ዮሃኒሳ ቆንጬ 11:8 - ጌሻ ማፃፋ

⁸ ኤንታ ጎዳይ ማስቃልያ ቦላ ካቀትዳ ግታ ካታማ ኦግያ ቦላ ኤንታ አሀይ የገታና። ሄ ካታማይ ሌምሶን ሶዶመ ዎይኮ ግብፀ ጌተትድ ፄገቴስ።

Gofa New Testament

⁸ Entta Goday masqaliya bolla kaqettida gita katamaa ogiya bolla entta ahay yegettana. He katamay leemison Soodome woykko Gibxe geetetti xeegettees.

Geeshsha Maxaafa

⁸ Enta Goday masqaliya bolla kaqetida gita katamaa ogiya bolla enta ahay yegetana. He katamay leemison Soodome woyko Gibxe geetetidi xeegetees.

Ooratha Caaquwa Goofatho

⁸ Entta Goday masqaliya bolla kaqettida gita katamaa ogiya bolla entta ahay yegettana. He katamay leemison Soodome woykko Gibxxe geetetti xeegettees.

ኦራ ጫቁዋ ጎፋ

⁸ ኤንታ ጎዳይ ማስቃሊያ ቦላ ካቄቲዳ ጊታ ካታማ ኦጊያ ቦላ ኤንታ ኣሃይ ዬጌታና። ሄ ካታማይ ሌሚሶን ሶዶሜ ዎይኮ ጊብፄ ጌቴቲ ፄጌቴስ።

ዮሃኒሳ ቆንጬ 11:8 ပူးပေါင်းရင်းမြစ်များ

Medhetethi 13:13

ሄ ዎደ ሶዶመ አሳይ ዳሮ ኢታነ ጎዳ ስንን ናጋራንቾታ።

Medhetethi 19:24

ጎዳይ ሄ ዎደ ሳሎፐ ታማነ ፁግያ ዲነ ሶዶመ ቦላነ ጋሞራ ቦላ ቡክስስ።

Kessa 20:2

“ነና ግብፀፈ አይለተፈ ከስዳ ጎዳይ ነ ፆሳይ ታና።

Kessa 3:7

ጎዳይ ቃስካ ሀይሳዳ ያግስ፤ “ታኒ ግብፀን ደእያ ታ አሳይ አይ መላ ዋያኮ በአስ። ኤንቲ ባንታና ኡንኤድ ሃረይሳታፐ አሻና መላ ታኮ ዋስያ ዋሱዋ ስአስ። ኤንታ ዋያካ ኤራይስ።

Isayaasa 3:9

ኤንታ ሶምኦይ ኤንታ ቦላ ማርካቴስ፤ ኤንቲ ባንታ ናጋራ ሶዶመ አሳ መላ አዋጆሶና፤ ባንታ ናጋራ ቆቶኮና። ኤንቲ ባንታ ቦላ ዮ ኤህዳ ግሾ ኤንታ አየ!

Ermiyaasa 23:14

ቃስ የሩሳላመ ናበታ ግዶንካ ሀይስ ዴፅያባ በአስ። ኤንቲ ላይማቶሶና፤ ዎርዶትድ ደኦሶና። ኦንካ ባ ኢታ ኦሱዋፐ ስሞና መላ ኤንቲ ኢታ ኦይሳታ ምንሶና። ኤንቲ ኡባይ ታዉ ሶዶማ መላ፤ የሩሳላመ አሳይ ጋሞራ መላ” ያጌስ ጎዳይ።

Ermiyaasa 26:23

ኤንቲ ኦርዮና ግብፀፈ ከስድ፥ ካዋ እዮአቄመኮ ኤፍን፥ እያ ማሻን ዎስድ ደረይ ሞገትያ ዱፎን ሞግዶሶና።

Hizqeela 16:46

ነ ባይራ ምችያ፥ ባ ጉታራ ኔፐ ፑደሀ ባጋን ደእያ ሳማረነ እ ማጫ ናይታ፤ ነ ካሎ ምችያ ባ ጉታራ ኔፐ ዱገሀ ባጋን ደእያ ሶዶመነ እ ማጫ ናይታ።

Hizqeela 16:49

ነ ምችያ ሶዶመ ኦዳ ናጋራይ ሀይሳ፦ እያነ እ ማጫ ናይት ኦቶራንቾ፥ ኤንቲ ካልዳይሳታነ እንጀ ዱሱ ደእኮካ ኤንቲ መቶታንቾታነ ማንቆታ ማድቦኮና።

