ዮሃኒሳ ቆንጬ 14:10 - ጌሻ ማፃፋ

¹⁰ እያ ሀንቆ ፁአን ኩምዳ ፆሳ ሀንቆ ዎይንያ ኡያና። ኤንቲ ጌሻ ኪታንቾታ ስንንነ ዶርሳ ስንን ኤፅያ ዲነ ታማን ዋየታና።

Gofa New Testament

¹⁰ iya hanqo xuu7an kumida Xoossaa hanqo woyniya uyana. Entti geeshsha kiitanchchota sinthaninne Dorssa sinthan eexiya diinne taman waayettana.

Geeshsha Maxaafa

¹⁰ iya hanqo xuu7an kumida Xoossaa hanqo woyniya uyana. Enti geeshsha kiitanchota sinthaninne Dorsa sinthan eexiya diinne taman waayetana.

Ooratha Caaquwa Goofatho

¹⁰ I hanqo xuu7an kumida Xoossaa hanqo woyniya uyana. Entti geeshsha kiitanchchota sinthaninne Dorssa sinthan eexiya diinne taman waayettana.

ኦራ ጫቁዋ ጎፋ

¹⁰ ኢ ሃንቆ ፁዓን ኩሚዳ ፆሳ ሃንቆ ዎይኒያ ኡያና። ኤንቲ ጌሻ ኪታንቾታ ሲንኒኔ ዶርሳ ሲንን ኤፂያ ዲኔ ታማን ዋዬታና።

ዮሃኒሳ ቆንጬ 14:10 ပူးပေါင်းရင်းမြစ်များ

Medhetethi 19:24

ጎዳይ ሄ ዎደ ሳሎፐ ታማነ ፁግያ ዲነ ሶዶመ ቦላነ ጋሞራ ቦላ ቡክስስ።

Iyyoba 18:15

እያ ኬይ ታማን ኦይከታና፤ እ ደእያሱዋን ዲነይ ላለታና።

Iyyoba 21:20

ናጋራንቾት ባንታ ሴራ ባንታዉ ኤኮ፤ ኡባ ዳንዳእያ ፆሳ ሀንቆይ ኤንታ ቦላ ዎ።

Mazmure 11:6

ጎዳይ ኢታታ ቦላ ኤፅያ ታማ ቦንቆነ ዲነ ቡክሳና፤ ይስያ ጎተን ኤንታ ሴራና።

Mazmure 37:34

ጎዳን ኡፋይስ ኦ፥ እያ ኪታ ናጋ፤ ነና ቢታ ላትስድ ግታያና፤ ኢታ አሳት ይሽን ነ በአና።

Mazmure 52:6

ፅሎት ሄሳ በእድ ያያና፤ ኤንቲ ሀይሳዳ ያግድ፥ ነ ቦላ ሚጫና፤

Mazmure 60:3

ኔኒ ነ አሳ መቶ በሳዳሳ፤ ኑና ጋንድጋርስያ ዎይነ ኡሻዳሳ።

Mazmure 73:10

ሀር አቶሽን፥ ፆሳ አሳይ ኤንታኮ ስማና፤ ኤንቲ ኦድያባ ኤሶን አማናና።

Mazmure 75:8

ፆሳ ኩሸን እስ ዋንጭ ደኤስ፤ ሄ ዋንጫይ ፆሳ ሀንቆ ዎይነ ኡሻን ኩምድ ኡትስ። እ ሄ ኡሻፈ ትግን፥ ሳአን ደእያ ኢታ አሳት ሄሳ ኡያና፤ ኤንቲ ኦርጩዋ አሾና ፂጵድ ኡያና።

Mazmure 91:8

ኢታት ሴረትሽን፥ ኔኒ ነ አይፈ ፃላላን በአና።

Isayaasa 29:9

ማላለትተ፤ ዳጋምተ፤ ቅልምእተ፤ ቆቅተ። ማትተ፥ ሽን ዎይነ ኡሻን ግዶፖ። ጋንድጋርተ፥ ሽን ማይያ ኡሻን ግዶፖ።

Isayaasa 30:33

በንፐ ዶምድ አሶረ ካዎይ ፁሳ ቶፈታ ጌተትያ በሲ ጊግስ። ሄ በሳይ ኦላነ ዳልጋ፤ ቃስ ዳሮ ም ዶረትድ ደእያ በሲ። ጎዳ ፔኖይ ዲነ ሻፋዳ ጎግድ፥ ሄ ታማ ኤና።

