Nahime 9:25 - ጌሻ ማፃፋ

²⁵ ኤንቲ ዩሾይ ግምበትዳ ካታማታነ አራዳ ቢታ ፆንድ ኤክዶሶና። ሎኦባ ኡባይ ኩምዳ ኬታ፥ ቦከትዳ ሃ ኦላታ፥ ዎይነ በሳታ፥ ሻማሆነ ሀራ አይፈ አይፍያ ዳሮ ምታ ላትዶሶና። እያፐ ምድ ካልድ ኦርድዶሶና፤ ነ ግታ ኬሀተን ኡፋይትዶሶና።

Geeshsha Maxaafa

²⁵ Enti yuushoy gimbetida katamatanne aradda biitta xoonidi ekidosona. Lo77oba ubbay kumida keethata, booketida haatha ollata, woyne bessata, shamahonne hara ayfe ayfiya daro mithata laattidosona. Iyape midi kallidi ordidosona; ne gita keehatethan ufaytidosona.

Nahime 9:25 ပူးပေါင်းရင်းမြစ်များ

1 Kawota 14:9

ኔፐ ካሰ ደእያ ኡባይ ኦዳይሳፈ አያ ኢታባ ኔኒ ኦዳሳ። ኔኒ ነዉ ሀራ ፆሳታነ ብራፐ መዳ ኤቃታ መዳሳ። ያታዳ ታና ሀንቀዳሳ፤ ታዉ ዞኮ ዛራዳሳ።

1 Kawota 8:66

ዎንተ ጋላስ ካዎይ አሳ ሞይዝስ፤ አሳይ ካዋ አንጅድ፥ ጎዳይ ባ አይልያ ዳዊታስነ ባ አሳ እስራኤለስ ኦዳ ኬሀተን ዎዛናፐ ኡፋይትሸ ባ ሶ ባ ሶ ብስ።

Nahime 9:35

ነ ኤንታ ካዎተን ኤንታዉ ግታ አንጁዋ እማዳሳ፤ ዳልጋነ አራዳ ቢታ ኤንታዉ እማዳሳ። ሽን ኤንቲ ነና ጎይንቦኮና፤ ባንታ ኢታ ኦሱዋፐ ስምቦኮና።

Mazmure 105:44

እ ኤንታዉ አላጋ ካዎተታ ቢታ እሚስ፤ ሀራት ዳቡርዳ ጎሻ ላትዶሶና።

Mazmure 65:11

ላይ ካሎ ላይ ኦሳ፤ ነ አያ በሳ ኡባይ ኩምድ ፓላሀና።

Leemiso 30:9

ዱረ ግዳዳ፥ “ጎዳይ ኦኔ?” ጋዳ ነና ካዳና፤ ማንቆ ግዳዳ፥ ካይሳዳ ታ ፆሳ ሱን ጫይሳና።

Isayaasa 6:10

ካልድካ፥ “ሀ አሳ ዎዛና ሙምሳ፤ ኤንታ ሀይ ቱልሳ፤ ኤንታ አይፍያ ጎዛ። ሄስ ሀኖና እፅኮ፥ ኤንቲ ባንታ አይፍያን በእድ፥ ባንታ ሀይን ስእድ፥ ባንታ ዎዛናን አኬክድ፥ ታኮ ስማና፤ ዛሪድ ፓፃና” ያግስ።

Isayaasa 63:7

ጎዳይ ኑስ ኦዳ ኦሶ ኡባ፥ ጎዳይ ባ ማሮተንነ ባ ቃያን እስራኤለ አሳስ ኦዳ ሎኦ ኦሶ ኡባነ እያ ሱንይ ጋላተታና መላ በስዳ ኬሀተ ኡባ ታኒ ኦዳና።

