Nahime 4:2 - ጌሻ ማፃፋ

² ባ ላገታነ ሳማረ ኦላንቾታ ስንን፥ “ሀ ፓና አይሁደት አይ ኦናዉ ቆፖና? ድርሳ ግምብያ ዛር ግምባናዉ ኮዮናዬ? ያርሾ ያርሻናዉ ኮዮናዬ? ኤንቲ እስ ጋላሳን ኦሱዋ ኦድ ዉርሳና ዳኒ? ኤንቲ ግምቤስ ሀንያ ሹቻታ ፁገትድ ዶረትዳይሳ ግዶፈ ከሳናዉ ዳንዳኦና?” ያግስ።

Geeshsha Maxaafa

² Ba laggetanne Samaare olanchota sinthan, “Ha pathonna Ayhudeti ay oothanaw qopoona? Dirsa gimbiya zaari gimbanaw koyoonayee? Yarsho yarshanaw koyoonayee? Enti issi gallasan oosuwa oothidi wursana daanii? Enti gimbees haniya shuchata xuugetidi dooretidaysa giddofe kessanaw danda7oona?” yaagis.

Nahime 4:2 ပူးပေါင်းရင်းမြစ်များ

Izira 4:4

ሄሳፈ ጉየ፥ ሄ ቢታን ደእያ አሳይ፥ ይሁዳ አሳይ ፆሳ ኬ ኬፆና መላ ኡፋይስ ቃንፅሳናዉነ ያሽሳናዉ ደንድዶሶና።

Nahime 12:27

የሩሳላመ ግምበ ድርሳይ ግምበትድ ዉርዳ ባኣለ ቦንችያ ዎደ ሌወት ባንታ ደእያ በሳፈ ኮየትድ፥ ዳላን፥ ዲን፥ ማስንቆን፥ ጋላታ ማዝሙረ የፅሸ ኡፋይሳን ባኣለ ቦንቻናዉ የሩሳላመ ይዶሶና።

Nahime 12:43

ሄ ጋላስ ዳሮ ያርሾ ያርሽዶሶና። ፆሳይ ኤንታዉ ግታ ኡፋይስ እምዳ ግሾ ዳሮ ኡፋይትዶሶና። ማጫሳይ ናይት ኡባይ ኡፋይትዶሶና። የሩሳላመን አሳይ ኡፋይትያ ኡፋይሳ ኮሽንቻይ ሃሆን ስኤቴስ።

Nahime 4:10

ሄ ዎደ ይሁዳ አሳይ፥ “ቶሆይ ኑና ዳቡርስስ፤ ቡሮ ደንዳናዉ ኮሽያ ዶረትዳ ዳሮ ሹች ደኤስ፤ ያንያ ግሾ፥ ኑኒ ግምብያ ግምባናዉ ዳንዳኦኮ” ያግዶሶና።

Nahime 6:15

ግምበ ኦሶይ ዶመትን እሻታማነ ናምኡ ጋላሳፐ ጉየ ኤሉለ ጌተትያ አጌናን ላታማነ እቻሻን ጋላሳን ኦሶይ ፖለትስ።

Mazmure 83:4

“ሃይተ፥ ኤንታ ካዎተ ይሶስ፤ እስራኤለ ጌተትያ ሱንይ መርናዉ ሀሳየቶና መላ ኦስ” ያጎሶና።

Ermiyaasa 26:18

“ህዝቅያስ ይሁዳን ካዎትዳ ላይን ሞረሴታ አደይ ምክያስ ካሰ ይሁዳ አሳስ ሀይሳዳ ያግድ፥ ትንብተ ኦድስ፦ ‘ፅዮነይ ሾቃዳ ጎየታና። የሩሳላመ ካታማይ ላለትድ፥ ላለ ዶረ ግዳና። ፆሳ ኬይ ኬፀትዳ ደረይ ዎራ ግዳና’ ያጌስ ኡባፈ ዎልቃማ ጎዳይ” ያግስ።

Ermiyaasa 33:24

“ሀ አሳይ፥ ‘ጎዳይ ባ ዶርዳ ናምኡ ካዎተታ፥ እስራኤለነ ይሁዳ አጋግስ’ ያግድ ኦደተይሳ ነ አኬካብኪ? ኤንቲ ታ አሳ ካድ፥ ባና ዳንዳእዳ ካዎተ ግዶኮና ግድ ቆፖሶና።

Daanela 9:25

“ሀይሳ ኤራ፤ አኬካ። የሩሳላመ ኦራናዉነ ኬፃናዉ ኪት ከይዳ ጋላሳፐ ብድ ትየትዳ ሀላቃይ ያና ጋካናዉ፥ ላፑን ቶሆ ላፑናነ ኡሱፑን ታማነ ናምኡ ቶሆ ላፑን ላይ አና። ሄ ዎደ የሩሳላመ ካታማይ ኦራፃና፤ ኦገትነ ዩሾ ግምበት ኦሰታና፤ ሽን ግምበትያ ዎደይ፥ መቶ ዎደ ግዳና።

Inbaqoome 3:2

አቤት ጎዳዉ፥ ኔኒ ካሰ ኦዳባ ታኒ ስአዳ ያያስ። ጎዳዉ፥ ኑ ዎድያንካ ሄ ኦሶታ ዛራዳ ኦ፤ ኤንቲ ኑ ዎድያንካ ኤረቶ። ነ ሀንቀትያ ዎደ ነ ማሮታ ቆፓ።

Zakaryaasa 12:8

ሄ ዎደ ኤንታ ግዶን ዳሮ ላፋ ጌተትያ አስ ዳዊታ መላ ምኖ ግዳና። ታኒ ጎዳይ የሩሳላመን ደኤይሳታስ ጎንዳለ ግዳና። ዳዊታ ኮቻት ፆሳ መላ፥ ጎዳ ኪታንቾ መላ ግድድ ኤንታ ካለና።

Zakaryaasa 4:10

ሀ ጉ ዶመ ካያ ኦንካ ጉየፐ ኡፋይታና፤ ኤንቲ ዛሩባበላ ኩሸን ቱምብያ በአና። ሀይሳቲ ላፑን ፆምፐት ቢታ ኡባ ዩይድ ፄልያ ጎዳ አይፈታ” ያግስ።

1 ቆሮንቶሳ 1:27

ሽን ፆሳይ ጭንጫታ ዬላያናዉ አላመን ደእያ ኤያታ ዶርስ፤ ቃስ ምኖታ ዬላያናዉ አላመን ደእያ ዳቡራንቾታ ዶርስ።