Taybo 24:7 - ጌሻ ማፃፋ

⁷ ኤንታ ፁጋይ ሃን ኩማና፤ ኤንታ ኮቻይ ግድያ ሃ ደማና። ኤንታ ካዎይ ካዋ አጋጋፐ አና፤ ኤንታ ካዎተይ ቦንቸታና።

Geeshsha Maxaafa

⁷ Enta xuggay haathan kumana; enta kochay gidiya haathi demmana. Enta kawoy kawa Agaagape aadhana; enta kawotethay bonchetana.

Taybo 24:7 ပူးပေါင်းရင်းမြစ်များ

2 Sameela 5:12

ጎዳይ እስራኤለ ቦላ እያ ካዎ ኦድ ምንዳይሳነ ባ አሳ እስራኤለ ግሾ እያ ካዎተ ቁ ኦድ ቦንችዳይሳ ዳዊቲ ኤርስ።

1 Kawota 4:21

ሶሎሞነይ ኤፍራፂሳ ሻፋፐ ዶምድ ፍልስፄመ ቢታ ጋካናዉ፥ ያፐ ካንድ ግብፀ ዛዋ ጋካናዉ ደእያ ካዎተታ ኡባ ሃርስ። ሄ ቢታ አሳት እያዉ ጊራ ጊርዶሶና፤ እያ ደኦ ላይ ኡባን እያዉ ሃረትዶሶና።

1 Kawota 5:1

ፅሮሳ ካዎይ ክራም ዳዊታራ ስጋን ጋምእዳ ግሾ፥ ሶሎሞነይ ባ አዋ ዳዊታ በሳን ካዎታናዉ ትየትዳይሳ ስእድ፥ አሰ ሶሎሞነኮ ኪትስ።

1 Taarike 14:2

ጎዳይ እስራኤለ ቦላ እያ ካዎ ኦድ ምንዳይሳነ ባ አሳ እስራኤለ ግሾ እያ ካዎተ ቦንችዳይሳ ዳዊቲ ኤርስ።

Izira 4:20

የሩሳላመን ዎልቃማ ካዎት ካዎትዶሶና፤ ኤፍራፂሳ ሻፋፐ ሄፍንን ደእያ ቢታፈካ ሄ ካዎት ጊራነ ቃራፃ ኤክዶሶና።

Astiro 3:1

ሄሳፈ ጉየ፥ ካዎይ አርፀክስስ ሃማ ጌተትያ ባራ ኦይሳ ሹማተ ቅስድ፥ ባ ሀላቃታ ሀላቃ ኦድ ሹምስ። ሃማ አዋይ ሀማዳት አጋጋ ኮቸ።

Mazmure 18:43

ገነ አሳፐ ታና አሻዳሳ፤ ታና ካዎተታ ቦላ ሹማዳሳ፤ ታ ኤሮና አሳይ ታዉ ሃረትዶሶና።

Mazmure 68:26

ህንተ “ፆሳ ግታ ሺቆን ጋላትተ፤ ህንተኖ፥ እስራኤለ አሳዉ፥ ጎዳ ጋላትተ” ያጎሶና።

Mazmure 72:11

ካዎት ኡባይ እያዉ ጉልባቶ፤ ካዎተት ኡባይ እያዉ ኪተቶ።

Mazmure 89:27

ታኒ እያ ባይራ ናአ ኦና፤ ሳአን ደእያ ካዎታ ኡባፈ እያ ግታያና።

Isayaasa 2:2

ዉርሰ ጋላሳታን ጎዳ ኬይ ኬፀትዳ ዙማይ፥ ዙማታ ኡባፈ ቁ ግድ በንታና፤ ዙማ ኡባፈ ቦላራ ቁ ጋና። ካዎተት ኡባይ እያኮ ባና።

Isayaasa 30:25

አስ ዉርያ ዎደ ሚፃት ላለትያ ጋላስ ደረታነ ዙማታ ቦላፈ ፑልቶ ሃ ጎጋና።

Isayaasa 48:1

“ህንተኖ፥ ያይቆባ ሶ አሳዉ፥ እስራኤለ ሱንን ፄገትዳይሳቶ፥ ይሁዳ ኮቻፈ ይዳይሳቶ፥ ሀይሳ ስእተ። ህንተ ጎዳ ሱንን ጫቀታ፤ እስራኤለ ፆሳ ፄገታ፤ ሽን ቱማተንነ ፅሎተን ግደና።

Isayaasa 9:7

እያ ካዎተ ዳልጋተስነ እያ ሳሮተስ ዛው ባዋ። ሀችፈ ዶምድ፥ መርና ጋካናዉ ሱረ ፕርዳንነ ፅሎተን ምንናዉነ ኤሳናዉ ዳዊታ አራታንነ እያ ካዎተን እ ካዎታና። ኡባፈ ዎልቃማ ጎዳ ቃናተይ ሀይሳ ኦና።

Ermiyaasa 51:13

ባብሎነ፥ ኔኒ ዳሮ ሻፋትነ ዱረተ ኩምዳ ቢታ፥ ሽን ነ ዉርሰይ ጋክስ፤ ኔኒ በሶና ኦገን ሺሽያ ጎአይ አትስ።

Daanela 2:44

“ሄ ካዎታ ላይን፥ ሳሎ ፆሳይ ኩንዶና፥ ሀራ አሳስ አድ እመቶና ካዎተ ኤሳና። ሄ ኤቅዳ ካዎተይ፥ ሄ ካዎተታ ኡባ ጋጭድ ይሳና፤ ሽን እ መርናዉ ኤቅድ ዳና።

Taybo 24:20

ሄሳፈ ጉየ፥ ባላም አማለቃ በእድ ሀይሳዳ ያግድ ትንብተ ኦድስ፤ “አማለቅ ካዎተታ ግዶን ኮይሮ፥ ሽን ኤንታ ዉርሰይ ዮ” ያግስ።

Yohaanisa 1:49

ናትናኤል ዛሪድ፥ “አስታማርያዉ፥ ኔኒ ፆሳ ናኣ! ኔኒ እስራኤለ ካዎ!” ያግስ።

ዮሃኒሳ ቆንጬ 11:15

ላፑን ኪታንቾይ ባ ሞይዝያ ፑንስ። ሳሎፐ፥ “ሳኣ ካዎተይ ኑ ጎዳስነ ክርስቶሳስ ግድስ፤ እ መርናፐ መርና ጋካናዉ ሃራና” ግያ ዎልቃማ ቃላይ ስኤትስ።

ዮሃኒሳ ቆንጬ 17:1

ላፑን ፁአታ ኦይክዳ ላፑን ኪታንቾታፐ እሶይ ታኮ ይድ፥ “ሃያ፤ ዳሮ ሃታ ቦላ ኡትዳ ግታ ላይማትያ ማጫሰ ቦላ ያናዉ ደእያ ፕርዳ ታ ነና በሳና።

ዮሃኒሳ ቆንጬ 17:15

ኪታንቾይ ቃስካ ታኮ፥ “ላይማትያራ ኡትዳ ሄ ኔኒ በእዳ ሃት ያራታ፥ ካዎተታ፥ ዘረታነ ዱማ ዱማ ዶናን ኦደተይሳታ።

ዮሃኒሳ ቆንጬ 19:16

እያ ማኡዋ ቦላነ እያ ዎድርያ ቦላ፥ “ካዎታ ካዋነ ጎዳታ ጎዳ” ግያ ሱንይ ፃፈትስ።