Taybo 10:29 - ጌሻ ማፃፋ

²⁹ ሙሰይ ምድያመ አድያ ራጉኤላ ናኣ ሆባባኮ፥ “ጎዳይ ኑስ እማና ግዳ ቢታ ላታናዉ ቦስ፤ ጎዳይ እስራኤለ አንጃና ግዳ ግሾ ኑራ የ፤ ኑኒ ነዉ ሎኦባ ኦና” ያግስ።

Geeshsha Maxaafa

²⁹ Musey Midiyaame addiya Ragu7eela na7aa Hobaabako, “Goday nuus immana gida biitta laattanaw boos; Goday Isra7eele anjana gida gisho nuura yedha; nuuni new lo77oba oothana” yaagis.

Taybo 10:29 ပူးပေါင်းရင်းမြစ်များ

Medhetethi 12:7

ፆሳይ አብራመስ ያን ቆንጭድ፥ “ሀ ቢታ ታኒ ነ ሼሻስ እማና” ያግስ። እካ ባ ቆንጭዳ ጎዳስ ሄ በሳን ያርሾ በሲ ጊግስስ።

Medhetethi 13:15

ሄ ኔኒ በእያ ቢታ ኡባ ታኒ መርናዉ ነዉነ ነ ሼሻስ እማና።

Medhetethi 15:18

ሄ ጋላስ ጎዳይ አብራመስ፥ “ግብፀ ሻፋፐ ዶምድ ኤፍራፂሳ ሻፋ ጋካናዉ ደእያ ቢታ ኡባ ታኒ ነ ሼሻስ እማና።

Medhetethi 17:8

ኔኒ ሀእ በተ ግዳዳ ደእያ ካናነ ቢታ ኡባ ነዉነ ኔፐ ጉየራ ያ ነ ሼሻስ መርና ላታ ግዳና መላ ነዉ እማና፤ ቃስ ታኒ ኤንታ ፆሳ ግዳና” ያግስ።

Medhetethi 32:12

ሽን ኔኒ ታና፥ ‘ታኒ ነዉ ቱማ ሎኦባ ኦና። ታኒ ነ ሼሻ ታይባናዉ ዳንዳኤቶና አባ ሻፈዳ ኦና’ ግዳይሳ ቆፓ” ያግስ።

Mazmure 100:1

ቢታን ደእያ አሳ ኡባይ፥ ጎዳስ ኡፋይሳን እልልተ።

Mazmure 34:8

ጎዳይ ኬሀ ግደይሳ ላጭድ በእተ፤ እያኮ ባቃትያ አስ አንጀትዳይሳ።

Mazmure 95:1

ሃይተ፤ አነ ጎዳ ሳቦስ፤ ኑና አሽያ ዛላስ ኡፋይሳን እልሎስ።

Kessa 18:1

ምድያመ ቢታ ካህነይ፥ ሙሰ ቦሎይ ዮቶር፥ ጎዳይ ሙሰስነ ባ አሳ እስራኤለታስ ኦዳባነ ኤንታና ግብፀፈ ከስዳባ ስእስ።

Kessa 18:12

ሄሳፈ ጉየ ዮቶር፥ ሙሰ ቦሎይ፥ ፁሳ ያርሾነ ሀራ ያርሾ ፆሳስ ያርሽስ። አሮንነ እስራኤለ ጭማት ኡባይ ፆሳ ስንን እያራ ጌሻ ካ ማናዉ ይዶሶና።

Kessa 18:27

ሄሳፈ ጉየ ሙሰይ ባ ቦሉዋ ሞይዝን፥ እ ባ ቢታ ስምስ።

Kessa 2:18

ኤንቲ ባንታ አዋ የቶራኮ ይዳ ዎደ፥ “ሀች ዋን ኤለስ ይደቲ?” ያግድ ኦይችስ።

Kessa 2:21

ሙሰይ ሄ አድያራ ያን ደአናዉ ቆፋ ቃችስ። ዮቶር ባ ናእዉ ስፖሮ ሙሰስ ማቾ ኦድ እሚስ።

Kessa 3:1

እስ ዎደ ሙሰይ ምድያመ ቢታ ካህንያ፥ ባ ቦሉዋ ዮቶራ ዶርሳነ ዴሻ ሄሜስ። እ ሄ ዉድያ ላግ ኤክድ መላ ቢታ ጋፃን ፆሳ ዙማ ጌተትድ ፄገትያ ኮሬባ ዙማ ቦላ ኤፍስ።

Kessa 3:8

ሄሳ ግሾ፥ ታኒ ኤንታ ግብፀ አሳ ኩሸፐ አሻናዉነ ሄ ቢታፈ ኤንታ ከሳዳ፥ ሀእ ካናነት፥ ህተት፥ አሞረት፥ ፓርዘት፥ ህወትነ ያቡሰት ደእያ ቢታ፥ ማነ ኤስ ኩምዳ ሎኦ ቢታ ኤሀናዉ ዎስ።

Kessa 6:4

ቃስ ታኒ ኤንቲ በተተን ደእዳ ካናነ ቢታ እማና ጋዳ ኤንታራ ጫቃስ።

Isayaasa 2:3

ህገይ ፅዮነፐ፥ ጎዳ ቃላይ የሩሳላመፐ ከይያ ግሾ፥ ዳሮ አሳይ ይድ፥ “አነ ሃይተ! ጎዳ ዙማኮ፥ ያይቆባ ፆሳ ኬኮ ከዮስ። ኑኒ እያ ኦግያን ባና መላ እ ኑና ባ ኦግያ ታማርሳና” ያጋና።

Ermiyaasa 50:5

ኤንቲ ፅዮነ ኤፍያ ኦግያ ኦይቻና፤ ባንታ ሶምኡዋ ያ ዛራና። ኤንቲ፥ ፖሎ ዶገቶና መርና ጫቁዋን ጎዳራ” ኦይከታና።

Taybo 10:28

እስራኤለ አሳይ ባንታ ዘረን ዘረን ጉታፐ ደንድድ ብያ ማራይ ሄሳ።

Taybo 23:19

ዎርዶታናዉ ፆሳይ አሰ ግደና፤ ባ ቆፋ ላማናዉ አሳ ናአ ግደና። ኦድድ፥ ባ ኦድዳይሳ ኦኔ? ዎይኮ ባ ግዳይሳ ፖለኔ?

ሃዋሬታ ኦሱዋ 7:5

እ ሀ ቢታፈ ሀር አቶሽን ቶሆይ የያ በስካ አብራሃመስ እምቤና። ሽን ናእ እያዉ ባይና ዎደ ፆሳይ ሀ ቢታ እያዉነ እያ ሼሻስ ላታ ኦድ እማናይሳ ቃላ ገልስ።

Zaaretho 30:5

ነ አዋት ካሰ ላትዳ ቢታ፥ ነካ ላታና መላ ጎዳይ፥ ነ ፆሳይ ነና ሄ ቢታ ኤሀና። ያን ነና ነ አዋታፐ አድ ዱረያና፤ ነ ታይቡዋ ዳርሳና።

Zaaretho 4:40

ሄሳ ግሾ፥ ህንተዉነ ህንተፈ ጉየ ህንተ ናይታስ ኡባባይ ሎኦ ግዳና መላ፥ ቃስ ጎዳይ ህንተ ፆሳይ ህንተዉ መርናዉ እምያ ቢታን ህንተ ላይይ አዱቃና መላ፥ ታኒ ሀች ህንተና ኪትያ ዎጋነ ህግያ ናግተ።

Tito 1:2

ሄ አማኖይነ ኤራተይ መርና ደኡዋ ኡፋይሳ ቦላ ዘምፕስ። ሄሳ ዳሮ ዎደፐ ስን ዎርዶቶና ፆሳይ ኑስ እማና ግድ ቃላ ገልስ።

Ibraawe 6:18

ፆሳይ ዎርዶተና። እያ ኡፋይሳ ቃላይነ ጫቆይ፥ ናምአይካ ላመቶኮና። ሀ ናምኡባታን ኑ ስንን ደእያ ኡፋይሳ ኦይካናዉ ዳንዳአና መላ ገሸ ደማናዉ እያኮ ባቃትዳ ኑኒ፥ ዎልቃማ ምን ደማና።

ዮሃኒሳ ቆንጬ 22:17

ጌሻ አያናይነ ገላናዉ ጊግዳ ማጫስያ፥ “ሃያ” ያጎሶና። ቃስ ሀይሳ ስእያ ኦንካ፥ “ሃያ” ያጎ። ሳሞትዳ ኦንካ ሃዮ፤ ደኦ ሃ ኮይያ ኦንካ ጮ ኤኮ።

አይሰይሳታ 1:16

ሙሰይ ቦሉዋ ቀናት ኮቻት ይሁዳ አሳራ ዛምባ ካታማ ጌተትያ እያርኮ ካታማፐ ደንድድ አራዳ ካታማፐ ዱገሀ ባጋራ፥ ነገባን ደእያ ይሁዳ መላ ቢታ ብድ ያን ደእያ አሳ ግዶን ኡትዶሶና።

አይሰይሳታ 4:11

ሄ ዎደ ቄና አስ ግድዳ ሄቤር፥ ሙሰ ቦሎይ፥ ሆባባ ያራይ ሀራ ቄናታፐ ሻከትድ ቃደሳ ማታን ዘናንመን ደእያ ዎላ ማታን ባ ዱንካንያ ቶክስ።

1 Sameela 15:6

ሳኦል፥ “እስራኤለት ግብፀፈ ከይያ ዎደ ህንተ ኤንታዉ ኬህዳ ግሾ ታኒ ህንተና አማለቃታራ እስፈ ይሶና መላ ደንድድ ኤንታ ግዶፈ ከይተ” ያግድ ቄና አሳስ ኦድስ። ያትን ቄና አሳይ አማለቃታ ግዶፈ ከይድ ብዶሶና።