1 ጎዳይ ሙሰኮ፥
1 Goday Museko,
ሳምባታ ጋላስ፥ አጌና ፄሮን፥ ዎጋይ ኪትያ ሀራ ባኣለ ጋላሳይ ጋክያ ዎደ ጎዳስ ፁሳ ያርሾ ያርሾሶና። ኤንታዉ እመትዳ ታይቡዋዳነ ኪታዳ ኡባ ዎደ ጎዳ ስንን ኦሶና።
ሄኮ፥ ሀእ ታ ጎዳ፥ ታ ፆሳ ሱንስ ኬ ኬፃናዉ ሀናይስ። ታ ያን ሳዎ ቶንኩ ግያ እፃነ ጩይሳናዉ፥ ኡባ ዎደ ጎዳ ስንን ኡይ ዎናዉነ ዎንታነ ኦማርስ፥ ሳምባታ ጋላሳን፥ አጌን ፄርያ ዎደነ ጎዳ ኑ ፆሳ ባኣለ ጋላሳታን ፁሳ ያርሾ ያርሻናዉ፥ ፆሳ ኬ ዱማያና። እስራኤለ አሳይ መርናዉ ኦና መላ ኪተትዳ ኦሶት ሀይሳታ።
ዮዳሄይ ካህነታነ ሌወታ ፆሳ ኬ ኦሱዋስ ሀላቃ ኦድ ሹምስ። ኤንታ ኦሶይ ሙሰ ህግያን ፃፈትዳይሳዳነ ካዎይ ዳዊቲ ኦድዳይሳዳ ያርሾ ያርሻናይሳ። ቃስ ካዎይ ዳዊቲ ኦድዳይሳዳ ማዝሙረ የፅሸ ቦንቻናይሳ።
ጎዳ ህግያን ፃፈትዳይሳዳ ዎንታነ ኦማርስ ፁሳ ያርሾነ ሳምባታን፥ አጌና ፄሮንነ ሀራ ባኣለ ጋላሳታን ሺቅያ ያርሹዋስ ኮሽያ መሄታ ካዎይ ባፐ እሜስ።
ሙሰ ህገይ ኪተይሳዳ ጋላስ ጋላስ ፁሳ ያርሾ ያርሼስ። ሶሎሞነይ ሳምባታ ጋላሳን፥ አጌና ፄሮንነ ላይን ሄ ቶሆ ቦንቸትያ ባለታን፥ ሄስካ ኡይ ባለን፥ ሳምንታ ባለንነ ሻቃራ ባለን ጎዳስ ያርሾ ያርሼስ።
የሩሳላመን ደእያ ካህነት ሳሎ ፆሳስ ፁሳ ያርሾ ያርሻናዉ ኮሽያ ዎፋኖ ግድን፥ ማራዘ ግድን ዎይኮ ዶርሳ ኡርገ ግድን ኤንታዉ እምተ። ቃስ አይባካ ፓጭሶና ኤንቲ ኮይያ ግስተ፥ ማፅነ፥ ዎይነነ ዛይተ ኤንታዉ ጋላስ ጋላስ እምተ።
ሄስካ፥ ጎዳ ስንን ዎያ ኡይስ፥ ጋላስ ጋላስ ያርሸትያ ካ ያርሹዋስ፥ ፁሳ ያርሹዋስ፥ ሳምባታ ጋላሳን፥ አጌና ፄሮን፥ ላይን ደእያ ሀራ ባለታን፥ ጌሻ ያርሾታስ፥ እስራኤለ አሳ ናጋራ አቶተስ ያርሸትያ ያርሹዋስነ ኑ ፆሳ ኬ ኦሱዋስ ኮሽያ ኡባ ኩንናሳ።
ሀዳ ያርሹዋ ኤሄይሳ አግተ! ህንተ ጩይስያ እፃነይ ታና ሻቴስ። አጌና ፄሮን ህንተ ቦንችያ ጋላሳ፥ ሳምባታነ ኢታተን ህንተ ሺቅያ ሺቁዋ ታኒ እፃይስ።
አይ ሞቶይ ደንድኮካ፥ ካህነት ህገይ ኦደይሳዳ ፕርዶ። ታ ህገይነ ታ ዎጋይ ገይሳዳ ታ ባለታ ቦንቾ፤ ታ ሳምባታ ዱማይድ ቦንቾ።
ሀላቃይ ኦያ ኦሶይ፥ እስራኤለ አሳይ ቦንችያ ባለታን፥ አጌና ፄሮን ሳምባታታ ጋላሳን፥ ፁሳ ያርሾ፥ ካ ያርሾነ ኡሻ ያርሾ ሺሾ። እስራኤለ አሳ ናጋራ አቶተስ ናጋራ ያርሾ፥ ካ ያርሾ፥ ፁሳ ያርሾነ እስፈተ ያርሾ ኮሽያባ እሞ።
“ኡፋይሳ ጋላሳታንነ ላይ ባለታን እስ እስ ኮርማራነ እስ እስ ማራዝያራ ሺቅያ ካ ያርሾይ እስ እስ ታማነ ላፑን ክሎ ግራመ ግስተራ ሄ ሄ ልትሮ ዛይተራ ግዶ። ቃስ ኡርገ ዶርሳራ ሺቅያ ያርሾይ ሀላቃይ ባዉ ሺሻናዉ ኮይዳይሳ መላ ግዶ።
ሄሳፈ ጉየ፥ አሮን አሳ ግሾ ያርሾ ያርሽስ። እ አሳ ናጋራ ግሾ ያርሸትያ ኮልያ ኤክድ ሹክስ፤ እ ካሰ ባ ናጋራ ያርሽዳይሳዳ ኤንታ ናጋራ ግሾ ያርሽስ።
ጎዳይ ኪትዳይሳዳ ሙሰይ ባ ኩሽያ እያ ቦላ ዎድ ሹምስ።
“እስራኤለ አሳ ሀይሳዳ ያጋዳ ኪታ፤ ፁገትያ ሳውያ ካ ያርሾ ዎደን ዎደን ታዉ ያርሽተ።
ፁሳ ያርሾስ፥ እስ ዎፋኖ፥ እስ ማራዘ፥ እስ ላይ ኡርገ ዶርስ፤
ዱማ ግድዳ ጋላሳታ፥ አጌናታ፥ ዎደታነ ላይታ ህንተ ሎይ ቦንቸታ።
ሄሳ ግሾ፥ ምያባን ዎይኮ ኡያባን፥ ባኣለ ጋላስ ዎይኮ አጌን ፄርያ ቃማ ቦንቾን ኦንካ ህንተ ቦላ ፕርዶፎ።
