Nahime 9:29 - ጌሻ ማፃፋ

²⁹ ነ ህግያኮ ኤንቲ ስማና መላ ኤንታዉ ምንዳ ኦዳዳሳ፥ ሽን ኤንቲ ኦቶርትዶሶና፤ ነዉ ኪተቶና እፅዶሶና። አስ ኪተትድ ደኦ ደምያ ነ ህግያ መንዶሶና። ነዉ ዞኮ ዛሪድ ስኦና እፅዶሶና፤ ኪተቶና እፅዶሶና።

Geeshsha Maxaafa

²⁹ Ne higgiyako enti simmana mela entaw minthada odadasa, shin enti otortidosona; new kiitetonna ixidosona. Asi kiitetidi de7o demmiya ne higgiya menthidosona. New zoko zaaridi si7onna ixidosona; kiitetonna ixidosona.

Nahime 9:29 ပူးပေါင်းရင်းမြစ်များ

2 Kawota 17:13

ጎዳይ እስራኤለ አሳነ ይሁዳ አሳ ባ ናበታ ባጋራነ ቆንጨ በእያ ኡባ ባጋራ፥ “ህንተ ኢታ ኦግያፐ ስምተ፤ ታኒ ናበታ፥ ታ አይለታ ባጋራ፥ ህንተ አዋት ኪተታናዳ እምዳ ህግያን ፃፈትዳ ዎጋነ አዋጁዋ ናግተ” ያግስ።

2 Kawota 17:14

ሽን ኤንቲ ስኦና እፅዶሶና። ጎዳ ባንታ ፆሳ አማነትቦና ባንታ አዋታዳ ሞርገ ምንዶሶና።

2 Taarike 24:19

ኤንታ ዛራና መላ ጎዳይ ናበታ ኤንታኮ ኪትስ። ናበት ኤንታዉ ማርካትዶሶና፤ ሽን ኤንቲ ስኦና እፅዶሶና።

2 Taarike 33:10

ጎዳይ ምናሰስነ እያ አሳስ ኦድስ፤ ሽን ኤንቲ እያ ስኦና እፅዶሶና።

2 Taarike 36:15

ጎዳይ፥ ኤንታ ማይዛታ ፆሳይ ባ አሳስነ ባ ኬስ ቃትያ ግሾ፥ ባ ናበታ ኤንታዉ ዛር ዛር ኪትስ።

Nahime 13:15

ሄ ዎደ ታኒ ይሁዳን ደእያ አሳይ ሳምባታ ጋላስ ዎይነ ጉምእሽን በአስ፤ ሀራት ካ፥ ዎይነ ኡሻ፥ ዎይነ አይፍያ፥ ባላሰ አይፍያነ ሀራባታ ባንታ ሀረን ጫንድ፥ ሳምባታ ጋላስ የሩሳላመ ኤህሽን በአስ። ሄሳ ግሾ፥ ኤንቲ ሳምባታ ጋላሳ ዛልኦናዳ ታኒ ኤንታዉ ምንዳ ኦዳስ።

Nahime 9:10

ግብፀ ካዎይ፥ እያ ሹማትነ ሄ ቢታ አሳ ኡባይ እስራኤለ አሳ ቦላ ኦቶርትዳ ግሾ ኤንታ ቦላ ማላታነ ማላልስያባታ ኦዳሳ። ሄሳ ኦዳ ሀች ጋካናዉ ነ ሱንይ ቦንቾን ፄገታናዳ ኦዳሳ።

Nahime 9:16

ሽን ኑ ማይዛት ኦቶርትዶሶና፤ ስኦና እፅድ ነዉ ኪተትቦኮና።

Nahime 9:26

ግዶሽን፥ ኤንቲ ኪተቶና እፅድ፥ ነ ቦላ ማካልዶሶና፤ ነ ህግያ ቦላ ዞኮ ዛርዶሶና። ኔኮ ስማናዳ ኤንታዉ ምንድ ኦድዳ ነ ናበታ ዎዶሶና። ዳሮ ኢታ ጫሽ ነና ጫይዶሶና።

Nahime 9:30

ግድኮካ ነ ኤንታ ዳሮ ላይ ዳንዳአዳሳ፤ ነ አያናን ናበታ ባጋራ ኤንታዉ ኦዳዳሳ፥ ሽን ኤንቲ ስእቦኮና። ሄሳ ግሾ፥ ሾሮ ካዎተት ኤንታ ሃራና መላ አ እማዳሳ።

Kessa 10:3

ሙሰይነ አሮን ካዋኮ ብድ፥ “ጎዳይ፥ እብራወታ ፆሳይ ኔኮ፥ ‘ኔኒ ታዉ ኪተተ እፀይ አዉደ ጋካናሴ? ታዉ ጎይናና መላ ታ አሳ የዳ።

Ermiyaasa 17:23

ግዶሽን፥ ኤንቲ ስእቦኮና፤ ባንታ ሀይ ታኮ ዛርቦኮና። ኤንቲ ታና ስኦናነ ታፐ ታማሮና እፅዶሶና።

Ermiyaasa 19:15

ኤንቲ ሞርግያ ጋቢስድ፥ ታ ኦድያባ ስኦና እፅዳ ግሾ ሀ ካታማ ቦላነ እያ ሄራን ደእያ ጉታታ ቦላ ኤሀና ግዳ ኢታባ ኡባ ኤሀና ሀናይስ” ያጌስ ኡባፈ ዎልቃማ ጎዳይ።

