne Omegi tana” yaagees Godaa Xoossay.

ዮሃኒሳ ቆንጬ 21:3

Araatape haysada yaagidi, odiya gita qaala si7as; “Xoossa Keethay asaara de7ees; Xoossay ba bonchuwara asaara issife daana. Enti iya dere gidana; Xoossay ba huuphen entara daana; I enta Xoossaa gidana.

ዮሃኒሳ ቆንጬ 22:5

Hizape qammi deenna; Godaa Xoossay entaw xompe gidiya gisho entaw xompe woyko awa poo7o koshshenna. Enti meri merinaw kawotana.

ዮሃኒሳ ቆንጬ 4:11

“Nu Godaw, nu Xoossaw, neeni boncho, sabanne wolqaa ekanaw bessaasa. Neeni ubbaa medhadasa; ubbabay ne sheniyada hanis, medhetis” yaagidosona.

ዮሃኒሳ ቆንጬ 7:12

“Amin7i! Anjoy, bonchoy, cincatethi, galati, sabi wolqi, minotethi meri merinaw nu Xoossaas gido. Amin7i!” yaagidosona.