Nahime 8:12 - ጌሻ ማፃፋ

¹² ናበበትዳ ቃላ ብርሸይ ኤንታዉ ገልዳ ግሾ፥ አሳይ ኡፋይሳን ማናዉ፥ ኡያናዉነ አይኮይ ባይናይሳታስ ሻክድ እማናዉ ሶ ብዶሶና።

Geeshsha Maxaafa

¹² Nabbebetida qaala birshethay entaw gelida gisho, asay ufaysan maanaw, uyanawnne aykoy baynaysatas shaakidi immanaw soo bidosona.

Nahime 8:12 ပူးပေါင်းရင်းမြစ်များ

1 Taarike 29:22

አሳይ ሄ ጋላስ ጎዳ ስንን ዳሮ ኡፋይትድ ምስነ ኡይስ። ያትድ አሳይ ካዋ ዳዊታ ናኣ ሶሎሞነ ናምአን ዛይተ ትይድ እያ ካዎተን ምንስ። ሳዶቃ ካህነ ግዳና መላ ጎዳ ስንን ትይዶሶና።

Nahime 8:10

ናህመይ፥ “ብድ ዶረትዳ ካ ሚተ፤ ማልእያ ኡሽ ኡይተ፤ ቃስ አይኮይ ባይናይሳታስ ህንተይሳፈ ሻክድ እምተ። ሀች ጋላሳይ ኑ ጎዳስ ጌሻ ጋላስ። ጎዳ ኡፋይሳይ ህንተዉ ዎልቃ ግድያ ግሾ አዛኖፕተ” ያግስ።

Nahime 8:11

ሌወት፥ “ሀች ጋላሳይ ጌሻ ጋላስ ግድያ ግሾ፥ አዛኖፕተ፤ ስእ ጊተ” ያግድ አሳ ስእ ኦዶሶና።

Nahime 8:13

ሄ አጌና ናምአን ጋላሳን ኮቻታ ሀላቃት፥ ካህነትነ ሌወት ህገ ቃላ ኤንታዉ ብርሻና መላ እዝራኮ ይዶሶና።

Astiro 9:22

ሄ ጋላሳት አይሁደት ባንታ ሞርከታፐ ሸምፖ ደምዳ ጋላሳታ። ቃስ ሄ አጌናይ ኤንታ አዛኖይነ ዬሆይ ኡፋይሳንነ ግብራ ሙሳን ላመትዳ አጌና። ሄሳ ግሾ፥ ኤንቲ ሙሳንነ ኡሻን ኡፋይትሸ፥ እሶይ እሱዋስነ ማንቆታስ ካ እሞታ እምሸ ቦንቻና መላ ኤንታዉ ኦድስ።

Iyyoba 23:12

እያ ዶናፐ ከይያ ኪታፐ ታኒ ሻከታብከ፤ እያ ቃላ ታ ዎዛናን ዎስ።

Mazmure 119:111

ነ ህገይ ታዉ መርና ሻሎ፤ እ ታ ዎዛናስ ኡፋይስ እሜስ።

Mazmure 119:127

ታኒ ነ ኪታ ዎርቃፈ አዳ ዶሳይስ፤ ኤ፥ ዋላህ ባይና ዎርቃፈ አዳ ዶሳይስ።

Mazmure 119:130

ነ ቃላ ብርሸይ ፖኦ እሜስ፤ ጭንጫተ ፓጭዳይሳታስ አኬካ እሜስ።

Mazmure 119:14

ዱረተን ኡፋይተይሳፈ አዳ፥ ታ ነ ህግያን ኡፋይታይስ።

Mazmure 119:16

ታኒ ነ ህግያን ኡፋይታይስ፤ ነ ቃላ ዶግከ።

Mazmure 119:171

ኔኒ ነ አዋጁዋ ታና ታማርስያ ግሾ፥ ታ ዶናፐ ጋላት ፑልታና።

Mazmure 119:174

አቤት ጎዳዉ፥ ነ አሻና መላ ታ ላሞታይስ፤ ነ ህገይ ታና ኡፋይሴስ።

Mazmure 119:72

ዳሮ ዎርቃፈነ ብራፐ፥ ነ ዶናፐ ከይያ ህገይ ታዉ አስ።

Mazmure 119:97

ታኒ ነ ህግያ ዋናዳ ዶስያና! ኩመ ጋላስ ታኒ እያ ቆፓይስ።

Ermiyaasa 15:16

አቤት ጎዳዉ፥ ኡባፈ ዎልቃማ ፆሳዉ፥ ታ ነ ሱንን ፄገትዳ ግሾ፥ ነ ቃላይ ታኮ ይን ማስ። ማ ስምን ታና ፓሽክስስ፤ ታ ዎዛና ኡፋይስስ።

Luqaasa 24:32

ኤንቲ፥ “ኑ ኦግያ ቦላ ደእሽን እ ኑስ ጌሻ ማፃፋ ብርሽሽንነ ኑና ኦድስሽን፥ ኑ ዎዛናይ ፁገትቤኔ?” ያግዶሶና።

Roome 7:18

ታናን፥ ሄስካ ታ አሹዋን ሎኦባይ ባይናይሳ ኤራይስ። ሎኦባ ኦያ አሞተ ታናን ደኤስ፥ ሽን ሎኦባ ኦናዉ ዳንዳእከ።

ዮሃኒሳ ቆንጬ 11:10

ሀ ናምኡ ናበት ሳአን ደእያ አሳ ዋይስዳ ግሾ አሳይ ኤንታ ሀይቁዋን ኡፋይታና። ባንታ ኡፋይሳ በሳናዉ እሶይ እሱዋስ እሞታ እማና።