Nahime 13:15 - ጌሻ ማፃፋ

¹⁵ ሄ ዎደ ታኒ ይሁዳን ደእያ አሳይ ሳምባታ ጋላስ ዎይነ ጉምእሽን በአስ፤ ሀራት ካ፥ ዎይነ ኡሻ፥ ዎይነ አይፍያ፥ ባላሰ አይፍያነ ሀራባታ ባንታ ሀረን ጫንድ፥ ሳምባታ ጋላስ የሩሳላመ ኤህሽን በአስ። ሄሳ ግሾ፥ ኤንቲ ሳምባታ ጋላሳ ዛልኦናዳ ታኒ ኤንታዉ ምንዳ ኦዳስ።

Geeshsha Maxaafa

¹⁵ He wode taani Yihudan de7iya asay Sambaata gallas woyne gum7ishin be7as; harati kathi, woyne ushsha, woyne ayfiya, balase ayfiyanne harabata banta haren caanidi, Sambaata gallas Yerusalaame ehishin be7as. Hessa gisho, enti Sambaata gallasa zal7onaada taani entaw minthada odas.

Nahime 13:15 ပူးပေါင်းရင်းမြစ်များ

2 Taarike 24:19

ኤንታ ዛራና መላ ጎዳይ ናበታ ኤንታኮ ኪትስ። ናበት ኤንታዉ ማርካትዶሶና፤ ሽን ኤንቲ ስኦና እፅዶሶና።

Nahime 10:31

“አይሁደ ግዶና አሳት ካ ግድን ዎይኮ ሀራባ ሳምባታ ጋላስ ዎይኮ ሀራ ባኣለ ጋላስ ባይዛናዉ ኤህኮ ኤንታፈ ሻሞኮ። ላፑን ላይ ጋክያ ዎደ ዎደ ኑ ቢታ ጎዮኮ፤ ኑኒ ታልእዳ አጩዋ አቾኮ።

Nahime 10:32

“ፆሳ ኬ ኦሱዋስ ኦይዱ ግራመ ብራ ላይን ላይን ቃንፆና እማና።

Nahime 13:16

ሄሳ ቦላ ቃስ የሩሳላመን ደእያ ፅሮሳ አሳይ ሞሎነ ሀራ እስ እስ ዛልኤ ሚሸታ ኤህድ ሳምባታ ጋላስ ይሁዳ አሳስነ የሩሳላመን ባይዞሶና።

Nahime 13:21

ሽን ታኒ ኤንታኮ፥ “ግምብያፈ ካረራ ዋናናዉ አቄቲ? ህንተ ናምአን ሀይሳዳ ኦኮ ታኒ ዎልቃን ህንተና ተቃና” ያጋዳ ሀንቀታስ። ሄ ጋላሳፐ ስምን ናምአን ሳምባታ ጋላስ ይቦኮና።

Nahime 9:29

ነ ህግያኮ ኤንቲ ስማና መላ ኤንታዉ ምንዳ ኦዳዳሳ፥ ሽን ኤንቲ ኦቶርትዶሶና፤ ነዉ ኪተቶና እፅዶሶና። አስ ኪተትድ ደኦ ደምያ ነ ህግያ መንዶሶና። ነዉ ዞኮ ዛሪድ ስኦና እፅዶሶና፤ ኪተቶና እፅዶሶና።

Iyyoba 39:12

ኔኒ ካ ሻለን ቆላና መላ፥ ዎይኮ ዉዱማን ሺሻና መላ እያ አማናይ?

Mazmure 50:7

“ታ አሳዉ፥ ስእተ፤ ታ ህንተዉ ኦዳይስ፤ እስራኤለ አሳዉ፥ ታ ነ ቦላ ማርካታና፤ ታኒ ፆሳይ፥ ነ ፆሳ።

Kessa 31:12

ጎዳይ ሙሰ ሀይሳዳ ያግድ ኪትስ፤

Kessa 31:16

እስራኤለ የለተ ኡባይ ሀ ሳምባታ ጋላሳ መርና ጫቆ ማላ ኦድ ቦንቾ።

Kessa 34:21

“ኡሱፑን ጋላስ ኦተ፥ ሽን ላፑን ጋላሳን ሸምፕተ። ዘርያ ዎደ ግድን ዎይኮ ካ ጫክያ ዎደ ላፑን ጋላሳን ሸምፕተ።

Kessa 35:2

ሳምንታ ግዶን ኡሱፑን ጋላሳ ፃላላን ኦሶ ኦተ፤ ሽን ላፑን ጋላሳይ ህንተዉ ጌሻ ጋላስ፤ ጎዳስካ ዱማትዳ ሸምፖ ሳምባታ። ሄ ጋላሳን ኦሶ ኦያ ኦንካ ሀይቃናዉ በሴስ።

