Sofonaasa 3:2 - ጌሻ ማፃፋ

² እ ኦናካ ኪተተና፤ ሴርን ስመና፤ ጎዳን አማነተና፤ ባ ፆሳኮ ሺቀና።

Geeshsha Maxaafa

² I oonaka kiitetenna; seerin simmenna; Godan ammanetena; ba Xoossaako shiiqenna.

Sofonaasa 3:2 ပူးပေါင်းရင်းမြစ်များ

Nahime 9:26

ግዶሽን፥ ኤንቲ ኪተቶና እፅድ፥ ነ ቦላ ማካልዶሶና፤ ነ ህግያ ቦላ ዞኮ ዛርዶሶና። ኔኮ ስማናዳ ኤንታዉ ምንድ ኦድዳ ነ ናበታ ዎዶሶና። ዳሮ ኢታ ጫሽ ነና ጫይዶሶና።

Mazmure 10:4

ኢታት ባንታ ኦቶሩዋን ፆሳ ኮዮኮና፤ ባንታ ቆፋን ፆሳስ በሰ እሞኮና።

Mazmure 50:17

ኔኒ ታ ትምርትያ እፃዳሳ፤ ታ ቃላ ጉየ የጋዳሳ።

Mazmure 73:28

ሽን ታዉ ፆሳኮ ሺቆይ ሎኦ፤ እያ ኦሶ ኡባ ታኒ ኦዳና መላ፥ ኡባ ሃርያ ጎዳ ቆሰትድ አትያ በሰ ኦስ።

Mazmure 78:22

ሄስካ ኤንቲ ፆሳን አማንቦኮና፤ ዎይኮ እያ አሹዋን አማነትቦኮና።

Leemiso 1:7

ጎዳስ ያሽ ጭንጫተስ ዶመ፤ ሽን ኤያት ጭንጫተነ ሴራ ካኦሶና።

Leemiso 5:12

ህንተ ያጋና፤ “ታ አይስ ትምርተ እፃድና? ታ ዎዛናይ ሴራ አይስ ካዴ?

Isayaasa 1:5

ማካላ ቦላ ማካላ አይስ ጉጄቲ? አይስ ዛር ዛር ሾጨቴቲ? ህንተ ሁጰይ ሀርገትስ፤ ህንተ ዎዛናይ ዳቡርስ።

Isayaasa 29:13

ጎዳይ ያጌስ፦ “ሀ አሳይ ታና ባንታ ዶናን ቦንቼስ፤ ሽን ኤንታ ዎዛናይ ታፐ ሃሆን ደኤስ። ኤንቲ አስ መዳ ዎጋ ታማርስሸ ታና ጮ ጎይኖሶና።

Isayaasa 31:1

ማዶ ደማናዉ ግብፀ ዎይሳታነ ፓራን አማነተይሳታ አየ! ፓራ ጋረታ ዳሮተንነ ፓራ አሳታ ምኖተን አማነተይሳታ አየ! ኤንቲ እስራኤለ ጌሻ ፄሎኮና ዎይኮ ጎዳፐ ማዶ ኮዮኮና።

Isayaasa 43:22

ሽን ነኖ ያይቆባ፥ ኔኒ ታ ሱን ፄጋባካ፤ ነኖ እስራኤለ፥ ኔኒ ታና ሳለታዳሳ።

Isayaasa 9:12

ዶሎሀፐ አራመታ፥ ዉሎሀፐ ፍልስፄመታ ደንን፥ ኤንቲ ባንታ ዶና ዶይድ፥ እስራኤለ ምትዶሶና። ሄ ኡባን ጎዳ ሀንቆይ ስምቤና፤ እያ ኩሸይ ደንድዳ በሳን ደኤስ።

