Nahime 9:32 - ጌሻ ማፃፋ

³² ህዛ ኑ ፆሳዉ፥ ግታዉ፥ ዎልቃማነ ያየትዳ ፆሳዉ፥ ነ መርና ሲቆ ጫቁዋ ናገይሶ፥ በን አሶረ ካዎተፈ ሀች ጋካናዉ ኑ ቦላ፥ ኑ ካዎታ ቦላ፥ ኑ ሀላቃታ ቦላ፥ ኑ ካህነታ ቦላ፥ ኑ ናበታ ቦላ፥ ኑ ማይዛታ ቦላነ ነ አሳ ኡባ ቦላ ጋክዳ መቶይ ነ ስንን ላፋባ ዳኖፖ።

Geeshsha Maxaafa

³² Hiza nu Xoossaw, gitaw, wolqaamanne yayetida Xoossaw, ne merinaa siiqo caaquwa naageyso, beni Asoore kawotethaafe hachi gakanaw nu bolla, nu kawota bolla, nu halaqata bolla, nu kahineta bolla, nu nabeta bolla, nu mayzata bollanne ne asa ubbaa bolla gakida metoy ne sinthan laafaba daanopo.

Nahime 9:32 ပူးပေါင်းရင်းမြစ်များ

1 Kawota 8:23

ሀይሳዳ ያግድ ዎስስ፤ “አቤት ጎዳዉ፥ እስራኤለ ፆሳዉ፥ ቦላ ሳሉዋን ጋርሳ ሳአን ነ መላ ፆሲ ባዋ። ኔኒ ነ ጫቁዋ ናጋሳ። ባ ኩመ ዎዛናን ነ ስንን ሄመትያ ነ አይለታ ነ መርና ሲቁዋን ዶሳዳሳ።

2 Kawota 15:19

ሄሳፈ ጉየ፥ አሶረ ካዎይ ተልገልተልፈልሶር እስራኤለ ቦላ ደንድስ። ካዎተን ባና ምንና መላነ ማዳና መላ፥ ምናሄም ተልገልተልፈልሶራስ 34,000 ክሎ ግራመ ብራ ሳንትመ እሚስ።

2 Kawota 15:29

እስራኤለ ካዋ ፓቁሄ ዎድያን አሶረ ካዎይ ተልገልተልፈልሶር ይድ፥ እዮና፥ አቤል-ቤት-ማእካ፥ ያኖሀ፥ ቃደሳነ ሀፆራ ኦልድ ኦይክስ፤ ቃስ ጋላዳ፥ ጋልላነ ንፍታለመ ቢታ ኡባ ኦልድ፥ አሳ ድእድ አሶረ ቢታ ኤፍስ።

2 Kawota 17:23

ጎዳይ ናበታ፥ ባ አይለታ ኡባ ባጋራ ካሰ ኦድዳይሳዳ ኤንታ ባ ስንፈ ድግስ። እስራኤለ አሳይ ባንታ የለትዳ ቢታፈ ድኤትድ፥ አሶረ ቢታ ብድ፥ ሀች ጋካናዉ ያን ደእዶሶና።

2 Kawota 17:3

አሶረ ካዎይ ሳልምናሶር ይድ፥ እያራ ኦላ ጋሄትን፥ ሆሰይ ፆነትድ፥ እያዉ ጊርስ።

2 Kawota 17:6

ሆሰይ ካዎትዳ ኡዱፉን ላይን አሶረ ካዎይ ሳማረ ካታማ ኦይክስ፤ እስራኤለ አሳ ኤክድ፥ አሶረ ቢታ ኤፍስ። ኤንታፈ ባጋ አላሀንነ አቦራን፥ ባጋ ቃስ ጎዛና ሻፋ ማታን፥ አትዳይሳታ ሜዶና ካታማታን ዎስ።

2 Kawota 23:29

እዮስያሳ ዎደ ግብፀ ካዎይ ናኮይ፥ አሶረ ካዋ ኦላን ማዳናዉ ኤፍራፂሳ ሻፋ ብስ። ካዎይ እዮስያስ እያራ ኦለታናዉ ባ ኦላንቾታ ኤክድ ከይስ። ሽን ካዎይ ናኮይ እያራ ማግዶን ጋሄትድ፥ እያ ዎስ።

2 Kawota 25:7

ሰደቅያሳ ናይታ፥ ሰደቅያስ ፄልሽን ዎዶሶና። እያ አይፈታ ዎጭ ከስድ፥ ሳንላታን ቃችድ፥ ባብሎነ ቢታ ኤፍዶሶና።

Izira 4:10

ቃስ ግታነ ቦንቸትዳ ካዋ አስናፋር ድእድ ሳማረንነ ኤፍራፂሳ ሻፋፐ ሄፍንን ዎዳ አሳ ኡባፈ ፃፈትስ” ያግዶሶና።

Izira 4:2

ዛሩባበላኮነ እስራኤለ ያራ ሀላቃታኮ ይድ፥ “አሶረ ካዎይ አስራዶን ኑና ሀ በሳ ኤህዳ ጋላሳፐ ዶምድ፥ ኑካ ህንተ ፆሳ ጎይኖስ፥ እያዉ ያርሾስ። ሄሳ ግሾ፥ ኑካ ህንተራ ኬፃና” ያግዶሶና።

