Sofonaasa 3:11 - ጌሻ ማፃፋ

¹¹ ኦቶረይሳታነ ጬቀተይሳታ ታ ህንተ ግዶፈ ይስያ ግሾ፥ ሄ ዎደ ህንተ ታ ቦላ ኦዳ ኦሱዋ ጋሶን ዬላተከታ። ህዛፐ ጉየ ህንተ ታ ጌሻ ዙማ ቦላ ኦቶርተከታ።

Geeshsha Maxaafa

¹¹ Otoreysatanne ceeqeteyisata ta hinte giddofe dhaysiya gisho, he wode hinte ta bolla oothida oosuwa gaason yeellateketa. Hizape guye hinte ta geeshsha zumaa bolla otorteketa.

Sofonaasa 3:11 ပူးပေါင်းရင်းမြစ်များ

Mazmure 131:1

ጎዳዉ፥ ታ ዎዛናይ ኦቶርተና፤ ታ አይፈይካ ኦቶሮን ፄለና። ታ ቆፋን ግታታና ጋዳ ኮያብከ፤ ጋሄቶናባ ኤካና ጋዳ ዛቱራብከ።

Mazmure 49:5

መቶ ጋላሳይ ያ ዎደነ ጭምያ ሞርከት፤ ታና ተቅያ ዎደ ታ አይስ ባባይና?

Mazmure 59:12

ኤንታ ዶናፐ ከይያ ናጋራ ግሾ ኤንታ እንፃርሳፈ ፑልትያ ቃላ ግሾ፥ ባንታ ኦቶሩዋን ኦይከቶ፤ ኤንታ ባደነ ዎርዱዋ ግሾ፥

Isayaasa 11:9

ታ ጌሻ ዙማ ቦላ ኦንካ ቆሄተና ዎይኮ የና። አቢ ሃን ኩመይሳዳ ሳእ ጎዳ ኤሮን ኩማና።

Isayaasa 2:12

ኡባፈ ዎልቃማ ጎዳይ፥ እስ ጋላስ ኦቶራንቾታ፥ ጬቀተይሳታነ ባንታና ቁ ቁ ኦይሳታ ካዉሻና።

Isayaasa 45:17

ሽን ጎዳይ እስራኤለ መርና አቶተን አሻና፤ ህንተ መርናዉ ዬላተከታ ካዉየከታ።

Isayaasa 5:15

አስ ቶሸታና፤ አሳ ኮቸ ኡባይ ካዉያና፤ ኦቶርትያ ኡባይ ጉፃና።

Isayaasa 54:4

“ያዮፋ፤ ኔኒ ዬላታካ፤ ዳጋሞፋ፤ ኔኒ ካዉያካ። ነ ያላጋተ ዬላ ኔኒ ዶጋና፤ ነ አምኤተ ቦርያ ህዛፐ ጉየ ሀሳያካ።

Isayaasa 56:7

ታኒ ታ ጌሻ ዙማ ቦላ ኤሀዳ ታ ዎሳ ኬን ኤንታ ኡፋይሳና። ኤንቲ ታ ያርሾ በሳን ሺሽያ ፁሳ ያርሾይነ ሀራ ያርሾይ ኤከታና፤ ታ ኬይ አሳ ኡባይ ፆሳ ዎስያ ኬ ጌተታና” ያጌስ።

Isayaasa 61:7

ታ አሳይ ባንታ ዬላ ግሾ ናምኡ ኩሸ ኤካና፤ ባንታ ካዉሻ ግሾ ላታን ኡፋይታና። ሄሳ ግሾ፥ ህንተ ኤንታ ቢታን ዳኮ ላታና፤ ህንተ ኡፋይሳይ መርና ኡፋይስ ግዳና።

