Taybo 21:34 - ጌሻ ማፃፋ

³⁴ ሽን ጎዳይ ሙሰኮ፥ “ሀ ኡራስ ባቦፋ፤ ህዛ፥ ካዋ ኦገ፥ እያ አሳነ እያ ቢታ ኡባ ነ ኩሸን አዳ እማስ። ሀሰቦናን ኡትድ ሃርዳ አሞረታ ካዋ ስሆነ ቦላ ኦይሳዳ ኔኒ እያ ቦላ ኦና” ያግስ።

Geeshsha Maxaafa

³⁴ Shin Goday Museko, “Ha uraas babofa; hiza, kawa Ooge, iya asaanne iya biitta ubbaa ne kushen aathada immas. Haseboonan uttidi haarida Amooreta kawa Sihoone bolla ootheysada neeni iya bolla oothana” yaagis.

Taybo 21:34 ပူးပေါင်းရင်းမြစ်များ

2 Sameela 5:19

ሄሳ ግሾ፥ ዳዊቲ፥ “ታኒ ባዳ ፍልስፄመታ ኦሎ? ኔኒ ኤንታ ታዉ አዳ እማኔ?” ያግድ ጎዳ ኦይችስ። ጎዳይ፥ “ኤ ኦላ፤ ቱማ ታ ኤንታ ነዉ አዳ እማና” ያግስ።

1 Kawota 20:13

ሄኮ፥ እስ ናበይ እስራኤለ ካዋ አካባኮ፥ “ጎዳይ ‘ሀ ዳሮ ኦላንቾታ ኡባ በአ? ታኒ ሀች ኤንታ ነ ኩሸን አዳ እማና፤ ታ ጎዳ ግደይሳ ኔኒ ሄ ዎደ ኤራና’ ያጌስ” ያግስ።

1 Kawota 20:28

እስ ፆሳ ናበይ እስራኤለ ካዋኮ ብድ፥ “ጎዳይ ሀይሳዳ ያጌስ፤ ‘ሶረ አሳይ፥ ፆሳይ ደረ ፆሰፈ አትሽን፥ ደምባ ፆሲ ግደና ያግዳ ግሾ፥ ሀ ዳሮ ኦላንቾታ ታኒ ነ ኩሸን አዳ እማና። ሄ ዎደ ታኒ ጎዳ ግደይሳ ኔንነ ነ አሳይ ኤራና’ ” ያግስ።

2 Kawota 3:18

ሀይስ ፆሳ ስንን ላፋባ፤ ቃስ እ ሞአበ ህንተዉ አድ እማና።

Isayaasa 41:13

ታኒ ጎዳይ፥ ነ ፆሳይ፥ ነ ኡሻቻ ኩሽያ ኦይካና፤ ያዮፋ፥ ታኒ ነና ማዳና።

Taybo 14:9

ሄሳ ግሾ፥ ጎዳ ቦላ ማካሎፍተ። ሄ ቢታ አሳስ ያዮፍተ፤ ኤንቲ ኑስ ኦይካ ግዶኮና። ኤንታዉ ኤሾይ ባዋ፤ ጎዳይ ኑራ ደኤስ፤ ህንተ ኤንታዉ ያዮፍተ” ያግዶሶና።

Zaaretho 2:30

ሽን ሀሰቦና ካዎይ ስሆነይ ኑና አና እፅስ። ጎዳይ ህንተ ፆሳይ ሀእ ኦዳይሳዳ እያ ህንተ ኩሸን አድ እማናዉ ኮይዳ ግሾ እያ ዎዛና ሙምስስድ፥ ኦቶራንቾ ኦስ።

Zaaretho 20:3

“እስራኤለ አሳዉ፥ ስእተ፤ ሀች ህንተ፥ ህንተ ሞርከታራ ኦለታናዉ ሀኔታ። ህዛ ህንተ ዎዛናይ ዳጋሞፎ፤ ያዮፍተ፤ ኤንታ ስንን ኮኮሮፕተ፤ ህርጎፍተ።

Zaaretho 3:1

ሄሳፈ ጉየ፥ ኑኒ ስሚድ ባሳነ ኤፍያ ኦግያራ ከይዳ። ባሳነ ካዎይ ኦገይ፥ ባ ኦላንቾታ ኡባራ ኤድራአ ጌተትያ በሳን ኑራ ኦለታናዉ ከይስ።

Zaaretho 3:11

(ራፋይመታፐ አትዳይ ባሳነ ካዋ ኦገ ፃላላ። እያ አርሳይ ብራታ አርስ፤ ሄ አርሳይ ሀች ጋካናዉ ራባ ጌተትያ አሞነታ ካታማን ደኤስ፤ እያ አዱሳተይ ሆስፑን ዋ፤ ጎምፓይ ኦይዱ ዋ።)

Zaaretho 31:6

ምንተ፤ ገንጭተ፤ ያዮፍተ። ኤንታ በእድ ዳጋሞፕተ። ጎዳይ ህንተ ፆሳይ ህንተራ ግዳና፤ እ ህንተና የገና፥ አገና” ያግስ።

Zaaretho 7:17

ኔኒ፥ ነ ዎዛናን፥ “ሀ ካዎተት ታፐ ምኖሶና፤ ያትን፥ ታ ኤንታ ዋታዳ ጎዳዳ ከሳኔ?” ጋናዉ ዳንዳኣሳ።

Zaaretho 7:18

ሽን ኤንታዉ ያዮፋ። ጎዳይ፥ ነ ፆሳይ፥ ግብፀ ካዋ ቦላነ ግብፀ ቢታ ኡባ ቦላ ኦዳይሳ አኬካ።

Zaaretho 7:21

ሄሳ ግሾ፥ ነ ኤንታዉ ያዮፋ፤ ኔራ ደእያ ጎዳይ፥ ነ ፆሳይ፥ ግታነ ያሽያ ፆሲ።

Zaaretho 7:24

ኤንታ ካዎታ ነ ኩሸን አድ እማና። ነ ኤንታ ሱን ሳሎፐ ጋርሳን ቁቻዳ ይሳና። ኦንካ ኔራ ኤቀትድ ዳንዳኤና፤ ነ ኤንታ ይሳና።

Iyyasu 10:25

እያሱይ ኤንታኮ፥ “ህንተ ኦለትያ ህንተ ሞርከታ ቦላ ጎዳይ ሀይሳዳ ኦና ግሾ፥ አይኮይ ባዋ ያዮፍተ፤ ምንተ” ያግስ።

Iyyasu 10:8

ጎዳይ እያሱኮ፥ “ኤንታዉ ባቦፋ፤ ታኒ ኤንታ ነ ኩሸን አዳ እማስ። ኤንታፈ እስ አስካ ኔራ ኤቀታናዉ ዳንዳኤና” ያግስ።

Iyyasu 8:7

ሄ ዎደ ህንተ ቆሰትዳ በሳፈ ከይድ ካታማ ኦይክተ። ጎዳይ ህንተ ፆሳይ ካታማ ህንተ ኩሸን አድ እማና።

አይሰይሳታ 11:30

ዮፍታሄይ ጎዳስ ቃንገትድ፥ “ኔኒ አሞነታ ታ ኩሸን አዳ እምኮ፥

1 Sameela 23:4

ዳዊቲ ዛሪድ ጎዳ ኦይችን ጎዳይ፥ “ፍልስፄመታ ታኒ ነዉ አ እማና፤ ደንዳዳ ቃእላ ባ” ያግስ።