Nahime 9:16 - ጌሻ ማፃፋ

¹⁶ ሽን ኑ ማይዛት ኦቶርትዶሶና፤ ስኦና እፅድ ነዉ ኪተትቦኮና።

Geeshsha Maxaafa

¹⁶ Shin nu mayzati otortidosona; si7onna ixidi new kiitetibookona.

Nahime 9:16 ပူးပေါင်းရင်းမြစ်များ

2 Kawota 17:14

ሽን ኤንቲ ስኦና እፅዶሶና። ጎዳ ባንታ ፆሳ አማነትቦና ባንታ አዋታዳ ሞርገ ምንዶሶና።

2 Taarike 29:6

ኑ አዋት አማነትቦኮና፤ ጎዳ፥ ኑ ፆሳ ስንን ኢታባ ኦዶሶና። ኤንቲ ጎዳ አግድ፥ ጎዳይ ደእያ በሳፈ ባንታ ሶምኦ ሀራ ሶ ዛሪድ፥ እያዉ ባንታ ዞኩዋ ዛርዶሶና።

2 Taarike 30:8

ህንተ ጎዳስ ኪተትተ፤ ካሰ ህንተ አዋታዳ ስእሸ እፃስ ጎፕተ! ህንተናተ ፆሳስ እምተ። ጎዳይ መርናዉ ጌሽዳ ፆሳ ኬ ዪተ። ጎዳ ሀንቆይ ህንተፈ ስማና መላ ጎዳ ህንተ ፆሳ ጎይንተ።

2 Taarike 36:13

ሰደቅያስ፥ አማነታና መላ ባና ፆሳ ሱንን ጫቅስዳ ናቡካዳናፆራ ቦላ ማካልስ። ጎዳ፥ እስራኤለ ፆሳኮ ስሞና እፅስ፤ ባ ዎዛና ፆሳ ቦላ ምንስ።

Nahime 9:10

ግብፀ ካዎይ፥ እያ ሹማትነ ሄ ቢታ አሳ ኡባይ እስራኤለ አሳ ቦላ ኦቶርትዳ ግሾ ኤንታ ቦላ ማላታነ ማላልስያባታ ኦዳሳ። ሄሳ ኦዳ ሀች ጋካናዉ ነ ሱንይ ቦንቾን ፄገታናዳ ኦዳሳ።

Nahime 9:29

ነ ህግያኮ ኤንቲ ስማና መላ ኤንታዉ ምንዳ ኦዳዳሳ፥ ሽን ኤንቲ ኦቶርትዶሶና፤ ነዉ ኪተቶና እፅዶሶና። አስ ኪተትድ ደኦ ደምያ ነ ህግያ መንዶሶና። ነዉ ዞኮ ዛሪድ ስኦና እፅዶሶና፤ ኪተቶና እፅዶሶና።

Mazmure 106:6

ኑኒ ኑ አዋታዳ ናጋራ ኦዳ፤ ኑ ባልዳ፤ ኢታባ ኦዳ።

Mazmure 81:8

“ታ አሳዉ፥ ታ ህንተና ሴረይሳ ስእተ፤ እስራኤለ አሳዉ ህንተ ታና ስእኮ አይቤ?

Kessa 15:26

ሙሰይ ኤንታኮ፥ “ህንተ ህንተ ጎዳ ፆሳስ ኪተትተ፤ እ ኮያባ ኦተ። ህንተ ታዉ ፖሎ ኪተትኮነ ታ ግያባ ስእኮ ግብፀታ ቦላ ታ የድዳ ሀርግያን ህንተና ፕርድከ። ታኒ ህንተና ፓያ ጎዳ” ያግስ።

Kessa 32:9

ጎዳይ ሙሰኮ፥ ሀ አሳይ አይ መላ ዎዛና ሙመኮ ታ በአስ።

Leemiso 29:1

ዳሮ ዎደ ሴረትድ ስሞና አስ ሀሳዮና መቃና፤ ሄ ኡራስ ፓፆይ ባዋ።

Isayaasa 48:18

ኔኒ ታ ኪታ ስእዳባ ግድያኮ፥ ነ ሳሮተይ ሻፋ ሃዳ ጎጋናሽን፤ ነ ፅሎተይ አባ ቤታዳ ሀናናሽን።

Isayaasa 48:4

ኔኒ ኦድን ስኦናይሳ፥ ነ ሞርገይ ብራታ መላ ግደይሳ ነ ሶምኦይ ናሰ ብራታዳ ሌቃሞናይሳ ታኒ ኤራይስ።

Isayaasa 63:10

ሽን ኤንቲ ማካልዶሶና፤ እያ ጌሻ አያና አዛንዶሶና። ሄሳ ግሾ፥ እ ስሚድ፥ ኤንታዉ ሞርከ ግድስ፤ ኤንታ ኦልስ።

Ermiyaasa 19:15

ኤንቲ ሞርግያ ጋቢስድ፥ ታ ኦድያባ ስኦና እፅዳ ግሾ ሀ ካታማ ቦላነ እያ ሄራን ደእያ ጉታታ ቦላ ኤሀና ግዳ ኢታባ ኡባ ኤሀና ሀናይስ” ያጌስ ኡባፈ ዎልቃማ ጎዳይ።

