Taybo 14:11 - ጌሻ ማፃፋ

¹¹ ጎዳይ ሙሰኮ፥ “ሀ አሳይ ታና ካይ አዉደ ጋካናሴ? ታኒ ኤንታ ግዶን ኦዳ ማላታታ በእሸ፥ አዉደ ጋካናዉ ታናን አማኖና እፃኔ?

Geeshsha Maxaafa

¹¹ Goday Museko, “Ha asay tana kadhey awude gakanaasee? Taani enta giddon oothida malaatata be7ishe, awude gakanaw tanan ammanonna ixanee?

Taybo 14:11 ပူးပေါင်းရင်းမြစ်များ

Mazmure 106:24

ሄሳፈ ጉየ፥ ኤንቲ እያ ቃላ አማኖና ግሾ፥ ሄ ሎኦ ቢታ ካዶሶና።

Mazmure 78:22

ሄስካ ኤንቲ ፆሳን አማንቦኮና፤ ዎይኮ እያ አሹዋን አማነትቦኮና።

Mazmure 78:32

ሄ ኡባይ ሀንንካ ናጋራ ኦሶ አግቦኮና፤ ዳሮ ማላታ ኦንካ አማንቦኮና።

Mazmure 95:8

ካሰ ህንተ ማይዛት ማርባን ሀንዳይሳዳ፥ ሄ ጋላስ ማሳን ባንታ ዎዛና ምንዳይሳዳ፥ ህንተ፥ ህንተ ዎዛና ምንፍተ።

Kessa 10:3

ሙሰይነ አሮን ካዋኮ ብድ፥ “ጎዳይ፥ እብራወታ ፆሳይ ኔኮ፥ ‘ኔኒ ታዉ ኪተተ እፀይ አዉደ ጋካናሴ? ታዉ ጎይናና መላ ታ አሳ የዳ።

Kessa 16:28

ያትን፥ ጎዳይ ሙሰኮ፥ “ታ ኪታነ ታ ህግያ ህንተ ናጎና እፀይ አዉደ ጋካናሴ?

Kessa 23:21

እ ኦድያባ ስአዳ እያዉ ኪተታ፤ እያ ቦላ ማካሎፋ። ታ እያዉ ማታ እምዳ ግሾ፥ ህንተ ናጋራ ኦያባ ግድኮ፥ ህንተ ናጋራ ማረና።

Kessa 32:9

ጎዳይ ሙሰኮ፥ ሀ አሳይ አይ መላ ዎዛና ሙመኮ ታ በአስ።

Leemiso 1:22

“ህንተኖ፥ አኬክ ፓጭዳይሳቶ፥ ህንተ አዉደ ጋካናዉ ኤያ ግድድ ዳኔ? ቀልቅሰይሳቶ፥ አዉደ ጋካናዉ ኡፋይታኔ? ኤያቶ፥ አዉደ ጋካናዉ ኤራተ እፃኔ?

Ermiyaasa 13:10

ታ ቃላ ስኦና እፅድ፥ ባንታ ዎዛና ሙምስድ፥ ሀራ ፆሳታ ጎይናናዉነ ኤንታዉ ኦናዉ ብያ ሀ ኢታ አሳት፥ ሀ ዳንጩዋዳ ማዶናባ ግዳና።

Ermiyaasa 4:14

“ነኖ የሩሳላመ፥ አታና መላ ነ ዎዛና ሜጫዳ ኢታተፈ ጌያ። ኢታ ቆፋይ ነ ዎዛናን አዉደ ጋካናዉ ጋምአኔ?

