Nahoome 2:3 - ጌሻ ማፃፋ

³ ኦላንቾት ዞኦ ጎንዳለ ኦይክዶሶና፤ ዞኦ ማኦ ማእዶሶና። ኤንቲ ኦላስ ጊግያ ዎደ ፓራ ጋረት ቅንኣሮሶና፤ ኤንቲ ባንታ ቶራ ሉፆሶና።

Geeshsha Maxaafa

³ Olanchoti zo7o gondalle oykidosona; zo7o ma7o ma77idosona. Enti olas giigiya wode para gaareti qin7aarosona; enti banta toora luuxoosona.

Nahoome 2:3 ပူးပေါင်းရင်းမြစ်များ

Iyyoba 39:23

ኤንታ ቶግያ ኦላንቾት ኦይክዳ ኦላ ሚሸት፥ ጶልሸ እሶይ እሱዋራ ጋሄትድ ጊሮሶና።

Mazmure 80:13

ባዞ ጉዱንይ እያ ቦላ ጉፕስ፤ ዎራ ዶአት እያ ምዶሶና።

Isayaasa 14:8

ሀር አቶሽን፥ ልባኖሰ ዝጋትነ ፂዳት ካዋ ኩንደን ኡፋይትድ፥ “ኔኒ ካዉያዳ ኩንድዳፐ ጉየ፥ ኑና ቃንፃናዉ የይ ባዋ” ያጎሶና።

Hizqeela 23:24

ኤንቲ ኦላ ፓራ ጋረታራ፥ ጫና ጋረታራነ ዳሮ ኦላንቾታራ ፑደሀ ባጋፈ ህንተ ቦላ ያና። ኤንቲ ዎጋ ጎንዳለነ ጉ ጎንዳለ ኦይክድ፥ ብራታ ባርኔፃ ዎድ፥ ነ ዩሹዋን ሳልፓና። ታኒ ነና ኤንታዉ አዳ እማና፤ ኤንቲ ነና ባንታ ዎጋ መላ ፕርዳና።

Hizqeela 26:7

“ኡባ ሃርያ ጎዳይ ሀይሳዳ ያጌስ፦ ‘ፅሮሳ ቦላ ኦላ ደንና መላ ካዎታ ካዎ ግድዳ ባብሎነ ካዋ ናቡካዳናፆራ፥ ፓራታራ፥ ፓራ ጋረታራነ ዳሮ ኦላንቾታራ ፑደሀ ባጋፈ ኤሀና።

Nahoome 3:2

ናናወ ካታመን ልሶ ግርሳይ፥ ገርቶ ጎንዶርሳይ፥ ፓራታ አዳርሶይነ ፓራ ጋረታ ጉፋይ ስኤቴስ።

Zakaryaasa 1:8

ታኒ ቃማ ቆንጨን፥ ዞኦ ፓራ ቶግዳ እስ አስ በአስ። እ ዛንጋራን ደእያ ባርሰኔተ ጌተትያ ምታ ጋርሳን ኤቅስ፤ እያፐ ጉየ ባጋራ ዞኦ፥ ዳማነ ቦ ፓራት ደኦሶና።

Zakaryaasa 11:2

ነኖ ፂዳዉ፥ ዝጋይ ኩንድዳ ግሾ፥ ቦንቾ ምት ይዳ ግሾ፥ ዪ ጋዳ ዬካ! ህንተኖ ባሳና ዎላቶ፥ ሄ ስከትዳ ዎራይ ማንኤትዳ ግሾ፥ ዪ ግድ ዬክተ።

Zakaryaasa 6:2

ኮይሮ ጋርያ ዞኦ ፓራት ጎቾሶና፤ ናምአን ጋርያ ካሬ ፓራት ጎቾሶና።

ዮሃኒሳ ቆንጬ 12:3

ቃስ ሀራ ማላት ሳሎን በንትስ። ላፑን ሁጰትነ ታሙ ካጨት ደእያ ግታ ዞኦ ዳወይ በንትስ። እ ባ ሁጰታ ቦላ ላፑን ካላቻ ዎስ።

ዮሃኒሳ ቆንጬ 6:4

ቃስ ሀራ ስሀ ዞኦ ፓር ከይስ። ሄ ፓራ ቶግዳይሳስ ሳአፐ ሳሮ ይሳና መላነ አሳይ ዎል ዉርሳና መላ ማትነ ግታ ማሻይ እመትስ።