Zakaryaasa 1:3 - ጌሻ ማፃፋ

³ ሽን ሀእ አሳስ ሀይሳዳ ያጋዳ ኦዳ፦ ‘ታኮ ስምተ፤ ታኒ ህንተኮ ስማና’ ያጌስ ኡባፈ ዎልቃማ ጎዳይ።

Geeshsha Maxaafa

³ Shin ha77i asaas haysada yaagada oda: ‘Taako simmite; taani hinteko simmana’ yaagees Ubbaafe Wolqaama Goday.

Zakaryaasa 1:3 ပူးပေါင်းရင်းမြစ်များ

2 Taarike 15:2

ካዋ አሳራ ጋሄታናዉ አዛርያስ ብድ፥ “አሳ፥ ይሁዳ አሳዉነ ብንያመ አሳዉ ስእተ! ህንተ ጎዳራ ግድኮ እካ ህንተራ ግዳና። ህንተ እያ ኮይኮ እ ህንተዉ በንታና፤ ሽን ህንተ እያ አግኮ እ ህንተና አጋና።

2 Taarike 15:4

ሽን ባንታና መቶይ ጋክዳ ዎደ ኤንቲ ጎዳኮ፥ እስራኤለ ፆሳኮ ስሚድ እያ ኮይን እ ኤንታዉ በንትስ።

Nahime 9:28

ሽን ኤንቲ ሸምፖ ደም ስሚድ ዛሪድ ነ ስንን ናጋራ ኦዶሶና። ነ ዛራዳ ኤንታ ሞርከታ ኩሸን አዳ እምን፥ ኤንታ ሞርከት ኤንታ ሃርዶሶና። ሽን ሀእካ ኤንቲ ኔኮ ዋስን፥ ኤንታ ዋሱዋ ሳሎን ግዳዳ ስአዳሳ። ነ ማሮተን ኤንታ ዛራ ዛራዳካ አሻ ኤካዳሳ።

Iyyoba 22:23

ኔኒ ኡባ ዳንዳእያ ፆሳኮ ስምኮ፤ ነዉ ሳእ ስማና፤ ኢታ ኦሶ ኡባ ነ ሶፐ ድጋ፤

Isayaasa 31:6

“ህንተኖ እስራኤለ አሳዉ፥ ህንተ ማካልድ እፅዳ፥ እያኮ ስምተ።

Isayaasa 44:22

ታኒ ነ ናጋራ ፕታዳ ድጋስ፥ ነ ናቁዋ ጫጋናዳ ቁቻስ። ታኒ ነና ዎዝዳ ግሾ፥ ታኮ ስማ” ያጌስ።

Ermiyaasa 12:15

ሽን ኤንታ ቢታፈ ሾድዳፐ ጉየ፥ ዛራዳ ኤንታዉ ቃታና። ኤንታ እሱዋ ኤንታ ላታ ቢታነ ኤንታ ካዎተ ዛራዳ ኤሀና።

Ermiyaasa 25:5

ኤንቲ፥ “ህንተ ኡባይ ህንተ ኢታ ኦግያፐነ ህንተ ኢታ ኦሱዋፐ ስምተ። ጎዳይ ህንተዉነ ህንተ ማይዛታስ መርናዉ እምዳ ቢታን ህንተ ዳና።

Ermiyaasa 3:1

“እስ አስ ባ ማችዉ የድን፥ እያ ባዳ ሀራ አዝና ገልኮ፥ ሄ አደይ እዮ ዛሪ? ዛርኮ ሄ ቢታይ ቱና ግደኔ? ሽን ነ ላይማታናዉ ኮያዳ ዳሮ ላገታራ ደአዳሳ፤ ሀእ ኔኒ ታኮ ስማኔ? ያጌስ ጎዳይ

Ermiyaasa 3:22

“ህንተኖ፥ አማኖይ ባይና አሳዉ፥ ታኮ ስምተ። ህንተ አማነታና መላ ታ ህንተና ፓና” ያጌስ ጎዳይ። ህንተ፥ “ኔኒ፥ ኑ ጎዳ ፆሳ ግድያ ግሾ ኔኮ ስማና።