Hizqeela 23:19

ሽን እያ ግብፀን ላይማ ግዳዳ ደእያ፥ ባ ያላጋተ ዎድያ ሀሳያዳ፥ ባ ላይማተ ካሰይሳፈ ያ ዳርሳሱ።

Hizqeela 23:27

ሄሳዳ ኦዳ፥ ነ ግብፀፈ ኤህዳ ላይማተ አሙዋ ኔፐ ድጋና። ኔኒ ናምአን ግብፀታ ኤቃ ምስለታ ቁ ጋዳ ፄሎናዳ ዎይኮ ኤንታ ሀሳዮናዳ ኦና።”

Hizqeela 23:3

ኤንቲ ግብፀን ደእሸ፥ ባንታ ናአተፈ ዶምድ፥ ላይማ ግድዶሶና። ሄ ቢታን ደእያ አደት ኤንታ ንን ካእዶሶና፤ ኤንታ ጌላኦተይ ኤከትስ።

Hizqeela 23:8

እያ ግብፀን ዶምዳ ላይማተ ሀእካ አጋቡኩ፤ እ ናአተፈ ዶምድ፥ አደት እ ን ካኦሶናነ ኢራ ላይማቶሶና።”

Hizqeela 37:11

እ ታኮ፥ “አሳ ናአዉ፥ ሀ መቀት እስራኤለ አሳ ሌምሶ፤ እስራኤለ አሳይ፥ ‘ኑ መቀት መልዶሶና፤ ኑ ኡፋይሳይ ይስ፤ ኑባይ ኩመ ሀልስ’ ያጎሶና።

Amoxe 4:11

“ሶዶመነ ጋሞራ ካታማታ ይስዳይሳዳ ህንተፈ ዳሮታ ይሳስ፤ ህንተ ታማፐ አትዳ ዱንቻ መላ፤ ሽን ሄሳንካ ህንተ ታኮ ስምበከታ” ያጌስ ጎዳይ።

Maatosa 10:15

ታ ህንተዉ ቱማ ኦዳይስ፤ ፆሳ ፕርዳ ጋላሳን ሄ ካታማፐ ሶዶመስነ ጋሞራ ካታማታስ ፕርዳይ ካዉያና።

ሃዋሬታ ኦሱዋ 9:4

እ ሳአን ኩንድዳሽን፥ “ሳኦላ፥ ሳኦላ፥ አይስ ታና ጎዳይ?” ግያ ቃላ ስእስ።

Ibraawe 13:12

ሄሳዳካ፥ የሱሲ ደርያ ናጋራፐ ባ ሱን ጌሻናዉ ካታማ ፐንግያፈ ካረን ዋየትስ።

Ibraawe 6:6

ጉየፐ ካድዳይሳታ ናጋራፐ ናምአን ዛራናዉ ዳንዳኤተና። አይስ ጊኮ፥ ኤንቲ ባንታ ዩዋስ ፆሳ ናኣ ዛር ካቅያ መላ ማስቃልያ ቦላ እያ ካቆሶናነ አሳ ስንን ካዉሾሶና።

2 ጰፅሮሳ 2:6

ጌላታስ ሌምሶ ግዳና መላ ፆሳይ ሶዶመነ ጋሞራ ካታማታ ብዶ ኦድ ፁግድ ይስስ።

Yihuda 1:7

ሄሳዳ፥ ሶዶመነ ጋሞራ አሳይነ ኤንታ ማታን ደእያ ካታማታን ደእያ አሳይ ላይማትዶሶና፤ ላይማተራ ጋሄትያ ቱናተ ኦዶሶና። ኤንቲ መርና ታማን ፕርደታናይሳታስ ሌምሶ ግድዶሶና።

ዮሃኒሳ ቆንጬ 11:13

ሄ ሳትያን ቢታይ ዎልቃማ ቃፆ ቃፅን፥ ካታማፐ ታማን ኩሸይ ይስ። ቃስ ቢታ ቃፆን ላፑን ሙኩሉ አሳይ ሀይቅስ። አትዳ አሳይ ዳሮ ኮኮርድ ባብድ፤ ሳሎ ፆሳስ ቦንቾ እምዶሶና።

