Sofonaasa 3:14 - ጌሻ ማፃፋ

¹⁴ ፅዮነ ናኤ፥ ማዝሙርያ የፃ! እስራኤለ አሳዉ፥ እልልተ! የሩሳላመ ናኤ፥ ነ ፖሎ ዎዛናፐ ኡፋይታ፤ ሀሹ ጋ!

Geeshsha Maxaafa

¹⁴ Xiyoone na7e, mazmuriya yexa! Isra7eele asaw, ililite! Yerusalaame na7e, ne polo wozanaape ufayta; hashshu ga!

Sofonaasa 3:14 ပူးပေါင်းရင်းမြစ်များ

Nahime 12:43

ሄ ጋላስ ዳሮ ያርሾ ያርሽዶሶና። ፆሳይ ኤንታዉ ግታ ኡፋይስ እምዳ ግሾ ዳሮ ኡፋይትዶሶና። ማጫሳይ ናይት ኡባይ ኡፋይትዶሶና። የሩሳላመን አሳይ ኡፋይትያ ኡፋይሳ ኮሽንቻይ ሃሆን ስኤቴስ።

Mazmure 14:7

እስራኤለስ አቶተ ፅዮነፐ ዬረነ! ጎዳይ ኤንታ ዱሳ ዛርያ ዎደ፥ ያይቆባ ኮቻይ ኡፋይታና፤ እስራኤለ አሳይ ሀሹ ጋና።

Mazmure 149:2

እስራኤለይ ባንታና መዳይሳን ኡፋይቶ፤ ፅዮነይ ባንታ ካዋን ሀሹ ጎ።

Mazmure 97:8

አቤት ጎዳዉ፥ ፅዮነይ ነ ፅሎ ፕርዳ ስእድ ኡፋይቴስ፤ ይሁዳ ማጫ ናይትካ ሀሹ ጎሶና።

Isayaasa 12:6

እስራኤለ ጌሻይ ህንተ ግዶን ግታ ግድያ ግሾ፥ ፅዮነ አሳዉ፥ እልልተ፥ ኡፋይሳን የፅተ!” ያጋና።

Isayaasa 29:19

አሽከት ጎዳን ኡፋይታና፤ ማንቆት እስራኤለ ጌሻን ሀሹ ጋና።

Isayaasa 35:2

መላ ቢታይ ጪሸ ማአና፤ ኡፋይሳ ማዝሙረ የፃና። ልባኖሰ ቦንቹዋ ማአና፤ ቃርመሎሳነ ሳሮና ግታተይ እመታና፤ ኤንቲ ጎዳ ቦንቹዋነ ኑ ፆሳ ግታተ በአና።

Isayaasa 37:22

“ጎዳይ ሳናክሬማ ሀይሳዳ ያግስ። ፅዮነ ጌላእያ ነና ካሱ፤ ለቃሱ፤ የሩሳላመ ናእያ ባ ሁጵያ ቃዳ ነና ቦራሱ።

Isayaasa 40:1

ህንተ ፆሳይ ሀይሳዳ ያጌስ፦ “ታ ደርያ ምንተ! ምንተ!

Isayaasa 40:9

ነኖ ፅዮነስ ሎኦባ ኦደይሶ፤ ዙማ ቦላ ከያ። ነኖ የሩሳላመስ ሎኦባ ኦደተይሶ፤ ነ ቃላ ቁ ኦዳ ዋሳ። ያዮፋ፤ ቁ ኦ፤ ይሁዳ ካታማታስ፥ “ህንተ ፆሳይ ሀይስሽ” ያጋ።

Isayaasa 51:11

ጎዳይ ዎዝዳይሳት የፅሸ ስሚድ ፅዮነ ያና፤ መርና ኡፋይሳይ ካላቻ መላ ኤንታ ቦላ ኡታና። ኤንቲ ኡፋይስነ ሀሹ ግያባ ደማና፤ አዛኖይነ ዬሆይ ኤንታፈ ሃካና።

Isayaasa 52:9

ህንተኖ የሩሳላመን ላለትዳ በሳቶ፥ እስፈ ኡፋይሳን የፅተ፤ ጎዳይ ባ አሳ ምንስ፤ የሩሳላመ ዎዝስ።

Isayaasa 54:1

ናተ፥ የሎና ማይን፥ የፃ! ናተ፥ እቀታ ኤሮናረ፥ ኡፋይሳን እልላ! አዝናራ ደእያ ማጫሰ ናይታፐ ባርካ ደእያ ማጫሰ ናይት ዳራና።

Ermiyaasa 30:19

ያን ደእያ አሳ ኡባይ ጋላታ ማዝሙረነ ኡፋይሳ የ የፃና። ታ ኤንታ ታይቡዋ ዳርሳናፐ አትሽን፥ ጉፀና። ታኒ ኤንታ ቦንቸትዳ ደረ ኦና፤ ኤንቲ ካዉዮኮና።

Ermiyaasa 31:13

ሄ ዎደ ጌላኦት ኡፋይሳን ዱራና፤ ፓንትነ ጭማት ኡፋይታና። ታ ኤንታ ዬሁዋ ኡፋይሳን ላማና፤ ታ ኤንታ ምንና፤ ኤንታ አዛኑዋ ግሾ ኤንታ ኡፋይሳና።

Ermiyaasa 33:11

የነ ያጋኖ ግርስ፥ ኡፋይሳ ግርስ፥ ሄሳዳካ፥ ፆሳ ኬ ጋላታ ያርሾ ኤህድ፥ “እ ኬሀ ግድያ ግሾ፥ እያ ማሮተይ መርናሳ ግድያ ግሾ፥ ኡባፈ ዎልቃማ ጎዳ ጋላትተ። ያግድ የፅሸ ፆሳ ኬ ጋላታ ያርሾ ኤክድ ያ አሳ ግርሳይ ስኤታና። ታኒ ኤንታ ድኦፐ ዛራና፤ ኤንቲ ካሰ ደእዳይሳዳ ኦዳ ዎና” ያጌስ ጎዳይ።

Iyyu7eela 2:23

ህንተኖ ፅዮነ አሳቶ፥ ኡፋይትተ፤ ጎዳን ህንተ ፆሳን፥ ሀሹ ጊተ! እ፥ ባልጎ እራ ህንተዉ ዳርስድ እሚስ፤ ካሰይሳዳ ስላነ ቶርቸ እራ ግድስድ እሚስ።

Mikiyaasa 4:8

ነኖ፥ ጎዳ አሳ ዎችያ የሩሳላመ ቃ ግምብያዉ፥ ካሰ ነ ሃርያ ማታይነ የሩሳላመ ካዎተ ዛዋይ ኡባይ ነዉ ስማና።

Maatosa 21:9

የሱሳፐ ስንራ ሄመተይሳትነ እያፐ ጉየራ ካልያ ዳሮ አሳይ፥ “ሆሳና! ዳዊታ ናአይ ጋላተቶ! ጎዳ ሱንን የይስ አንጀትዳይሳ! ቦንቾይ ኡባፈ ቃ ሳሉዋን ፆሳስ ግዶ!” ያግድ ዋስዶሶና።