Leemiso 28:4

ህገ ቦንቾና አስ ኢታ አሳ ሳቤስ፤ ሽን ህገ ቦንችያ አስ ኢታ አሳ እፄስ።

Isayaasa 58:13

“ሳምባታ ጋላሳ ቦንቾ አጎና እፅኮ፥ ታ ጌሻ ጋላስ ህንተ ጎአ የደይሳ አግኮ፥ ሳምባታ ኡፋይስነ ቦንቸትዳ፥ ጎዳ ጋላሳ ቦንቾ ጋዳ ፄግኮ፥ ህንተ ህንተ ኦግያ ቦና አግድ ሄ ጋላሳ ቦንችኮ፥ ህንተና ኡፋይስያባ ኦናነ ሀዳባ ኦደቶና አግኮ፥

Ermiyaasa 17:24

ሽን ህንተ ታዉ ኪተትኮ፥ ሳምባታ ጋላሳን ቶሆ ቶክድ፥ ሀ ካታማ ፐንገታራ ገሎና አግኮ፥ ሳምባታ ጋላስ አይኮካ ኦና ዱማይድ ቦንችኮ፥

Ermiyaasa 17:27

ሽን ህንተ ሳምባታ ጋላሳ ዱማይድ ቦንቾና አግድ፥ ሳምባታ ጋላሳን ቶሆ ቶክድ፥ የሩሳላመ ፐንገታራ ገልድ፥ ታ ህግያ መንኮ፥ ታ ሄ ፐንገታን ታማ ኦይና። የሩሳላመ ካዎ ኬታ ማና፤ ሄ ታማይ ቶኤና’ ” ያጌስ ጎዳ-ይ።

Ermiyaasa 42:19

“ይሁዳን አትዳይሳቶ፥ ጎዳይ ህንተኮ፥ ‘ግብፀ ቦፕተ!’ ያግስ። ታ ሀች ህንተኮ፥ ‘ናገትተ’ ገይሳ ስእተ።

Hizqeela 20:13

ሽን እስራኤለ አሳይ መላ ቢታን ታ ቦላ ማካልዶሶና። ኪተትይዳ ኡባስ ደኦ እምያ ታ ህግያ መንዶሶና፤ ታ ዎጋ ካልቦኮና፤ ታ ሳምባታ ቱንስዶሶና። ታኒ መላ ቢታን ታ ሀንቁዋ ኤንታ ቦላ ጉሳዳ ኤንታ ይሳናዉ ቆፓስ።

Amoxe 8:5

ህንተ፥ “ኑኒ ካ ባይዛናዉ አጌና ፄሮ ባለይ አዉደ አነ! ቃስ ኑኒ ኑ ዛልእያ ዶማናዉ ሳምባት አዉደ አነ! ኑኒ ካ ጉባን ማክድ፥ ዳሮ ሚሸን ባይዛና። ቃስ ዎርዶ ምዛነን አሳ ጭማና።

Mikiyaasa 6:3

ጎዳይ፥ “ታ አሳዉ፥ ታኒ ህንተና አይ ቆሀድና? ታኒ ህንተዉ ዋናዳ ቶሆ ግዳድና? አነ ታዉ ኦድተ!

ሃዋሬታ ኦሱዋ 2:40

ጰፅሮስ ኤንታዉ ሀራ ቃላካ ጉጅ ማርካትድ፥ “ሀ ዎድያ ጌላ አሳ ቦላ ያናዉ ደእያ ፕርዳፈ ህንተ ሁጵያ አሽተ” ያግድ ዞርስ።

ሃዋሬታ ኦሱዋ 20:21

ታኒ አይሁደታስነ አይሁደ ግዶናይሳታስ ናጋራፐ ፆሳኮ ስማና መላነ ኑ ጎዳ የሱሳ አማናና መላ ማርካታስ።

Galatiya 5:3

ቃፃረትያ ኦንካ ህገይ ኪትያ ኡባ ፖላናዉ በሰይሳ ጉጃዳ ታ ኦዳይስ።

Efesoona 4:17

ሄሳ ግሾ፥ ታኒ ሀይሳ ህንተዉ ጎዳ ሱንን ኦዳይስነ ማርካታይስ። ጎእ ባይና ቆፋ ቆፕያ አይሁደ ግዶና አሳታዳ ደኦፕተ።

Zaaretho 8:19

ሽን ህንተ ጎዳ ህንተ ፆሳ አግድ፥ ሀራ ፆሳታ ካልኮ፥ ኤንታዉ ሆክኮነ ጎይንኮ፥ ህንተ ቱማ ያናይሳ ታ ሀች ማርካታይስ።

1 ተሰሎንቀ 4:6

ኑ ካሰ ህንተዉ ኦድዳይሳዳነ ምን ዞርዳይሳዳ ጎዳይ ሄሳ መላባ ኦያ ኡባ ፕርድያ ግሾ፥ ኦንካ ሀይሳታን ባ አማንያ እሻ ናቃናዉነ ጭማናዉ በሰና።