Ermiyaasa 2:31

ህንተኖ፥ ሀ ዎድያ የለታዉ፥ ጎዳ ቃላ ስእተ። ታ እስራኤለታስ ባዞ ዎይኮ ሳካና ማን ደእያ ቢታ ግዳድናዬ? ያትን፥ አይስ ታ አሳይ፥ “ኑኒ ኑ ሸነዳ ባና፤ ኔኮ ስሞኮ” ያግዶና?

Ermiyaasa 7:26

ሽን ህንተ ታና ስኦና ዎይኮ ታዉ በሰ እሞና እፅደታ። ህንተ ሞርግያ ምንደታ፤ ህንተ አዋታፐ አድ ኢታባ ኦደታ።

Hizqeela 5:6

ሽን እ ባ ኢታ ኦሱዋን ባ ዩሹዋን ደእያ ቢታታፐነ ካዎተታፐ አድ ታ ህግያነ ታ ዎጋ ቦላ ማካልስ። ቱማ እ ታ ህግያ መንስ፤ ታ ዎጋ ካልቤና” ያጌስ።

ሃዋሬታ ኦሱዋ 7:51

“ህንተ ዋንዳ ስኦና አሴ? ህንተ ዎዛናይ ፆሳ ቃላ ኤካናዉ አይስ እፅዴ? ህንተ ሀይይ አይስ ቱልዴ? ህንተ፥ ህንተ አዋታ ኡባ ዎደ ጌሻ አያናራ ኤቀተታ።

Roome 2:5

ሽን ህንተዉ ሹቻ ዎዛንነ ስኦና ሀይ ደኤስ። ሄሳ ግሾ፥ ፆሳ ሀንቆይነ ፅሎ ፕርዳይ ቆንጭያ ጋላስ፥ ነ ቦላ ፕርዳይ ዳራና መላ ኦሳ።

Zaaretho 31:27

ህንተ አይ መላ ጌለኮነ ዎዛና ኢተኮ ታ ኤራይስ። ቱማ፥ ታ ህንተራ ደእዳ ላይ ኡባን ህንተ ጎዳስ ማካላታ፥ ሽን ታ ሀይቅን፥ ኡባ ዋንድ ማካላንደቲ?

Zaaretho 32:15

ሽን እስራኤለይ ኦርድስ፤ ማካልስ፤ ምድ ካልድ ሞሎትስ። ባና መዳ ፆሳ አግስ፤ ባ አቶተ ዛላ ካዉሽስ።

Zaaretho 5:29

ኤንታዉነ ኤንታ ናይታስ መርናዉ ኡባባይ እንጀታና መላ ታዉ ያያናዉነ ታ ኪታ ናጋናዉ ኤንታዉ ኡባ ዎደ ሄሳ መላ ዎዛን ደኤረነ።

Zaaretho 9:13

ቃስካ ጎዳይ ታኮ፥ “ታኒ ሀ አሳ በአስ፤ ኤንቲ ቱማ ዎዛና ሙመ አስ።

Zaaretho 9:27

ነ አይለታ፥ አብራሃመ፥ ይሳቃነ ያይቆባ ቆፓ፤ ኤንታ ዎዛና ምኖተ፥ ኤንታ ኢታተነ ኤንታ ናጋራ ታይቦፓ።

Zaaretho 9:6

ህዛ ነ ሄሳ አኬካ። ጎዳይ፥ ነ ፆሳይ ሀ ሎኦ ቢታ ነና ላትሰይ ነ ፅሎተ ግሾሳ ግደና፤ ነኒ ዎዛን ሙምዳ አስ።

Ibraawe 3:13

ህንተፈ ኦናካ ናጋር ባለን፥ ባ ዎዛና ምንና መላ “ሀች” ያገትድ ፄገትሽን ጋላስ ጋላስ እሶይ እሱዋራ ዞረትተ።

Ibraawe 3:15

ጌሻ ማፃፋን፥ “ሀች ፆሳይ ገይሳ ህንተ ስእያ ዎደ፥ ሄ ዎደ ኤንቲ ማካላተን ሀንዳይሳዳ፥ ህንተ ዎዛና ምንፍተ” ያግስ።