ዮሃኒሳ ቆንጬ 7:2 - ጌሻ ማፃፋ

² ቃስ ደኦ ፆሳ ማታምያ ኦይክዳ ሀራ ኪታንቾይ ዶሎሀ ባጋፈ ከየይሳ በአስ። ሄ ኪታንቾይ ባ ቃላ ቁ ኦድ፥ ሳኣነ አባ ቆሀናዉ ዎልቅ እመትዳ ኦይዱ ኪታንቾታ፥

Gofa New Testament

² Qassi de7o Xoossaa maatamiya oykkida hara kiitanchchoy doloha baggafe keyeyssa be7as. He kiitanchchoy ba qaala dhoqqu oothidi, sa7aanne abbaa qohanaw wolqqi imettida oyddu kiitanchchota,

Geeshsha Maxaafa

² Qassi de7o Xoossaa maatamiya oykida hara kiitanchoy doloha baggafe keyeysa be7as. He kiitanchoy ba qaala dhoqu oothidi, sa7aanne abba qohanaw wolqi imetida oyddu kiitanchota,

Ooratha Caaquwa Goofatho

² Qassi de7o Xoossaa maatamiya oykkida hara kiitanchchoy doloha baggafe keyeyssa be7as. He kiitanchchoy ba qaala dhoqqu oothidi, sa7aanne abbaa qohanaw wolqqi imettida oyddu kiitanchchota,

ኦራ ጫቁዋ ጎፋ

² ቃሲ ዴዖ ፆሳ ማታሚያ ኦይኪዳ ሃራ ኪታንቾይ ዶሎሃ ባጋፌ ኬዬይሳ ቤዓስ። ሄ ኪታንቾይ ባ ቃላ ቁ ኦዲ፥ ሳዓኔ ኣባ ቆሃናው ዎልቂ ኢሜቲዳ ኦይዱ ኪታንቾታ፥

ዮሃኒሳ ቆንጬ 7:2 ပူးပေါင်းရင်းမြစ်များ

2 Kawota 19:4

ደኦ ፆሳ ጫያና መላ፥ እያ ጎዳይ፥ አሶረ ካዎይ፥ ኪትዳ ቶራ ሞጮና ቃላ ኡባ፥ ጎዳይ ነ ፆሳይ ስኦና አገና። ቃስ ጎዳይ፥ ነ ፆሳይ ሄ ስእዳ ቃላ ጋሶን እያ ሴሮና አገና። ሄሳ ግሾ፥ ኑ አሳ ግዶፈ ፓላህድ አትዳይሳታስ ዎሳ’ ” ያግዶሶና።

Solomone 8:6

መርና ሲቁዋን ታና ነ ዎዛናን አታማ፤ ነ ቀስያን ማታመዳ ታ ፃላላ ኦይካ። ሲቆይ ሀይቆ መላ ምኖ፤ ቃናተይ ስኦለ መላ ኢታ፤ እያ ላጮይ ፆሳ ታማ ላጮ መላ።

Isayaasa 41:2

“ዶሎሀ ባጋፈ እሱዋ ደንድ ብያ በሳ ኡባን ፆኖ እመይ ኦኔ? እ ካዎተታ እያ ኩሸን አድ እሜስ፤ ካዎታ እያዉ ሃርስስ። እ ኤንታ ባ ማሻን ብዶ ከሴስ፤ ባ ዶንግያን ኤንታ ፑኖ ኦስ።

Hizqeela 9:4

“የሩሳላመ ካታማ ግዶ ካንዳ ባሸ፥ ያን ኦሰትያ እፀትዳ ኤቃ ጎይኑዋ ግሾ አዛንሸነ ኦልሸ ደእያ አሳ ሶምኦን ማላ ዎ” ያግስ።

Milkiyaasa 3:1

“ሄኮ፥ ታ ስንን ኦገ ጊግሳና መላ ታ ኪታንቹዋ ካሰታዳ ኪታና። ህንተ ኮያ ጎዳይ ቆፖና ደእሽን ባ ኬ ያና። ህንተ ኡፋይሳን ናግያ፥ ጫቆ ኪታንቾይ ያና” ያጌስ ኡባፈ ዎልቃማ ጎዳይ።

Milkiyaasa 4:2

ሽን “ህንተዉ፥ ታ ሱንስ ያየይሳታስ፥ ፅሎተ አው ባ ቀፈ ጋርሳን ፓፆተ ኤክድ ከያና። ህንተ ቃሾፐ የደትዳ ኮኦ ጋሎዳ ጉፓና።

Maatosa 16:16

ስሞና ጰፅሮስ ዛሪድ፥ “ኔኒ ክርስቶሳ፥ ደኦ ፆሳ ናአ” ያግስ።

Maatosa 26:63

ሽን የሱሲ ስእ ግስ። ቃስካ ካህነ ሀላቃይ፥ “ታኒ ነና ደኦ ፆሳ ሱንን ኦይካይስ፤ ኔኒ ፆሳ ናኣ ክርስቶሳ ግድኮ ኑስ ኦዳ” ያግስ።

Yohaanisa 6:27

ሳምያ ካስ ኦፍተ፥ ሽን መርና ደኦ እምያ ካስ ኦተ። ፆሳ አዋይ እ ኦና መላ እያዉ ማታ እምዳ ግሾ ሄ ካ አሳ ናአይ ህንተዉ እማና” ያግስ።

2 ቆሮንቶሳ 1:22

ኑኒ እያባ ግደይሳ ኤርሳናዉ ባ ማታምያ ኑ ቦላ ዎስ፤ ቃስ ባ ጌሻ አያና ኦይ ኦድ ኑ ዎዛናን ዎስ።

Efesoona 1:13

ህንተካ ህንተ አቶተ ዎንገላ፥ ሄስካ ቱማ ቃላ ስእዳ ዎደ ክርስቶሳ አማንደታ። ፆሳይ ህንተዉ እማና ግዳ ጌሻ አያናን ህንተ አታመትደታ።

Efesoona 4:30

ፆሳይ ህንተና ዎዝያ ጋላሳስ ህንተና አታምድ ዎዳ ፆሳ አያና አዛንፍተ።

Zaaretho 5:26

አሾ ማእዳ አሳን ኑኒ ስእዳይሳዳ ታማ ግዶን ግድድ ኦድሽን፥ ደኦ ፆሳ ቃላ ስእድ ደኦን ደእዳ አስ ኦኔ?