Ermiyaasa 13:25

ህንተ ታና ዶግዳ ግሾነ ዎርዶ ፆሳታን አማነትዳ ግሾ ህንተ ሳማይነ ታ ህንተዉ እምያ ግሾይ ሀይሳ።

Ermiyaasa 2:30

ታ ህንተና ጮ ሴራስ፤ ህንተ ህንተ ኦሱዋፐ ስምያባ ግደከታ። ኮሻትዳ ጋሞዳ ህንተ ማሻይ ህንተ ናበታ ምስ” ያጌስ ጎዳይ።

Ermiyaasa 22:21

ነ ሳሮ ደእያ ዎደ ታ ነዉ ኦዳስ፤ ሽን ነ ታና ስኦና እፃዳሳ። ነ ናአተፈ ዶምን ነ ሀኖይ ሀይሳ፤ ነ ታዉ ኪተቶና እፃዳሳ።

Ermiyaasa 32:33

ኤንቲ ባንታ ሶምኡዋ ግዶናሽን፥ ባንታ ዞኩዋ ታዉ ዛርዶሶና። ታ ኤንታ ዛራ ዛራዳ ታማርስንካ፥ ኤንቲ ስእቦኮና ዎይኮ ሴራ ኤክቦኮና።

Ermiyaasa 35:13

ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ። “ይሁዳ አሳኮነ የሩሳላመ አሳኮ ባዳ ሀይሳዳ ያጋ፤ ‘ታ ቃላ ናጋናዉ ሀይሳፈ ታማረከት።’

Ermiyaasa 35:17

“ሄሳ ግሾ፥ ጎዳይ፥ ኡባፈ ዎልቃማ ጎዳይ፥ እስራኤለ ፆሳይ ሀይሳዳ ያጌስ። ‘ስእተ፥ ታ ይሁዳ አሳ ቦላነ የሩሳላመን ደኤይሳታ ቦላ ኤሀና ግዳ ኢታባ ኤሀና። ታ ኤንታዉ ኦድን፥ ስኦና እፅዶሶና፤ ታ ኤንታ ፄግን ኮዮና እፅዶሶና’ ” ያጌስ።

Ermiyaasa 5:3

አቤት ጎዳዉ፥ ነ አይፈት ቱማ ፄሎኮናዬ? ነ ኤንታ ሾጫዳሳ ሽን ኤንታ ሳክቤና። ነ ኤንታ መንረዳሳ ሽን ኤንቲ ስሞና እፅዶሶና። ኤንቲ ባንታ ሶምኡዋ ዛላፈ አድ ምንድ ባንታ ናጋራፐ ስሞና እፅዶሶና።

Hizqeela 22:24

“አሳ ናአዉ፥ ኤንታ ቢታይ ቱንዳ ግሾ፥ ታ ሀንቁዋን እር ቡኮና መላ ድጋዳ ኤንታ ሴራ ዶምዳሳ እስራኤለ አሳስ ኦዳ።

Hizqeela 24:13

የሩሳላመ፥ ነነ ቱንዳይ ነ ኢታ ኦሱዋና። ታ ሀንቆይ ነ ቦላ ዉራና ጋካናዉ ህዛፐ ኔኒ ጌያካ። ነ ቱናተፈ ነና ጌሻናዉ ኮያስ ሽን፥ ነ ጌያናዉ ኮያባካ።

Sofonaasa 1:6

ታና ካሎ አግድ ጉየ ስምዳይሳታ፥ ታና ኮይቦናይሳታነ ታና ኦይችቦናይሳታ ታኒ ይሳና” ያጌስ ጎዳይ።

2 ፅሞትዮሳ 3:16

ጌሻ ማፃፋ ኡባይ ፆሳፈ እመትዳ ቃላ። ሄ ማፃፋይ ቱማ ታማርሳናዉ፥ ባልዳይሳታ ሴራናዉ፥ ሱርሳናዉነ ፅሎተ ዱሳስ ኮሽያ ዞረ እማናዉ ማዴስ።

Ibraawe 10:22

ኑኒ ኢታ ካሀፐ ጌያናዉ ኑ ዎዛና ዉርፀትድ፥ ኑ አሳተ ፅሎ ሃን ሜጨትድ፥ ሱረ ዎዛናንነ ፖሎ አማኖን ፆሳኮ ሺቆስ።