Nahime 10:37 - ጌሻ ማፃፋ

³⁷ “ኑኒ ኑ ቢታን ካፅዳ ካፈ ኮይሩዋ፥ ኑ ም ኡባ አይፍያ፥ ዎይንያነ ዛይትያ እሞታ ኦድ፥ ፆሳ ኬን ኦያ ካህነታኮ ኤሀና። ሌወት ኑ ደእያ ካታማታ ጎሻን አይፍያባፐ አስራታ ኤክያ ግሾ፥ ኑ ቢታይ አይፍያባፐ አስራታ ኤሀና።

Geeshsha Maxaafa

³⁷ “Nuuni nu biittan kaxida kathaafe koyruwa, nu mitha ubbaa ayfiya, woyniyanne zaytiya imota oothidi, Xoossa keethan oothiya kahinetako ehana. Leeweti nu de7iya katamata goshshan ayfiyabape asraata ekiya gisho, nu biittay ayfiyabape asraata ehana.

Nahime 10:37 ပူးပေါင်းရင်းမြစ်များ

Leeweta 23:17

ህንተ ደእያ በሳፈ ናምኡ ክሎ ግራመ ግድያ ሎኦ ልያን እርሾ የግድ ኡክዳ ናምኡ ኡይ ዩሾ ያርሾስ ኤክድ ዪተ። ሄስ ዋቻ ካፈ ጎዳስ ሺቅያ ያርሾ ግዴስ።

Taybo 18:21

ጎዳይ፥ “ሌወት ጌሻ ዱንካንያን ኦያ ኦሱዋስ ዳሞዘ ግዳና መላ እስራኤለ አሳይ ታዉ ኤህያ አስራታ ኡባ ኤንታዉ እማስ።

Nahime 13:9

ክፍልያ ዎጋዳ ጌሻና መላ ኪታስ። ፆሳ ኬ ሚሸታ፥ ካ፥ እሞታታነ እፃንያ ዛራዳ ኬ ገልሳስ።

Nahime 13:5

ሄሳፈ ጋሶን ኤልያሴብ፥ ካ እሞታታ፥ እፃነ፥ ፆሳ ኬ ጌሻ ሚሸታ፥ ካ ዎይንያነ ዛይትያ፥ ሌወታስ፥ ዛማረታስነ ናገይሳታስ እምያ አስራታነ ካህነታስ እምያ ካ ዎያ ዎጋ ክፍልያን ፆበይ ዳና መላ እሚስ።

Zaaretho 26:2

ጎዳይ፥ ነ ፆሳይ ነዉ እምያ ቢታን ሞክዳ ካ ኡባፈ ባይራ፥ ጎዳይ ነ ፆሳይ ባ ሱንይ ፄገታና መላ ዶርዳ በሳ ኤካዳ ባ።

Zaaretho 18:4

ነ ካፈ፥ ዎይንያፐነ ዛይትያፐ ኮይሮ ጋክዳ አይፍያነ ነ ዶርሳ እክስያፐ ባይራ ካህነታስ እማ።

Milkiyaasa 3:10

ታ ኬን ካ ዳና መላ አስራታ ኡባ ሻለን የግተ። ያትድ፥ ታኒ ሳሎ ማስኮትያ ዶያዳ አንጆ ህንተዉ ፓላህሳዳ እሞና እፅኮ ሄሳን ታና ፓጭተ” ያጌስ ኡባፈ ዎልቃማ ጎዳይ።

Milkiyaasa 3:8

“አስ ፆሰ ካይሶቲ? ሽን ህንተ ታና ካይሶትደታ።” ቃስካ ህንተ፥ “ኑኒ ነና ዋትድ ካይሶትዶ? ያጌታ። “ህንተ አስራታንነ እሞታን ታና ካይስደታ።

2 Taarike 31:6

ይሁዳ ካታማታን ደእያ እስራኤለ አሳይነ ይሁዳ አሳይ ባንታ መሄታፐ፥ ዶርሳታፐ አስራታ እምዶሶና፤ ጎዳ፥ ባንታ ፆሳስ፥ ዱማይድ ዎዳባ ኤህድ ዶርዶሶና።

Roome 11:16

ኮይሮ መንዳ ባሶ ኡይይ ፆሳስ ያርሸትድ ጌሽ ግድኮ፥ ሙመ ኡይይካ ጌሽ። ምስ ፃጶይ ጌሽ ግድኮ፥ ታሸይካ ጌሽ።

Zaaretho 14:22

ነ ጋደን ላይን ላይን ካፅያ ካ አይፈ ኡባፈ አስራታ ከሳ።

Nahime 13:10

ቃስ አሳይ ሌወታስ በሲያ ካ እምቦና ግሾ ሌወትነ ዛማረት ባንታ ፆሳ ኬ ኦሱዋ አግድ ጎሻስ ጉየ ብዳይሳ በአስ።

Nahime 13:12

ያትን ይሁዳ አሳይ ካፈ፥ ዎይንያፐ፥ ዛይትያፐ እምያ አስራታ ዎያ ኬ ዛሪድ ኤሆ ዶምስ።

Kessa 13:2

“ባይራ የለትዳ አደ ኡባ ታዉ ዱማያ። እስራኤለ አሳ ግዶን ባይራ የለትዳ ኡባይ፥ አሰ ዎይኮ መሄ ግድን ኡባይ ታባ” ያግስ።

Kessa 13:12

ባይራ የለትዳ ኡባ ጎዳስ እማ። ነ መሄታን ባይራ የለትያ አደ ኡባይ ጎዳሳ።

Taybo 18:15

ባይራ የለትዳ አስ ዎይኮ መሄይ እስራኤለ አሳይ ጎዳስ እምዳ ኡባይ ህንተሳ። ሽን ባይራ የለትዳ አደ ናአነ ባይራ የለትዳ ጌሽ ግዶና መሄ ህንተ ዎዛናዉ በሴስ።

Taybo 18:18

አንጋሶይነ ኡሻቻ ገዳይ ዩሾ ያርሾን ነባ ግድዳይሳዳ ኤንታ አሾይካ ነባ።