ዮሃኒሳ ቆንጬ 11:9

ቃስ ኮቸ ኡባፈ፥ ያራ ኡባፈ፥ ዱማ ዱማ ዶናፐነ ካዎተ ኡባፈ ይዳ አሳይ ኤንታ አሀ ሄ ጋላስነ ባጋ ጋካናዉ በአና። ኤንታ አሀይ ሞገቶና መላ አሳይ ድጋና።

ዮሃኒሳ ቆንጬ 14:20

ኤንቲ ካታማፐ ጋፃን ደእያ ዎይነ አይፈ ጉምእያ በሳን የትዶሶና። ሱ ዎይነ ጉምእያ በሳፈ ከይድ እስ ሙኩሉነ ኡሱፑን ፄቱ ክሎ ምትረ መላ ሃክድ፥ ፓራ ፑሎ ጋክድ፥ ቁ ግድ ኤልስ።

ዮሃኒሳ ቆንጬ 14:8

ኮይሮይሳ ካልድ ሀራ ናምአን ኪታንቾይ፥ “ደረ ኡባ ቱናነ ማይያ ዎይነ ኡሽዳ፥ ግታ ባብሎነይ ኩንዳሱ! ኩንዳሱ!” ያግድ ዋስስ።

ዮሃኒሳ ቆንጬ 16:19

ግታ ካታማይ ሄ ከይድ ሻከትስ፤ ቢታ ኡባን ደእያ ካታማት ይዶሶና። ፆሳይ ግታ ካታማ ባብሎነ ቆፕድ፥ ባ ኢታ ሀንቆ ዎይነ ኡሻይ ኩምዳ ፁኣ እዉ እሚስ።

ዮሃኒሳ ቆንጬ 17:1

ላፑን ፁአታ ኦይክዳ ላፑን ኪታንቾታፐ እሶይ ታኮ ይድ፥ “ሃያ፤ ዳሮ ሃታ ቦላ ኡትዳ ግታ ላይማትያ ማጫሰ ቦላ ያናዉ ደእያ ፕርዳ ታ ነና በሳና።

ዮሃኒሳ ቆንጬ 17:18

ሄ ኔኒ በእዳ ማጫስያ ሳአ ካዎታ ሃርያ ግታ ካታምዉ” ያግስ።

ዮሃኒሳ ቆንጬ 17:5

እ ሶምኦን ፁራ ኦሶ ብርሸይ ደእያ ሱንይ፥ “ግታ ባብሎነይ፥ ላይማተስነ ሳአን ደእያ ቱናባ ኡባስ አዮ” ግያ ፁፈይ ፃፈትድ ኡትስ።

ዮሃኒሳ ቆንጬ 18:10

ኤንቲ ሄ ካታመ ዋይያ በእድ ያይዳ ግሾ፥ ሃክ ኤቅድ፥ “ ‘ሀ ግታ ካታመ! ዎልቃማ ካታመ! ባብሎነ፥ ነና አየ! ኔኒ እስ ሳተ ግዶን ነ ፕርዳ ኤካዳሳ’ ያጋና።

ዮሃኒሳ ቆንጬ 18:18

ሄ ካታምያ ፁገትን ከይያ ጩያ በእዳ ዎደ፥ ‘ሀ ግታ ካታምዉ ዳንያ ሀራ ካታም ደእሻ?’ ያግዶሶና።

ዮሃኒሳ ቆንጬ 18:2

ሄ ኪታንቾይ ባ ቃላ ቁ ኦድ፥ “እያ ኩንዳሱ! ግታ ባብሎነይ ኩንዳሱ! ባብሎነይ ቱና አያናት አቅያ በሲ ግዳሱ። ዱማ ዱማ ኢታባታስ ኬ ግዳሱ፤ ቱና ካፎትነ ዶአት ሸምፕያ በሲ ግዳሱ።

ዮሃኒሳ ቆንጬ 18:21

ያትን፥ ምኖ ኪታንቾይ ዎፃ ዳንያ ግታ ሹቹ ደንድ አባን ሆልሸ፥ “ግታ ካታምያ ባብሎነይ ዎልቃን ሆለታዳ ሀይሳዳ ኩንዳና፤ እያ ሀችፈ ጉየ ኡባካ በንቱኩ።

ዮሃኒሳ ቆንጬ 18:24

ናበታ ሱይ፥ ጌሻታ ሱይነ ቢታ ቦላ ሀይቅዳ አሳ ኡባ ሱይ እ ግዶን በንትዳ ግሾ ባብሎነይ ፕርደታሱ።