Isayaasa 34:9

ኤዶመ ሻፋት መልድ ማደ ግድስ፤ እያ ባናይ ዲነ ላመታና፤ እያ ቢታይ ኤፅያ ማደ ግዳና።

Isayaasa 51:17

ነኖ፥ ጎዳ ኩሸፐ ጋንድጋርስያ ሀንቆ ፁኣ አሾና ኡይዳ የሩሳላመ፥ ባርካ! ደንዳ! ደንዳ።

Ermiyaasa 25:27

ጎዳይ ታኮ፥ “ሄሳ ግሾ፥ ‘ኡባፈ ዎልቃማ ጎዳይ፥ እስራኤለ ፆሳይ ህንተኮ ሀይሳዳ ያጌስ’ ያጋ። ‘ኡይተነ ማትተ፤ ጮይተነ ኩንድተ። ታኒ ህንተ ግዶ የድያ ማሻ ጋሶን ዛሪድ ደንዶፍተ’ ያግስ።

Ermiyaasa 49:12

ጎዳይ ሀይሳዳ ያጌስ፤ “ህዛ ሴራ ኤካናዉ በሶና አሳስ ሴረተ አቶናባ ግድኮ፥ ህንተ ዋንድ ሴረቶና አታኔ? ቱማ ህንተካ ሴራ ፁአፐ ኡዬታፐ አትሽን፥ ጮ አተከታ።

Ermiyaasa 51:57

እያ ሀላቃታ፥ እያ ጭንጫ አሳታ፥ እያ ደርያ ሃረይሳታ፥ እያ ቶራ ሞጮናታነ እያ ኦላንቾታ ማያና። ኤንቲ ዛሪድ ደንዶና መላ መርናዉ ስካና” ታኒ ካዎይ፥ ኡባፈ ዎልቃማ ጎዳ ጌተተይስ ሀይሳ ኦዳይስ።

Milalsa 4:21

ህንተኖ፥ ኡፃ ቢታን ደእያ ኤዶመ አሳዉ፥ ኡፋይትተ፤ ሀሹ ጊተ። ሽን ፁአይ ህንተ ቦላ ያና፤ ህንተ ማትድ ካሎ አታና።

Hizqeela 20:48

ሄ ታማ ኦይዳይ ታና ጎዳ ግደይሳ አሳ ኡባይ በአና። ሄ ታማይ ቶኤና’ ” ያጌስ።

Hizqeela 38:22

ታኒ ሀርገንነ ሀይቆን እያ ሴራና፤ ዎልቃማ እራ፥ ሻች፥ ፁግያ ዲነ እያ ቦላ፥ እያ ኦላንቾታ ቦላነ እያራ ደእያ ካዎተታ ቦላ ቡክሳና።

Inbaqoome 2:16

ኔኒ ቦንቾ አጋዳ ካዉሸ ማአና። ሀእ ማይ ነ ታራ፤ ነ ኡያዳ ካሎታ። ጎዳ ኡሻቻ ኩሽያን ደእያ ፁአይ ነዉ እመታና፤ ነ ቦንቾይ ዬላን ላመታና።

Maatosa 20:22

ሽን የሱሲ ናይታኮ ዛሪድ፥ “ህንተ አይ ዎስያኮ ኤረከታ፤ ታኒ ኡያናዉ ደእያ ዋየ ፁኣ ኡያናዉ ዳንዳኤቲ?” ያግስ። ኤንትካ፥ “ኤ ዳንዳኦስ” ያግዶሶና።

Maatosa 25:41

“ሄ ዎደ ሀድርሳ ባጋራ ደኤይሳታኮ፥ ‘ሀ ባደትዳይሳቶ፥ ታ ማታፐ ሃክተ። ፃላሄስነ እያ ኪታንቾታስ ጊግዳ መርና ታማን ቢተ።

Maatosa 26:39

ጉ ስን ብድ ቢታን ጉፋንድ፥ “ታ አዋዉ፥ ዳንዳኤትያባ ግድኮ ሀ ዋየ ፁኣ ታፐ ድጋ። ሽን ነ ሸነይ ሀኖፐ አትሽን፥ ታ ሸነይ ሀኖፖ” ያግድ ፆሳ ዎስስ።

Marqoosa 8:38

ፆሳ አማኖና ሀ ኢታ የለተን፥ እስ አስ ታናንነ ታ ቃላን ዬላትኮ፥ አሳ ናአይ፥ ቃስ ባ አዋ ቦንቾን ጌሻ ኪታንቾታራ ያ ዎደ እያን ዬላታና” ያግስ።

ሃዋሬታ ኦሱዋ 10:22

ኤንቲ ዛሪድ፥ “ኑና ማቶ ሀላቃይ ቆርነልዮስ ኪትስ። እ ፅሎ፥ ፆሳ ጎይንያ አስነ አይሁደ አሳ ኡባን ዳሮ ቦንቸትዳ አስ። ቆርነልዮስ፥ ነና ባ ሶ ኤህስድ ቃላ ኔፐ ስአና መላ ጌሻ ኪታንቾይ እያዉ ኦድስ” ያግዶሶና።