Ermiyaasa 2:7

ህንተ ሄ ቢታ አይፍያፐ ሎኡዋ ማና መላ ታ ህንተና አራዳ ቢታ ኤሀስ። ሽን ህንተ ይድ፥ ታ ቢታ ቱንስደታ፤ ታ ላታ ኢስደታ።

Ermiyaasa 31:14

ታኒ ካህነታስ ዳሮ ካ እማና፤ ታ አሳይ ታ ኬሀተ ካላና” ያጌስ ጎዳይ።

Ermiyaasa 32:23

ኤንቲ ሄ ቢታ ገልድ ላትዶሶና። ሽን ኤንቲ ነዉ ኪተትቦኮና፤ ነ ህግያ ናግቦኮና፤ ኤንቲ ኦና መላ ነ ኪትዳ ኡባ ኦቦኮና። ሄሳ ግሾ፥ ነ ኤንታ ቦላ ሀ ጋዱዋ ኡባ ኤሀዳሳ።

Hizqeela 20:6

ታ ህንተና ግብፀፈ ከሳዳ፥ ህንተዉ ዶርዳ ቢታ፥ ማነ ኤስ ጎግያ ቢታ፥ ሀራ ቢታ ኡባፈ አዳ ሎኦ ቢታ ኤሀና’ ጋዳ ጫቃስ።

Daanela 11:24

አሳይ ሳእ ሳሮ ግድ ኡትዳሽን፥ ሄ ቢታን እ፥ ዳሮ ዱረ ግድዳ እስ ባጋ ኦይካና። ካሰ እያ አዋይ ዎይኮ እያ ማይዛይ ኦቦናባ ኦና፤ እ ድእድ ሺሽዳ ዱረተነ አቁዋ ባና ካለይሳታስ ግሻና። እ ሚፃታ ላላናዉ ሀልቻና፤ ሽን ሄስ ሀናናይ ጉ ዎደሳ።

Hose 13:6

ታኒ ህንተና ሙዝን፥ ምድ ካልድ ኦቶርትደታ፤ ሄሳፈ ጉየ ታና ዶግደታ።

Hose 3:5

ሄሳፈ ጉየ፥ እስራኤለ አሳይ ጎዳ ባንታ ፆሳኮነ ባንታ ካዋ ዳዊታኮ ስማና። ዉርሰ ዎድያን ኤንቲ ኮኮርሸ፥ ጎዳኮነ እያ አንጁዋኮ ያና።

Roome 2:4

ዎይኮ ፆሳ ኬሀተ፥ ገንጫነ ዳንዳአ ዳሮተ ካዬ? ፆሳይ ነዉ ኬህዳይ ነና ናጋራፐ ዛራናዉ ግደይሳ ኤርክዬ?

Zaaretho 3:5

ሀ ካታማት ኡባይ አዱሳ ግምበን ድረትዳይሳታነ ፐንገት ኮበትዳይሳታ። ግምበ ድርስ ባይና ዳሮ ጉታትካ ደኦሶና።

Zaaretho 32:13

እ ቢታስ ቃ በሳ ኤንታ ከስስ፤ ጎሻ አይፍያ ኤንታ ሙዝስ። ዛላ ቆጶፐ ኤንታ ኤስ ካልስስ፤ ሹቻ ቢታፈ በንትያ ዛይተ ኡሽስ።

Zaaretho 32:14

ኤንታ መህያፐ ቄሳ ማ፥ ዶርሳፈነ ዴሻፐ ፃማታ ማ፥ ሞ ዶርሰነ ዴሻ አሾ ምዶሶና። ባሳነ ዶርሳነ ዴሻ አሹዋ፥ ሎኦ ግስተ ኡይራ ምዶሶና፤ ሱ ዳንያ ዎይነ ኡሻ ኡይዶሶና።

Zaaretho 32:15

ሽን እስራኤለይ ኦርድስ፤ ማካልስ፤ ምድ ካልድ ሞሎትስ። ባና መዳ ፆሳ አግስ፤ ባ አቶተ ዛላ ካዉሽስ።