Nahime 6:1 - ጌሻ ማፃፋ

¹ ሳንባላፅ፥ ፆበይ፥ አራበ ቢታ አስ ግድዳ ጌሳመይነ ሀንኮ ኑ ሞርከት ኑኒ ግምብያ ኦድ ፖልዳይሳነ ዶያ በሲ ባይናይሳ ስእዶሶና። ግዶሽን፥ ታ ግምበ ፐንገታስ ሳንቃ አብከ።

Geeshsha Maxaafa

¹ Sanbalaaxi, Xoobbey, Arabe biitta asi gidida Geesameynne hanko nu morketi nuuni gimbiya oothidi polidaysanne dooya bessi baynaysa si7idosona. Gidoshin, ta gimbe pengetas sanqa aathabike.

Nahime 6:1 ပူးပေါင်းရင်းမြစ်များ

Nahime 13:4

ሄሳፈ ካሰ ፆሳ ኬ ሚሸታ ዎያ ኬስ ሀላቃ ግድዳ ካህነይ፥ ኤልያሴብ ፆባራ ዳቦተ መስ።

Nahime 2:10

ሽን ሆሮና ካታማ አስ ግድዳ ሳንባላፅነ አሞነ ቢታ ሀላቃ ግድዳ ፆበይ፥ “እስራኤለ አሳስ ሎኦባ ኦያ አስ ይስ” ጌተትዳይሳ ስእዳ ዎደ ዳሮ ይሎትዶሶና።

Nahime 2:19

ሽን ሆሮና ካታማ አስ ግድዳ ሳንባላፅ፥ አሞነ ቢታ አስ ግድዳ ፆበይነ አራባ ቢታ አስ ግድዳ ጌሳመይ ሄሳ ስእዳ ዎደ፥ ኑ ቦላ ቀልቅስድ ሚጭዶሶና። “ሀይስ ህንተ ኦያባይ አይቤ? ዎይኮ ካዋ ቦላ ማካላናዉ ኮዬቲ?” ያግድ ኦይችዶሶና።

Nahime 3:1

ካህነ ሀላቃይ ኤልያሴብነ ሀራ ካህነት ዶርሳ ፐንግያ ዛር ግምብድ ፆሳስ ዱማይዶሶና፤ ሳንቃ አዶሶና። ኤንቲ ፄታ ጌተትያ ግምበ ሻኩዋፈ ብድ ሀናንኤላ ጌተትያ ግምበ ሻኩዋ ጋካናዉ ግምብድ ፆሳስ ዱማይዶሶና።

Nahime 3:3

ሀስናአ ናይት ሞሎ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና።

Nahime 3:6

ፓሰሀ ናአይ ዮዳሄይነ ባሶድያ ናአይ ማሱላም ጋልአ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና።

Nahime 4:1

ኑኒ ድርሳ ግምበ ኦሱዋ ዶምዳይሳ ሳንባላፅ ስእዳ ዎደ ይሎ ኤፅድ ኑና ለቅስ።

Nahime 7:1

ግምብያ ኦሶይ ዉርን፥ ሳንቃይካ ገልስ፤ ፐንግያ ናገይሳት፥ ዛማረትነ ሌወት ባንታ ኦሱዋ ኦይክዶሶና።

Daanela 9:25

“ሀይሳ ኤራ፤ አኬካ። የሩሳላመ ኦራናዉነ ኬፃናዉ ኪት ከይዳ ጋላሳፐ ብድ ትየትዳ ሀላቃይ ያና ጋካናዉ፥ ላፑን ቶሆ ላፑናነ ኡሱፑን ታማነ ናምኡ ቶሆ ላፑን ላይ አና። ሄ ዎደ የሩሳላመ ካታማይ ኦራፃና፤ ኦገትነ ዩሾ ግምበት ኦሰታና፤ ሽን ግምበትያ ዎደይ፥ መቶ ዎደ ግዳና።