Zaaretho 29:23

ቢታ ኡባይ ዲነንነ ማፅነን ኩማና፤ ቶከትያባይ ዴና፤ ዶልያባይ በንተና፤ ማትነ ም ዶለና። ጎዳይ ባ ሀንቆን ይስዳ ሶዶማዳነ ጋሞራዳ፥ አዳማዳነ ፃቦይማ ካታማታዳ ሀናና።

2 ታሰሎንቀ 1:7

ጎዳይ የሱሲ ባ ዎልቃማ ኪታንቾታራ፥ ታማ ላጮራ ሳሎፐ ያ ዎደ ዋየትያ ህንተናነ ኑና ሸምፕሳና።

Yihuda 1:7

ሄሳዳ፥ ሶዶመነ ጋሞራ አሳይነ ኤንታ ማታን ደእያ ካታማታን ደእያ አሳይ ላይማትዶሶና፤ ላይማተራ ጋሄትያ ቱናተ ኦዶሶና። ኤንቲ መርና ታማን ፕርደታናይሳታስ ሌምሶ ግድዶሶና።

ዮሃኒሳ ቆንጬ 15:7

ኦይዱ መተታፐ እሶይ፥ መርናዉ ደእያ ፆሳ ሀንቆይ ኩምዳ ላፑን ዎርቃ ፁአታ ላፑን ኪታንቾታስ እሚስ።

ዮሃኒሳ ቆንጬ 16:19

ግታ ካታማይ ሄ ከይድ ሻከትስ፤ ቢታ ኡባን ደእያ ካታማት ይዶሶና። ፆሳይ ግታ ካታማ ባብሎነ ቆፕድ፥ ባ ኢታ ሀንቆ ዎይነ ኡሻይ ኩምዳ ፁኣ እዉ እሚስ።

ዮሃኒሳ ቆንጬ 18:3

አሳ ኮቸ ኡባ ባ ላይማተ ዎይንያ ኡሻሱ። ሳኣ ካዎት ኢራ ላይማትዶሶና። እ ሚኮተፈ ደንዶይሳን ቢታን ደእያ ዛልአንቾት ዱረትዶሶና” ያግስ።

ዮሃኒሳ ቆንጬ 18:6

እያ እምዳይሳ መላ ዛሪድ እዉ እምተ። እያ ኦዳ ኦሱዋስ ናምኡ ኩሸ እዉ ዛርተ። እያ ጊግስዳ ኡሻ ቦላ ህንተ ናምኡ ኩሸ ማይያ ኡሻ እ ፁአን ኩንተ።

ዮሃኒሳ ቆንጬ 19:15

ካዎተታ ቃንፅያ ቃራ ማሻይ እያ ዶናፐ ከዬስ። እ ብራታ ፃምአን አሳ ሃራና። ኡባፈ ዎልቃማ ፆሳ ሀንቆ ዎይነ ኡሻ ጉምእያ በሳ እ የና።

ዮሃኒሳ ቆንጬ 19:20

ሽን ሄ ዶአይነ እያ ሱንን ማላታታ ኦዳ ዎርዶ ናበይ እያራ እስፈ ኦይከትስ። ሄ ማላታታን ዶኣ ማላይ ደኤይሳታነ እያ ምስልያ ጎይነይሳታ እ ባለስ። ዶአይነ ዎርዶ ናበይ ናምአይካ ዲነን ኤፅያ ታማ አባን ፓፃ የገትዶሶና።

ዮሃኒሳ ቆንጬ 20:10

ኤንታ ባለዳ ፃላሄይ፥ ዶአይነ ዎርዶ ናበይ የገትዳ ኤፅያ ዲነ ታማ አባን የገትስ። ኤንቲ ቃማነ ጋላስ መርናዉ ፓፃ ካኤታና።

ዮሃኒሳ ቆንጬ 20:14

ያትን፥ ሀይቆይነ ስኦለይ ታማ አባን የገትዶሶና። ሄ ታማ አባይ ናምአን ሀይቆ።

ዮሃኒሳ ቆንጬ 21:8

ሽን ያሻንቾታ፥ አማነቶናይሳታ፥ ቱናታ፥ ሸምፖ ዎይሳታ፥ ላይማተይሳታ፥ ብተይሳታ፥ ኤቃ ጎይነይሳታነ ዎርዳንቾታ ቃዳይ ዲነይ ኤፅያ ታማ አባን ግዳና። ሄስ ናምአን ሀይቆ” ያግስ።