Ermiyaasa 13:9

“ታኒ ይሁዳ ጬቀተነ የሩሳላመ ኦቶሩዋ ሀይሳዳ ኦዳ ይሳና።

Ermiyaasa 7:4

‘ሀይስ ፆሳ ኬ! ሀይስ ፆሳ ኬ! ሀይስ ፆሳ ኬ’ ያግድ ጭሞ ቃላን አማነቶፍተ።

Hizqeela 20:40

ታ ጌሻ ዙማ ቦላ፥ ቃ እስራኤለ ዙማ ቦላ ህንተ እስራኤለ አሳይ ታና፥ ኡባ ሃርያ ጎዳ ጎይናና። ታኒ ህንተና ኤካና፤ ህንተ ያርሹዋ፥ ህንተ ዶርዳ እሙዋነ ህንተ ጌሻ እሙዋ ታ ህንተፈ ኮያና።

Hizqeela 24:21

ኡባ ሃርያ ጎዳይ እስራኤለ አሳ ሀይሳዳ ያጌስ፤ “ህንተ ጬቀትያ፥ ህንተ አይፈ አሙዋነ ህንተ ሸምፖይ አሞትያ ታ ኬ ታኒ ቱንሳና ሀናይስ። ህንተ ጉየ አሽዳ ህንተ አደ ናይትነ ህንተ ማጫ ናይት ማሻን ዉራና።

Daanela 9:16

አቤት ጎዳዉ፥ ኔኒ ካሰ ነ ፅሎ ኦሶ ኡባ ኦዳይሳዳ፥ ሀእ ነ ሀንቁዋነ ነ ጋዱዋ ነ ካታማፐ፥ የሩሳላመፐ፥ ነ ጌሻ ዙማፐ ደን። ኑኒ ኦዳ ናጋራይነ ኑ አዋት ኦዳ ባላይ የሩሳላመነ ነ አሳ ኑ ዩሹዋን ደእያ ኡባ ስንን ካዉሽስ።

Daanela 9:20

ታኒ ዎሳሸ፥ ታ ናጋራነ ታ አሳ እስራኤለ ናጋራ ፓፃሸነ ታ ፆሳ ጌሻ ዙማባ፥ የሩሳላመባ ጎዳ፥ ታ ፆሳስ ኦዳሸ ጋምአስ።

Mikiyaasa 3:11

እያ ሀላቃት ዎፈን ፕርዶሶና፤ ካህነት ሚሸን ታማርሶሶና፤ ናበት ሚሸይ ባይና ሙሩኖኮና። ሽን ሄ ኡባ ኦድ፥ “ጎዳይ ኑ ግዶን ደእያ ግሾ፥ ኑ ቦላ ኢታባይ ዬና” ያግድ እያ አማነቶሶና።

Taybo 16:3

ኤንቲ ሙሰነ አሮና ስን ሺቅድ፥ “ህንተ ዳርስደታ፤ ማባራ ኡባይ ጌሽ፤ ጎዳይ ኤንታራ ደኤስ። ያትን፥ ጎዳ ማባራ ቦላ ህንተና አይስ ቁ ቁ ኦቲ?” ያግዶሶና።

Maatosa 3:9

ህንተ፥ ህንተ ዎዛናን፥ ‘አብራሃመይ፥ ኑ አዋይ ደኤስ’ ግድ ቆፖፍተ። ሎይ ስእተ! ፆሳይ ሀ ሹቻታፐ አብራሃመስ ናአ ከሳናዉ ዳንዳኤስ።

Roome 2:17

ሽን ነ ነና አይሁደ ጋሳ፤ ህገን ዘምፓሳ፤ ፆሳን ጬቃሳ።

Roome 9:33

ጌሻ ማፃፋን፥ “ታኒ ፅዮነን ቢ ኩንድስያ ሹቻ ዎና። እያን አማንያ ኦንካ ዬላተና” ጌተትድ ፃፈትስ።

1 ጰፅሮሳ 2:6

ጌሻ ማፃፋን፥ “ሄኮ፥ ታኒ ፅዮነ ካታማን ጎዳ ፃጱዋ ምንያ፥ ዶረትዳ፥ አልኦ ሹቻ ዎስ፤ እያን አማንያ ኦንካ ዬላተና” ያጌስ።