2 ጎዳይ ኪትዳይሳ መላ ሙሰይ ኤንቲ ሲራትዳ በሳታ ሱን ኡባ ካል ካል ፃፍስ።
2 Goday Kiittidaysa mela Musey enti siiratida bessata sunthaa ubbaa kaali kaali xaafis.
ሄሳፈ ጉየ ጎዳይ ሙሰኮ፥ “ሀይስ ኡባ ዎደ ሀሳየታና መላ ሀ ፆኑዋ ታርክያ ፃፋ። ታኒ አማለቃታ ቡርፆራ ይሳናይሳነ ኤንቲ ዶገታናይሳ እያሱስ ኦዳ” ያግስ።
ጎዳይ ሙሰ ኪትዳይሳዳ ኤንቲ ባናዉ ኮይሮ ደንድዶሶና።
ሞይዘይ ናምአን ፑነትያ ዎደ ዱገሀ ባጋን ዱንካንዳ ኮቻይ ደንዶ። ሞይዘይ ሄሳ ፑነትያ ዎደ ጉታፐ ደንዳናዉ ማላ ግዶ።
ሙሰይነ አሮን ካለን፥ እስራኤለ አሳይ፥ ባንታ ጩጋን ጩጋን ግብፀፈ ከይድ ሲራትዳ ጉታታ ኦድያ ታርከይ ሀይሳ።
እስራኤለ አሳይ ኮይሮ አጌናን፥ ታማነ እቻሻን ጋላሳን፥ ፓስካ ቦንችያ ናምአን ጋላስ ደንድድ፥ ግብፀ አሳ ኡባይ በእሽን፥ ያዮና ራምሰፐ ከይዶሶና።
ሳይረ ደርያ ባጋራ ኮሬባ ዙማፐ ብድ ቃደስ-ባርነ ጋካናዉ ቶሆን ታማነ እስ ጋላሳ ኦገ።
ጎዳይ ታኮ፥ “ታኒ ኤንታ አዋታስ እማና ጋዳ ጫቅዳ ቢታ ኤንቲ ገላና መላነ ላታና መላ ሀ አሳ ካለ” ያግስ።