Sofonaasa 1:12 - ጌሻ ማፃፋ

¹² ሄ ጋላስ ታኒ ፆምፐ ኦይዳ የሩሳላመ ግዱዋ ኮያና። ህርግ ባይና ዎ ኡትድ ባንታ ዎዛናን፥ ‘ጎዳይ ሎኦካ ኢታካ’ ገይሳታ ታኒ ሴራና።

Geeshsha Maxaafa

¹² He gallas taani xompe oythada Yerusalaame gidduwa koyana. Hirgi bayna wodhi uttidi banta wozanan, ‘Goday lo77oka iitaka’ geyisata taani seerana.

Sofonaasa 1:12 ပူးပေါင်းရင်းမြစ်များ

Iyyoba 21:15

“ኑ እያ ጎይናናዉ ኡባ ዳንዳእያ ፆሳይ ኦኔ? ኑ እያ ዎስድ አይ ጎኤታኔ?” ያጎሶና።

Mazmure 10:4

ኢታት ባንታ ኦቶሩዋን ፆሳ ኮዮኮና፤ ባንታ ቆፋን ፆሳስ በሰ እሞኮና።

Mazmure 14:1

ኤያት ባንታ ዎዛናን፥ “ፆሲ ባዋ” ያጎሶና፤ ኤንታ ደኦይ ኢትስ። ኤንቲ እፀትዳባ ኦሶና፤ ሎኦባ ኦያ አስ ባዋ።

Mazmure 94:7

ኤንቲ፥ “ጎዳይ ኑና በኤና፤ ያይቆባ ፆሳይ አኬከና” ያጎሶና።

Isayaasa 5:19

“አነ ፆሳይ ኤለሶ! ኑኒ በአና መላ ባ ኦሱዋ ኤሶዮ! ኑኒ ኤራና መላ እስራኤለ ጌሻይ ቆፕዳ ቆፋ ፖሎ” ያገይሳታ አየ!

Ermiyaasa 10:5

ኤንታ ኤቃት ሌሄ ግዶን ካፎ ዳጋንናዉ ኤስያ ማላ መላ። ኤንቲ ኦደቶኮና፤ ኤንቲ ሄመታናዉ ዳንዳኦና ግሾ አሳይ ኤንታ ቶኮሶና። ኤንታስ ኩም ያዮፍተ። ኤንቲ ቆሀናዉካ ማዳናዉካ ዳንዳኦና ግሾ ኤንታዉ ያዮፍተ” ያጌስ ጎዳይ።

Ermiyaasa 48:11

“ሞአበይ ያላጋተፈ ዶምድ፥ እንጀን ደእዳ አሳ መላ፤ እ ሀራ ቢታ ድኤትቤና። ሞአበይ ኦቶፐ ኦቶን ትገቶናነ ቃፆና፥ ማልኦይ ላመቶናነ ሳዎይ አጎና፥ ኡትድ ደእዳ ዎይነ ኡሻ መላ።

Hizqeela 8:12

ጎዳይ ታኮ፥ “ነኖ፥ አሳ ናአዉ፥ እስራኤለ አሳ ጭማት ኡባይ ማን ባንታ ኤቃ ምስልያ ኬን ኦያባ በአይ? ኤንቲ፥ ጎዳይ ኑና በኤና፤ ጎዳይ ሀ ቢታ አግስ” ያጎሶና።

Hizqeela 9:4

“የሩሳላመ ካታማ ግዶ ካንዳ ባሸ፥ ያን ኦሰትያ እፀትዳ ኤቃ ጎይኑዋ ግሾ አዛንሸነ ኦልሸ ደእያ አሳ ሶምኦን ማላ ዎ” ያግስ።

Hizqeela 9:9

እ ዛሪድ፥ “እስራኤለነ ይሁዳ አሳ ናጋራይ ዳሮ፤ ቢታ ኡባይ ሱን ኩምስ። ካታማ ኡባን ሱረ ፕርዲ ባዋ። አሳይ፥ ‘ጎዳይ ሀ ቢታ አግስ፤ ጎዳይ በኤና’ ያጎሶና።

Amoxe 6:1

ህንተኖ፥ አሳይ ማዶ ኦይችያ ቦንቸትዳ እስራኤለ ሀላቃቶ፥ ህንተኖ፥ ፅዮነን እንጀን ደኤይሳቶ፥ ሳማረ ካታማን ህርግ ባይና ኡትዳይሳቶ፥ ህንተና አየ!

Abdiyu 1:6

አቤት ኤሳዌይ ዋንድ ቦንቀታንዴ? ቆሳን ደእያ እያ ሻሎይ ዋንድ ኤከታንዴ?

Milkiyaasa 2:17

ህንተ፥ ህንተ ኦዳን ጎዳ ሳለደታ። ህንተ ዛሪድ፥ “ኑኒ እያ ዋትድ ሳለዶ?” ያጌታ። ህንተ እያ ሳለዳይ፥ “ኢታ ኦያ ኡባይ ጎዳ ስንን ሎኦ፤ እካ ኤንታን ኡፋይቴስ” ያጉሳና፤ ዎይኮ፥ “ፅሎ ፕርድያ ፆሳይ አዉን ደኢ?” ያጉሳና።

2 ጰፅሮሳ 3:4

ኤንቲ፥ “ታ ያና ግዳይስ አዉን ደኢ? ኑ አዋት ሀይቅዶሶና፥ ሽን ኡባባይ ሳእ መቶሳፐ ዶምድ ደኤይሳዳ ደኤስ” ያጎሶና።

ዮሃኒሳ ቆንጬ 2:23

ታኒ እ ናይታ ዎና፤ ቃስ ዎሳ ኬ ኡባይ ታ አሳ ቆፋነ አሳ ዎዛና ኤረይሳ ግደይሳ ኤራና። ታ እሱዋስ እሱዋስ ህንተ ኦሱዋዳ ኦሱዋዳ እማና።”