1 ተሰሎንቀ 1:9

ኑኒ ህንተኮ ብዳ ዎደ ህንተ ኑና ሞክዳ ሞኩዋነ ህንተ፥ ህንተ ኤቃ አግድ ቱማነ ደኦ ፆሳ ሀጋዛናዉ ህንተ ስምዳይሳ ኤንቲ ባንታ ሁጰን ኦዶሶና።

2 ፅሞትዮሳ 2:19

ግዶሽን፥ ፆሳይ ምኖ ዛላ ሂፅዳ ግሾ ቃፃናዉ ዳንዳኤና። እያ ቦላ፥ “ጎዳይ ባ አሳ ኤሬስ። ጎዳ ሱን ፄግያ ኦንካ ኢታ ኦሶፐ ሃኮ” ግያ ቃላይ ፃፈትስ።

Ibraawe 12:22

ሽን ህንተ ፅዮነ ዙማኮ፥ ደኦ ፆሳይ ደእያ የሩሳላመ ካታማኮ፥ እስፈ ሺቅድ ኡፋይትያ ዳሮ ሙኩሉ ኪታንቾታኮ ሳሉዋ ይደታ።

ዮሃኒሳ ቆንጬ 1:3

ሀ ኡባይ ሀናናዉ ዎደይ ማትዳ ግሾ፥ ሀ ትንብተ ቃላ ናባብያ ኦንካ አንጀትዳይሳ፤ ቃስ ሀ ቃላ ስኤይሳትነ ፃፈትዳ ኪታ ናግያ ኡባይ አንጀትዳይሳታ።

ዮሃኒሳ ቆንጬ 10:1

ሄሳፈ ጉየ፥ ታ ሀራ ዎልቃማ ኪታንቾይ ሳሎፐ ሳአ ዎሽን በአስ። እ ሻራ ማእስ፤ እያ ሁጵያ ቦላ ዙል ደኤስ። እያ ሶምኦይ አዋ መላ፤ እያ ቶሆይ ታማ ቱሳ መላ።

ዮሃኒሳ ቆንጬ 10:4

ላፑን ዳዳት ኦደትዳ ዎደ ታ ፃፋናዉ ጊገታስ። ሽን ሳሎፐ፥ “ላፑን ዳዳት ኦድዳይሳ ማታመን ጎርዳፈ አትሽን፥ ፃፎፓ” ግያ ግርሳ ስአስ።

ዮሃኒሳ ቆንጬ 16:12

ኡሱፑን ኪታንቾይ ባ ፁአን ደኤይሳ ግታ ኤፍራፂሳ ሻፋን ጉስን፥ ዶሎሀ ባጋፈ ያና ካዎታስ ኦገይ ጊጋና መላ ሃይ መልስ።

ዮሃኒሳ ቆንጬ 5:2

እስ ምኖ ኪታንቾይ ባ ቃላ ቁ ኦድ፥ “ማታምያ ብላናዉነ ማፃፋ ዶያናዉ በሰይ ኦኔ?” ያግድ አዋጅሽን በአስ።

ዮሃኒሳ ቆንጬ 8:3

እፃነ ጩይስያ ዎርቃ ሻተ ኦይክዳ ሀራ ኪታንቾይ ይድ፥ ያርሾ በሳ ማታን ኤቅስ። እ አራታ ስንን ደእያ ዎርቃ ያርሾ በሳ ቦላ ጌሻታ ኡባ ዎሳራ ጉጅድ ያርሻና መላ እያዉ ዳሮ እፃነይ እመትስ።

ዮሃኒሳ ቆንጬ 9:14

ሄ ግርሳይ ሞይዘ ኦይክዳ ኡሱፑን ኪታንቹዋኮ፥ “ኤፍራፂሳ ጌተትያ ግታ ሻፋን ቃሸትዳ ኦይዱ ኪታንቾታ ብርሻ” ያግስ።

ዮሃኒሳ ቆንጬ 9:4

ፆሳ ማታመይ ሶምኦን ባይና አሳ ፃላላፐ አትሽን፥ ሳአን ደእያ ማታ ዎይኮ ም ዎይኮ አይ ጭልኦባ ግድን ቆሆና መላ ቦለታስ ኦደትስ።

1 Sameela 17:26

ዳዊቲ ባ ማታን ኤቅዳ አሳ፥ “ሀ ፍልስፄመ አድያ ዎድ፥ ሀ ዬላ እስራኤለፐ ደንያ ኡራስ አይበ ኦሰታናይ? ሀ ቃፃረትቦና ፍልስፄመይ ደኦ ፆሳ ኦላንቾታ ማንደይ እ ኦኔ?” ያግድ ኦይችስ።

1 Sameela 17:36

ታኒ ነ አይለይ ጋሞነ ጋርማፌለ ዎስ፤ ሀ ቃፃረትቦና ፍልስፄመ አደይ ደኦ ፆሳ ኦላንቾታ ጉዳ ግሾ እ ኤንታፈ እሱዋዳ ሀናና።