Ermiyaasa 42:19

“ይሁዳን አትዳይሳቶ፥ ጎዳይ ህንተኮ፥ ‘ግብፀ ቦፕተ!’ ያግስ። ታ ሀች ህንተኮ፥ ‘ናገትተ’ ገይሳ ስእተ።

Ermiyaasa 43:2

ሆሻያ ናአይ አዛርያስ፥ ቃራያ ናአይ ዮሃንነ ኦቶራንቾ አሳ ኡባይ ኤርምያሳኮ፥ “ነ ዎርዶ ኦዳሳ! ጎዳይ ኑ ፆሳይ ኑ ግብፀ ብድ ኡቶና መላ ድጋናዉ ነና ኑኮ ኪትቤና።

Ermiyaasa 44:10

ህንተ ሀች ጋካናዉ ህንተናተ ካዉሽበከታ፤ ታና ቦንችቤከታ። ታ ህንተዉነ ህንተ ማይዛታስ እምዳ ህግያነ ዎጋ ካልበከታ።

Ermiyaasa 7:26

ሽን ህንተ ታና ስኦና ዎይኮ ታዉ በሰ እሞና እፅደታ። ህንተ ሞርግያ ምንደታ፤ ህንተ አዋታፐ አድ ኢታባ ኦደታ።

Hizqeela 20:11

ኪተትያ ኡባስ ደኦ እምያ ታ ህግያ ኤንታዉ እማስ፤ ታ ዎጋ ኤንታ ታማርሳስ።

Daanela 5:20

ሽን እ ኦቶርትዳ ዎደነ እያ ዎዛናይ ሙምዳ ዎደ፥ ባ አራታፐ ዎስ፤ እያ ቦንቾይካ ቃረትስ።

Hose 6:5

ሄሳ ግሾ፥ ታኒ ናበታ ባጋራ ህንተና ቃንፀረስ፤ ታ ዶናፐ ከይዳ ቃላን ህንተና ዎስ። ታ ፕርዳይ ህንተ ቦላ ፖኦዳ ዋጋግ ጋና።

Leeweta 18:5

ታ ኪታነ ታ ዎጋ ናግተ፥ ህንተ ሄሳ ኦኮ ደኦን ዳና። ታኒ ጎዳ።

Maatosa 19:17

የሱሲ እያኮ፥ “ሎኦባ ነ ታና አይስ ኦይቻይ? እስ ፆሳፈ አትሽን፥ ሀር ሎኦይ ባዋ። ሽን ኔኒ መርና ደኡዋ ኤካናዉ ኮይኮ ኪታታ ናጋ” ያግስ።

Luqaasa 10:28

የሱሲ እያኮ፥ “ኔኒ ልከ ዛራዳሳ፥ ነካ ሄሳዳ ኦ። ኔኒ መርናዉ ደኦን ዳና” ያግስ።

Roome 10:5

አስ ህገ ናግድ ኤክያ ፅሎተባ ሙሰይ ፃፍሸ፥ “ህገ ናግያ ኦንካ ሄ ህግያ ናግዳ መላ ደኤስ” ያግስ።

Galatiya 3:12

ህገይ አማኖን ዘምፐና። ሽን፥ “ህግያ ናግያ ኦንካ ህግያን ደኦን ዳና” ያጌስ።

Zaaretho 31:21

ዳሮ መቶይነ ዮይ ኤንታ ቦላ ጋክዳ ዎደ ሀ ማዝሙረይ ኤንታ ናይታፐ ባለቶና ግሾ፥ ኤንታ ቦላ ማርካ ግዳና። ታኒ ጫቅዳ ቢታ ኤንታ ቡሮ ገልሶና ደእሽን፥ ሃራ ኤንቲ ቆፕያ ቆፋ ታኒ ኤራይስ” ያግስ።

Zaaretho 31:27

ህንተ አይ መላ ጌለኮነ ዎዛና ኢተኮ ታ ኤራይስ። ቱማ፥ ታ ህንተራ ደእዳ ላይ ኡባን ህንተ ጎዳስ ማካላታ፥ ሽን ታ ሀይቅን፥ ኡባ ዋንድ ማካላንደቲ?

Zaaretho 4:26

ህንተ ዮርዳኖሰ ሻፋ ፕንድ ላታናዉ ብያ ቢታፈ እሶይካ አቶና ኤለ ያናዉ ደኤይሳስ፥ ታ ሀች ህንተ ቦላ ሳሎነ ሳአ ማርካያይስ። ህንተ ፖሎ ያናፐ አትሽን፥ ሄ ቢታን አዱሳ ዎደ ደኤከታ።

አይሰይሳታ 6:10

ታኒ ህንተና፥ ‘ታኒ ጎዳ ህንተ ፆሳ፤ ህንተ ኤንታ ቢታ ላትዳ አሞረታ ፆሳታ ጎይኖፍተ’ ያጋስ። ሽን ህንተ ታ ቃላ ስኦና እፅደታ” ያግስ።