Taybo 18:13 - ጌሻ ማፃፋ

¹³ ኤንቲ ጎዳስ ኤህያ ጋደን ኮይሮ ጋክዳ አይፈይ ህንተሳ፤ ህንተ ሶ አሳ ግዶን ዎጋዳ ቱና ግዶና ኡባይ ሄሳ ሞ።

Geeshsha Maxaafa

¹³ Enti Godaas ehiya gaden koyro gakida ayfey hintesa; hinte soo asaa giddon wogaada tuna gidonna ubbay hessa mo.

Taybo 18:13 ပူးပေါင်းရင်းမြစ်များ

2 Kawota 4:42

ኮይሮ ጋክዳ ካፈ ኡከትዳ ላታሙ ባንጋ ዳቡዋ፥ ትያ ካራ እስፈ ባ ኦጎሩዋን የግድ፥ ፆሳ አድያስ ኤህያ እስ አደይ ባኣል-ሻልሻፔ ይስ። ኤልስ ባ አይልያ፥ “ማና መላ አሳስ አ” ያግስ።

2 Taarike 31:5

እስራኤለ አሳይ ካዋ ኪታ ስእዳ ዎደ ካፈ፥ ዎይነ ኡሻፈ፥ ዛይትያፐ፥ ኤሳፈነ ጋደን ካፅዳባፐ ባይራ ጎዳስ እምዶሶና፤ ባንታዉ ደእያባ ኡባፈ አስራታ ከስዶሶና።

Kessa 22:29

ነ ካፈ፥ ነ ዎይነ ኡሻፈነ ነ ሻማሆ ዛይትያፐ ታዉ ያርሾ ያርሻ። “ባይራ ግድድ የለትዳ አደ ናኣ ታዉ እማ።

Kessa 23:19

ህንተ ጋደን ባይራ ካፅዳ ካ ኡባፈ ሎኡዋ ጎዳ፥ ህንተ ፆሳ ሶ ኤህተ። ዴሻ ማር ዎይኮ ዶርሳ ማር እያ አየ ማን ዶይሶፓ።

Kessa 34:26

“ህንተ ጋደን ባይራ ካፅዳ ካፈ ኮይሮ አይፍያ ጎዳ ህንተ ፆሳ ኬ ኤህተ። “ዴሻ ማር እያ አየ ማን ዶይሶፕተ” ያግስ።

Ermiyaasa 24:2

እስ ኬሽያን ኮይሮ ቴርዳ ዳንያ ሎኦ ባላሰይ ደኤስ፤ ሀንኮ ኬሽያን ቃስ ማናዉ ጊጎና ኢታ ባላሰይ ደኤስ።

Hizqeela 44:30

ኮይሮ ጋክያ ዱማ ዱማ ካ ፄራ አይፈይነ ህንተ ጎዳስ እምያ እሞታ ኡባይ ካህነታሳ። ህንተ ኬይ አንጀታና መላ ህንተ ልያፈ ኮይሮ ኩሽያ ኤንታዉ እምተ።

Hose 9:10

ጎዳይ፥ “ታኒ መላ ቢታን ዎይነ አይፈ ደምዳይሳዳ እስራኤለ አሳ ደማስ። ታኒ ባላሰ ምን ኮይሮ አይፈ በእዳይሳዳ ህንተ አዋታ በአስ። ሽን ኤንቲ ብኤል-ፋጎራ ጌተትያ በሳ ይድ፥ ዬላይያ ኤቃስ ባንታና ዱማይዶሶና፤ ኤንቲ ሄ ዶስዳ ኤቃዳ ቱንዶሶና።

Leeweta 22:7

አው ዉልያ ዎደ እ ጌሽ ግዴስ። ሄሳፈ ጉየ፥ ሄ ጌሻ ያርሹዋፈ ባና ጋክያ ግሹዋ ሞ።

Leeweta 23:17

ህንተ ደእያ በሳፈ ናምኡ ክሎ ግራመ ግድያ ሎኦ ልያን እርሾ የግድ ኡክዳ ናምኡ ኡይ ዩሾ ያርሾስ ኤክድ ዪተ። ሄስ ዋቻ ካፈ ጎዳስ ሺቅያ ያርሾ ግዴስ።

Mikiyaasa 7:1

ታና አየ! ታኒ ቴራ አይፈይ ማፀትድ ዉርን፥ ዎይንያፐነ ባላሰ ምፈ ባ አሞትዳይሳ ደማናዉ ዳንዳእቦና ኮሻትዳ ኡራ መላ ግዳስ።

Zaaretho 18:4

ነ ካፈ፥ ዎይንያፐነ ዛይትያፐ ኮይሮ ጋክዳ አይፍያነ ነ ዶርሳ እክስያፐ ባይራ ካህነታስ እማ።

Zaaretho 26:2

ጎዳይ፥ ነ ፆሳይ ነዉ እምያ ቢታን ሞክዳ ካ ኡባፈ ባይራ፥ ጎዳይ ነ ፆሳይ ባ ሱንይ ፄገታና መላ ዶርዳ በሳ ኤካዳ ባ።