Nahime 8:17 - ጌሻ ማፃፋ

¹⁷ ድኤተፈ ስምዳ አሳ ኡባይ ሻቃራ ሻቃርድ እያ ጋርሳን ኡትዶሶና። ናወ ናኣ እያሱ ዎደፐ ሃ ስምን ኤንቲ ሀይሳ መላ ባኣለ ቦንች ኤሮኮና። ሄሳ ግሾ፥ ኤንቲ ኡባይ ዳሮ ኡፋይትዶሶና።

Geeshsha Maxaafa

¹⁷ Di7etethafe simmida asa ubbay shaqara shaqaridi iya garsan uttidosona. Nawe na7aa Iyyasu wodepe haa simmin enti haysa mela ba7aale bonchi erokona. Hessa gisho, enti ubbay daro ufaytidosona.

Nahime 8:17 ပူးပေါင်းရင်းမြစ်များ

1 Taarike 29:22

አሳይ ሄ ጋላስ ጎዳ ስንን ዳሮ ኡፋይትድ ምስነ ኡይስ። ያትድ አሳይ ካዋ ዳዊታ ናኣ ሶሎሞነ ናምአን ዛይተ ትይድ እያ ካዎተን ምንስ። ሳዶቃ ካህነ ግዳና መላ ጎዳ ስንን ትይዶሶና።

2 Taarike 30:26

ዳዊታ ናኣ፥ እስራኤለ ካዋ ሶሎሞነ ዎድያፐ ዶምን ሀች ጋካናዉ የሩሳላመን ሄሳ መላ ባለይ ቦንቸትድ ኤሮና ግሾ የሩሳላመን አሳይ ዳሮ ኡፋይትዶሶና።

2 Taarike 35:18

ናብያ ሳሜላ ዎድያፐ ዶምን፥ ሄሳ መላ ፓስካ ባለይ እስራኤለን ቦንቸትቤና። እዮስያስ፥ ካህነት፥ ሌወት፥ ይሁዳ አሳይ፥ እስራኤለ አሳይነ የሩሳላመ አሳይ ቦንችዳይሳዳ ፓስካ ባኣለ ካሰ እስራኤለ ካዎታፐ ቦንችዳ እሶይካ ባዋ።

2 Taarike 8:13

ሙሰ ህገይ ኪተይሳዳ ጋላስ ጋላስ ፁሳ ያርሾ ያርሼስ። ሶሎሞነይ ሳምባታ ጋላሳን፥ አጌና ፄሮንነ ላይን ሄ ቶሆ ቦንቸትያ ባለታን፥ ሄስካ ኡይ ባለን፥ ሳምንታ ባለንነ ሻቃራ ባለን ጎዳስ ያርሾ ያርሼስ።

Izira 3:4

ካሰ ፃፈትዳይሳዳ ሻቃራ ባኣለ ቦንችዶሶና፤ ፁሳ ያርሾ እስ እስ ጋላስ ኮሸይሳዳ ፓጭሶና ያርሽዶሶና።

Yohaanisa 1:14

ቃላይ አሰ ግድስ፤ አ ኬሀተነ ቱማ ኩምድ ኑ ግዶን ደእስ። እ አዋስ እስ ናኣ ግድድ ኤክዳ እያ ቦንቹዋ ኑኒ በእዳ።

Zaaretho 16:15

ጎዳይ ዶርያ በሳን ላፑን ጋላስ ጎዳ፥ ነ ፆሳ፥ ባኣለ ቦንቻ። ነ ኡፋይታና መላ ነ አይፍስዳባንነ ነ ኩሸ ኦሶ ኡባን ጎዳይ፥ ነ ፆሳይ ነና አንጃና።

Ibraawe 11:13

ሄ አሳ ኡባይ ባንታዉ ጌተትዳ ኡፋይሳ ቃላ ኤኮና አማኖን ሀይቅዶሶና። ሽን ሃሆራ ሄሳ በእድ፥ ደምዳዳ ኦድ፥ ኡፋይሳን ኤክዶሶና። ቃስ ኤንቲ ሳአን እማነ በተ አስ ግደይሳ ኤርዶሶና።

Ibraawe 11:9

አብራሃመይ ፆሳይ እያዉ እማና ግዳ ቢታን በተ አሳዳ ደእዳይ አማኖና። ፆሳይ ሄ እማና ግዳይሳ እያራ እስፈ ላታናው ደእያ ይሳቃራነ ያይቆባራ ዎላ ዱንካነን ደእስ።

Ibraawe 4:8

እያሱይ ኤንታዉ ሸምፑዋ እምዳባ ግድያኮ፥ ፆሳይ ሀራ ጋላሳባ ጉየፐ ኦደናሽን።

Iyyasu 1:1

ጎዳ አይለይ ሙሰይ ሀይቅዳፐ ጉየ፥ ጎዳይ ሙሰ ማድያ ናወ ናኣ እያሱ፥ ሀይሳዳ ያግስ፤