Hizqeela 20:13

ሽን እስራኤለ አሳይ መላ ቢታን ታ ቦላ ማካልዶሶና። ኪተትይዳ ኡባስ ደኦ እምያ ታ ህግያ መንዶሶና፤ ታ ዎጋ ካልቦኮና፤ ታ ሳምባታ ቱንስዶሶና። ታኒ መላ ቢታን ታ ሀንቁዋ ኤንታ ቦላ ጉሳዳ ኤንታ ይሳናዉ ቆፓስ።

Hose 8:5

ሳማረ አሳዉ፥ ህንተ ማር ዳንስድ መዳ ኤቃ ታ እፃስ፤ ታ ሀንቆይ ህንተ ቦላ ኤፅስ። ኤንቲ ቱንዳ መላ አዉደ ጋካናዉ ዳኔ?

Zakaryaasa 8:14

“ህንተ ማይዛት ታና ይሎይዳ ዎደ ኤንታ ቃይ ባይና ሴራናዉ ቆፋ ቃቻስ።

Taybo 14:23

ሄሳ ግሾ፥ ታ ኤንታ ማይዛታስ እማና ጋዳ ጫቅዳ ቢታ ታና ካዳይሳታፐ እሶይካ ገለና።

Taybo 14:27

“ሀ ኢታ አሳይ ታ ቦላ አዉደ ጋካናዉ ዙዙማኔ? ታኒ እስራኤለ አሳ ዙዙን ስአስ።

Taybo 32:10

ጎዳይ ሄ ጋላስ ዳሮ ሀንቀትድ ሀይሳዳ ያግድ ጫቅስ፤

Maatosa 17:17

የሱሲ ዛሪድ፥ “ህንተኖ፥ አማኖና ጌላ የለተዉ አዉደ ጋካናዉ ታ ህንተራ ዳኔ? አዉደ ጋካናዉ ታ ህንተና ዳንዳአኔ? አነ ናኣ ሃ ኤክ ዪተ” ያግስ።

Marqoosa 9:19

የሱሲ ዛሪድ ኤንታኮ፥ “አማኖና ሀ ዎድያ አሳዉ! ታኒ ህንተራ አዉደ ጋካናዉ ዳኔ? ቃስ ህንተና አዉደ ጋካናዉ ዳንዳአኔ? ናኣ ታኮ ሃ ኤክ ዪተ” ያግስ።

Yohaanisa 10:38

ሽን ታኒ ኦያባ ግድኮ ህንተ ታና አማኖና እፅኮካ፥ ታ አዋይ ታናን ደኤይሳነ ታካ ታ አዋን ደኤይሳ ህንተ ኤራና መላ ታ ኦሱዋ አማንተ” ያግስ።

Yohaanisa 12:37

እ ሄሳ መላ ማላታታ ኤንታ ስንን ኦንካ አማንቦኮና።

Yohaanisa 15:24

ኦንካ ኦቦና ኦሶ ታ ኤንታ ግዶን ኦቦናባ ግድያኮ ኤንታዉ ናጋራ ግዶና አታና። ሽን ሀእ ኤንቲ ታኒ ኦዳ ኦሱዋ በእድ ታናካ ታ አዋካ እፅዶሶና።

Zaaretho 1:32

ሀ ኡባይ ሀንንካ፥ ህንተ ዱንካናና በሳነ ህንተ ባና ኦግያ በሳናዉ ቃማ ታማ ቱሳን፥ ጋላስ ሻራ ቱሳን ህንተና ካለዳ ጎዳ ህንተ ፆሳ አማንበከታ።

Ibraawe 3:16

ፆሳይ ግያባ ስእድ ማካልዳይ ኦኔ? ሙሰይ ግብፀፈ ካለ ከስዳ ኡባ ግዶኮናዬ?

Ibraawe 3:18

ቃስ ፆሳይ፥ “ታ ሸምፖ በሳ ገለከታ” ያግድ ጫቅዳይ፥ እያዉ ኪተቶና እፅዳ አሳፐ አትሽን፥ ኦደሴ?

Ibraawe 3:8

መላ ቢታን ፓጭያ ጋላስ፥ ህንተ አዋት ማካልዳይሳዳ፥ ህንተ ዎዛና ምንፍተ።