Ermiyaasa 35:15

ታኒ ዛራዳ ዛራዳ ናበታ፥ ታ አይለታ ህንተኮ የዳስ፤ ኤንቲ፥ ‘ህንተ ኡባይ ህንተ ኢታ ኦግያፐ ስምተ፤ ህንተ ኦሱዋ ሎይተ፤ ሀራ ፆሳታ ጎይኖፍተ፤ ኤንታዉ ኦፕተ። ሄ ዎደ፥ ታ ህንተዉነ ህንተ ማይዛታስ እምዳ ቢታን ህንተ ዳና’ ያግዶሶና። ሽን ህንተ ታና ስአናዉ ህንተ ሀይ ታኮ ዛርቤከታ።

Ermiyaasa 4:1

ጎዳይ ያጌስ፥ “እስራኤለ አሳዉ፥ ስምኮ፥ ታኮ ስምተ። ህንተ ታና ሻትያ ህንተ ኤቃታ ታ ስንፈ ድግኮ፥ ታ ኦግያፐ ካረ ከዮና እፅኮ፥

Hizqeela 18:19

“ሽን ህንተ፥ ‘ናአይ ባ አዋ ናጋራ ጋሶን አይስ ሴረተኔ?’ ” ያጌታ። ናአይ ቱማ ፕርዳነ ሱረ ኦድ፥ ታ ህግያ ምንድ ናግኮ፥ ቱማ ደኦን ዳና።

Hizqeela 18:31

ህንተ ኢታ ኦሱዋ ኡባ ዎራ የግድ፥ ኦራ ዎዛናነ ኦራ አያና ኤክተ። ህንተኖ፥ እስራኤለ አሳዉ፥ አይስ ሀይቄቲ?

Hizqeela 18:32

ታኒ እስ አሳ ሀይቆንካ ኡፋይትከ። ሄሳ ግሾ፥ ህንተ ናጋራ ፓፅድ፥ ደኦን ደእተ” ያጌስ ኡባ ሃርያ ጎዳይ።

Hizqeela 33:11

ታኒ ኡባ ሃርያ ጎዳይ ታ ደኡዋን ጫቃይስ፦ “ናጋራንቾይ ባ ናጋራ አግድ፥ ደኦን ዳና መላ ኮያይስፐ አትሽን፥ ናጋራንቹዋ ሀይቁዋን ኡፋይትከ። ህንተኖ፥ እስራኤለ አሳዉ፥ ስምተ፤ ህንተ ኢታ ኦሱዋ አግተ! አይስ ሀይቃናዉ ኮዬቲ?” ያግስ።

Hose 14:1

እስራኤለ አሳዉ፥ ህንተ ናጋራ ጋሶን በትድ ኩንድዳ ግሾ ሀእ ጎዳ፥ ህንተ ፆሳኮ ስምተ።

Hose 14:4

ጎዳይ፥ “ታ ሀንቆይ ኤንታፈ ስምዳ ግሾ፥ ታኒ ኤንታ ማካላ ሀኑዋፐ ኤንታ ፓዳ፥ ኤንታ ዎዛናፐ ሲቃና።

Hose 6:1

እስራኤለ አሳይ፥ “ሃይተ! አነ ጎዳኮ ስሞስ። እ ኑና መንረስ፥ ሽን እ ኑና ኮላና፤ እ ኑና ማዱንፅስስ፥ ሽን እ ኑ ማዱን ቃቻና።

Iyyu7eela 2:12

“ሀእካ ፆማን፥ ዬሆንነ አዛኖን ህንተ ፖሎ ዎዛናፐ ታኮ ስምተ።”

Milkiyaasa 3:7

ህንተ ማይዛታ ዎደፐ ዶምድ፥ ታ ዎጋፐ ካረ ከይደታ፤ እያ ናግበከታ። ሀእ ታኮ ስምተ፤ ታንካ ህንተኮ ስማና” ያጌስ ኡባፈ ዎልቃማ ጎዳይ። ሽን ህንተ፥ “ኑኒ አይ ኦገን ስምኖ?” ያግድ ኦይቼታ።