Milalsa 2:6 - ጌሻ ማፃፋ

⁶ ባ ኬ አታክልተ ጋደን ደእያ ሻቃራዳ ሾድድ ሆልስ፤ ላይ ባለትነ ሳምባታት ዶገታናዳ ኦስ፤ ባ ግታ ሀንቁዋን ካዋነ ካህንያ ካዉሽስ።

Geeshsha Maxaafa

⁶ Ba keetha atakilte gaden de7iya shaqarada shoddidi holis; laytha ba7aaletinne Sambaatati dogetanaada oothis; ba gita hanquwan kawanne kahiniya kawushis.

Milalsa 2:6 ပူးပေါင်းရင်းမြစ်များ

Mazmure 74:7

ነ ኬ ታማን ፁግድ ይስዶሶና፤ ነ ሱንይ ፄገትያ በሳ ቱንስዶሶና።

Mazmure 76:2

እያ ዱንካነይ ሳለማና፤ እ ደእያ በሳይ ፅዮነና።

Mazmure 80:12

ያትን፥ ኦገራ አያ ኡባይ እያ አይፍያ ዱናዳ፥ እያ ዩሾን ደእያ ግምብያ አይስ ላላዲ?

Mazmure 89:40

እያ ካታማ ግምበ ድርሳ ላላዳሳ፤ እያ ሚፃ ይሳዳሳ።

Isayaasa 1:13

ሀዳ ያርሹዋ ኤሄይሳ አግተ! ህንተ ጩይስያ እፃነይ ታና ሻቴስ። አጌና ፄሮን ህንተ ቦንችያ ጋላሳ፥ ሳምባታነ ኢታተን ህንተ ሺቅያ ሺቁዋ ታኒ እፃይስ።

Isayaasa 1:8

የሩሳላመይ ዎይነ ጋደን ደእያ ሻቃራዳ፥ ሌሄ ግዶን ደእያ ጋባዳነ ሞርከን ተቀትዳ ካታማዳ ሀናዳ አታና።

Isayaasa 43:28

ሄሳ ግሾ፥ ታኒ ታ ኬ ሀላቃታ ካዉሻስ፤ ያይቆባ ጋዶስ፥ እስራኤለ ጫሻስ አዳ እማስ።”

Isayaasa 5:5

ሀእ ታኒ ታ ዎይነ ጋድያ ቦላ ኦናባ ህንተዉ ኦዳና። ታኒ እያ ድርሳ ድጋና፤ ዎይነይ ያናዳ ኦና። ታኒ ግምብያ ላላና፤ ዎይነ ጋደይ የታና።

Isayaasa 5:6

ታኒ ሄ ጋድያ ቁኤ ኦና፤ ዎይነይ ፅንተተና፥ ሀርመተና። ሄ በሳን ክንቾተይነ አጉን ዶላና፤ እር እያ ቦላ ቡኮና መላ ታኒ ሻራ ኪታና” ያግስ።

Isayaasa 63:18

ነ ጌሻ አሳይ ነ ኬ ጉ ዎደስ ላትዶሶና፤ ሽን ሀእ ኑ ሞርከት እያ የዶሶና።

Isayaasa 64:11

ኑ አዋት እያን ነና ጋላትዳ ጌሽነ ሎኦ ግድዳ ኑ ፆሳ ኬይ ታማን ፁገትስ፤ ኑ ሎኦ በሳ ኡባይ ላለትስ።

Ermiyaasa 17:27

ሽን ህንተ ሳምባታ ጋላሳ ዱማይድ ቦንቾና አግድ፥ ሳምባታ ጋላሳን ቶሆ ቶክድ፥ የሩሳላመ ፐንገታራ ገልድ፥ ታ ህግያ መንኮ፥ ታ ሄ ፐንገታን ታማ ኦይና። የሩሳላመ ካዎ ኬታ ማና፤ ሄ ታማይ ቶኤና’ ” ያጌስ ጎዳ-ይ።

Ermiyaasa 42:18

“ኡባፈ ዎልቃማ ጎዳይ፥ እስራኤለ ፆሳይ፥ ‘የሩሳላመን ደኤይሳታ ቦላ ታ ሀንቆይነ ታ ይሎይ ጉክዳይሳዳ፥ ህንተ ግብፀ ገልያ ዎደ ህንተ ቦላ ታ ሀንቆይ ሄሳዳ ጉካና። ህንተ ዳጋማስ፥ ጫሻስ፥ ባደስነ ሚቻስ አታና፤ ሀ በሳ ዛሪድ በኤከታ’ ያጌስ።

Ermiyaasa 45:4

ባሮካ፥ ጎዳይ ኔኮ ሀይሳዳ ያጌስ፦ “ታ ኬፅዳይሳ ታ ላላና፤ ታ ቶክዳይሳ ታ ሾዳና። ታ ሀይሳ ቢታ ኡባን ኦና።

Ermiyaasa 50:28

“ድኤትዳ አሳይ ባብሎነፐ ከስ ኤክድ፥ የሩሳላመ ባቃታና። ባብሎነ አሳይ ፆሳ ኬ ቦላ ኦዳባስ ጎዳይ፥ ኤንታ ፆሳይ ሀሎ ከያናይሳ ኤንቲ ፅዮነን ኦዳና።

Milalsa 1:4

ላይ ባኣለ ቦንቻናዉ ያ አስ ባይና ግሾ፥ ፅዮነ ኦገት ዬኮሶና። እ ድርሳ ፐንገት ባይሳትዶሶና፤ እ ካህነት ኦሎሶና። ያን ደእያ ጌላኦ ናይት ኡንኤትዶሶና፤ እያካ ኡንኤታዳ ዬካዉሱ።

Milalsa 4:16

ጎዳይ ኤንታ ላልስ፤ እ ኤንታባ ዛሪድ ቆፐና፤ ኤንታ ካህነት ቦንቸቶኮና፤ ኤንታ ጭማት ናሸቶኮና።

Milalsa 4:20

ጎዳይ ትይዳ ካዎይ፥ ኑ ደኡዋስ ሸምፖይ፥ ኤንታ ፅህያን ኦይከትስ። ኑ እያ ