Solomone 5:1 - ጌሻ ማፃፋ

¹ ታ ምቸ፥ ታ ሙሹራተ፥ ታኒ ታ አታክልትያ ግዶ ገላስ። ታ ካርብያነ ታ ሽቶ ጪሻ ቆራስ፤ ታኒ ኤሳ ኡይ ማስ፤ ታ ዎይንያነ ታ ማ ኡያስ። እያ ላገቶ፥ ሚተ ኡይተ፤ ሲቆ አላና ጋካናዉ ኡይተ።

Geeshsha Maxaafa

¹ Ta miche, ta mushurate, taani ta atakiltiya giddo gelas. Ta karbiyanne ta shitto ciishsha qoras; taani eessa uythi mas; ta woyniyanne ta maatha uyas. Iya laggeto, miite uyite; siiqo alana gakanaw uyite.

Solomone 5:1 ပူးပေါင်းရင်းမြစ်များ

Medhetethi 37:25

ኤንቲ ካ ምሽን ሀሳዮና እስማኤላ አሳት ጋላዳፐ ግብፀ ብሽን፥ ቁ ግድ በእዶሶና። ኤንቲ ባንታ ግማለታ ቦላ ሳዉዋ፥ ማድያነ ካርብያ ጫንዶሶና።

Mazmure 147:11

ሽን ጎዳይ ባዉ ያየይሳታንነ እያ ማሮታን አማነተይሳታን ኡፋይቴስ።

Mazmure 16:3

ሳአን ደእያ ጌሻት አይ መላ ቦንቸትዶና! ታ ኤንታራ እስፈ ኡፋይታይስ።

Leemiso 24:13

ታ ናአዉ፥ ኤስ ሎኦ ግድያ ግሾ፥ ኤስ ማ፤ እልሎ ኤስ ማልኤስ።

Leemiso 9:5

“ሃ ዪተ፤ ታ ካ ሚተ፤ ታ አግዳ ዎይንያ ኡይተ።

Erata 2:5

ዱማ ዱማ አታክልትያነ አይፈ አይፍያ ምታ ቶካስ፤ አስ ሸምፕያ በሳ ጊግሳስ። ሄ በሳን ዱማ ዱማ አይፈ አይፍያ ምታ ቶካስ።

Solomone 1:13

ታ ሲቆይ ታ ንታ ግዶን ደእያ፥ ፁንተትዳ ሳውያ ካርበ ዳኔስ።

Solomone 4:16

ፑደሀ ባጋ ጫርኩዋዉ፥ ደንዳ! ዱገሀ ባጋ ጫርኩዋዉ፥ ሃያ! ታ አታክልትያ ቦላ ጫርካ! እያ ሳዎይ ቶንኩ ጎ። ታ ሲቆይ ባ አታክልትያ ግዶ ዮ፤ ዳሮ ማልእያ አይፈታ ሞ።

Solomone 4:8

ታ ሙሹራተ፥ ልባኖሰፐ ሃያ፤ ጋሞይ ፔእያ፥ ማሄይ አቅያ፥ አማና ዙማፐ፥ ሳንራ ሊጰፐ አርሞና ሁጵያፐ ዎ።

Solomone 6:11

ታኒ ዛንጋራን ቶከትዳ ምታ በአናዉ፥ ዎይነይ አጭዳኮ ኦሮማነይ አይፍዳኮ ፄላናዉ፥ ዱገ ኦቾሎነ ጋደ ዎስ።

Solomone 6:2

ታ ሲቆይ ዶርሳ ዉደ ሄማናዉ፥ ሎኦ ጪሻ ሺሻናዉ፥ ሽቶ ማታይ ደእያ አታክልትያ ግዶ ብስ።

Solomone 8:1

ነ ታዉ ታ አየ ን ምዳ ታ እሻ ግድዳኮ አይበ! ታ ነና ኦገን ደማዳ ዬርዳኮ፥ ታና ኦንካ ቦረናሽን።

Solomone 8:13

ነኖ፥ አታክልትያ ግዶን ደእያ ታ ሲቀ፥ ነ ላገት ነ ቃላ ስአናዉ ኮዮሶና፤ ነ ቃላ ታናካ ስሳ።

Isayaasa 23:18

ግዶሽን፥ እያ ዛልእያ ዎይነ እያ ዳሞዘይ ጎዳስ ዱማትዳይሳ ግዳና፤ እያ ዛልእያ ዎይነ ካነ ሎኦ ማኦ ሻማናዉ፥ ጎዳስ ኦያ አሳስ እመታናፐ አትሽን፥ ሚሸ ኬን ዎይኮ ምንጃ ኬን ኡተና።

Isayaasa 5:1

ታ ዶስያ አድያ ዎይነ ጋድያባ፥ ሲቆ የ የፃና። ታኒ ዶስያ አድያስ፥ አራዳ ዙማ ቦላ እያዉ ዎይነ ጋደይ ደኤስ።

Isayaasa 51:3

“ጎዳይ ፅዮነነ ላለትዳ በሳን ደእያ አሳ ኡባ ምንና። እ መላ ቢታ ኤደነ፥ ካሎትዳ ቢታ ጎዳ አታክልተ ጋደዳ ኦና። ያን ኡፋይስነ ሀሹ ጉስ ዳና፤ ጋላትነ ማዝሙረይ ስኤታና።

Isayaasa 53:11

ባ ሸምፑዋ ዋያፐ ጉየ፥ እ ደኦ ፖኦ በአና፤ ኡፋይታና። ታ ፅሎ አይለይ ባ ኤራተን ዳሮታ ፅልሳና፤ ኤንታ ቆሁዋካ ቶካና።

Isayaasa 58:11

ጎዳይ ህንተና ኡባ ዎደ ካለና፤ ህንተና መላ ቢታን ኮሽያባን ካልሳና፤ ህንተ ፃጱዋ ፃልሳና። ህንተ ሃ ኡያ ጋናተ መላነ መል ኤሮና ሃ ፑልቶ መላ ግዳና።

Isayaasa 61:11

ቢታፈ ም ማት ዶለይሳዳ፥ ጋደይ ቶክዳባ ድቸይሳዳ፥ ኡባ ሃርያ ጎዳይ ፅሎተነ ጋላታ ካዎተ ኡባ ስንን ፑርጭሳና።

Isayaasa 65:13

ኡባ ሃርያ ጎዳይ ያጌስ፦ “ታ አይለት ማና፥ ሽን ህንተ ኮሻታና፤ ታ አይለት ኡያና፥ ሽን ህንተ ሳሞታና፤ ታ አይለት ኡፋይታና፥ ሽን ህንተ ዬላታና።

Isayaasa 66:14

ሄሳ ህንተ በእያ ዎደ ህንተ ዎዛናይ ኡፋይታና፤ ህንተ መቀይ ማታ መላ አጫና። ጎዳ ኩሸይ እያ አይለታ ቦላ ደኤይስን እያ ሀንቆይ እያ ሞርከታ ቦላ ደኤይስ ኤረታና።

Maatosa 25:40

ካዎይ ዛሪድ፥ ‘ታኒ ህንተዉ ቱማ ኦዳይስ፤ ህንተ ታና ካልያ ሀ ኡባፈ ጉፀይሳስ ኦዳይሳ ታዉ ኦደታ’ ያጋና።

Luqaasa 12:4

“ታ ባጋቶ፥ ታ ኦደይሳ ስእተ፤ አሹዋ ዎኦሶናፐ አትሽን፥ ሀራ አይኮካ ኦናዉ ዳንዳኦናይሳታስ ባቦፍተ።

Yohaanisa 3:29

ገሎስ ጊግዳራ ኤከናዉ ጊግዳይሳሳ። ኤከይሳ ላገይ እያ ማታን ኤቅድ እ ገይሳ ስእያ ዎደ ዳሮ ኡፋይቴስ። ሄሳ ግሾ፥ ሀይስ ታ ኡፋይሳይ ፖለትስ።

ሃዋሬታ ኦሱዋ 11:29

አማነይሳት ሁጰን ሁጰን ባንታ ዎልቃ መላ ሚሸ ከስድ ይሁዳን ደእያ አማነይሳታስ ማደ የዳናዉ ቆፋ ቃችዶሶና።

Efesoona 5:18

ጌሻ አያናን ጋላስ ጋላስ ኩምተፐ አትሽን፥ ዮኮ ህንተና ካለያ ግሾ ዎይነ ኡሻን ማቶፍተ።

ዮሃኒሳ ቆንጬ 22:17

ጌሻ አያናይነ ገላናዉ ጊግዳ ማጫስያ፥ “ሃያ” ያጎሶና። ቃስ ሀይሳ ስእያ ኦንካ፥ “ሃያ” ያጎ። ሳሞትዳ ኦንካ ሃዮ፤ ደኦ ሃ ኮይያ ኦንካ ጮ ኤኮ።

አይሰይሳታ 14:11

ፍልስፄመ አሳይ እያ በእዳ ዎደ እያራ ጋምአና መላ ሀስታሙ ናአተታ ዶርድ የድዶሶና።

አይሰይሳታ 14:20

ሳምሶና ማችያ ዋና ላዛን ግድዳ እያ ላግያስ እመታሱ።