Izira 9:13

“ኑ ቦላ ጋክዳ ኢታባ ኡባይ ኑ ኢታ ኦሱዋነ ኑ ግታ ናጋራ ጋሶና። ግዶሽን፥ ኔኒ ኑ ፆሳይ ኑ ናጋራ ዳሮተ መላ ኑና ፕርዳባካ፤ ሽን ኑፐ ጉታ አሻዳሳ።

Nahime 1:5

“አቤት ጎዳዉ፥ ሳሎ ፆሳዉ፥ ግታዉ፥ ቦንቸትዳይሶ፥ ነና ዶሰይሳታስነ ነ ኪታ ናገይሳታስ ነ መርና ሲቆ ጫቁዋ ናጋሳ።

Mazmure 47:2

ኡባፈ ቃ ጎዳይ ዋን ያሺ? ቢታ ኡባን እ ግታ ካዎ።

Mazmure 66:3

ፆሳስ ሀይሳዳ ያግተ፤ “ነ ኦሶት ዋንድ ማላልሲ? ነ ዎልቃይ ዳርዳ ግሾ፥ ነ ሞርከት ያሻን ነ ስንን ኮኮሮሶና።

Mazmure 66:5

ሃይተ፤ ፆሳይ ኦዳባ በእተ፤ አሳ ግዶን ማላልስያ ኦሶ ኦስ።

Kessa 18:8

ጎዳይ እስራኤለታ አሻናዉ ግብፀ አሳ ቦላነ ኤንታ ካዉዋ ቦላ ኦዳባ ኡባነ ኦገን ኤንታ ጋክዳ መቱዋ ኡባን ጎዳይ ዋት ማድዳኮ ሙሰይ ባ ቦሉዋስ ኦድስ።

Isayaasa 9:6

ኑስ ናእ የለትስ! አደ ናእ ኑስ እመትስ! ካዎተ ማት እያ ሀሽያን ግዳና፤ እያ ሱንይ፥ “ማላልስያ ዞራንቾ፥ ዎልቃማ ፆሳ፥ መርና አዋ፥ ሳሮተ ሀላቃ” ጌተታና።

Daanela 9:4

ታ ናጋራ ፓፃሸ፥ ጎዳ፥ ታ ፆሳ ሀይሳዳ ያጋዳ ዎሳስ፦ “አቤት ጎዳዉ፥ ዎልቃማነ ያሽያ ፆሳዉ፥ ነና ዶሰይሳታስነ ነዉ ኪተተይሳታስ ነ መርና ሲቁዋነ ጫቁዋ ናገይሶ፥

Daanela 9:6

ኑ ካዎታስ፥ ኑ ሀላቃታስ፥ ኑ አዋታስነ ቢታን ደእያ አሳ ኡባስ ነ ሱንን ትንብተ ኦድዳ ነ ናበታ ስኦና እፅዳ።

Daanela 9:8

አቤት ጎዳዉ፥ ኑኒ፥ ኑ ካዎት፥ ኑ ሀላቃትነ ኑ አዋት ነና ናቅዳ ግሾ ዬላ ማእዳ።

Leeweta 26:18

ሄሳ ኡባ ኦንካ ህንተ ታና ስኦና እፅኮ፥ ታኒ ህንተ ናጋራ ግሾ ህንተ ሴራ ላፑን ዳኮ ኦና።

Leeweta 26:21

ህንተ ታዉ እፃስ ጊኮነ ታና ስኦና እፅኮ፥ ህንተ ናጋራ መላ ላፑን ዳኮ ጋዶ ታኒ ህንተ ቦላ ኤሀና።

Leeweta 26:24

ሄ ዎደ ታካ ህንተዉ እፃስ ጋና። ህንተ ናጋራ ግሾ ታኒ ታ ሁጰን ህንተና ላፑን ዳኮ ሴራና።

Leeweta 26:28

ታ ህንተ ቦላ ሀንቆን ደንዳና። ህንተ ናጋራ ግሾ ታኒ ህንተና ላፑን ዳኮ ሴራና።

Zaaretho 7:12

ነ ሀ ኪታ ስአዳ ምን ናግኮ፥ ጎዳይ፥ ነ ፆሳይ ህንተ ማይዛታስ ጫቅዳይሳዳ ባ ሲቆ ጫቁዋ ነዉ ናጋና።

Zaaretho 7:13

እ ነና ዶሳና፤ ነና አንጃና፤ ነ ታይቡዋ ዳርሳና። ቃስ እ ነዉ እማናዉ ነ ማይዛታስ ጫቅዳ ቢታን ነ ኡሎ አይፍያ፥ ቢታ አይፍያ፤ ካ፥ ዎይንያ፥ ዛይትያ፥ መሄ ማራታነ ዶርሳ ማራታ ዳርስድ ነና አንጃና።

Zaaretho 7:21

ሄሳ ግሾ፥ ነ ኤንታዉ ያዮፋ፤ ኔራ ደእያ ጎዳይ፥ ነ ፆሳይ፥ ግታነ ያሽያ ፆሲ።

Zaaretho 7:9

ሄሳ ግሾ፥ ጎዳይ፥ ህንተ ፆሳይ ፆሴ ግደይሳ ኤርተ። እ ባና ዶሰይሳታስነ ባ ኪታ ናገይሳታስ ሙኩሉ የለተ ጋካናዉ፥ ባ ሲቁዋ ናግያ አማነትያ ፆሲ።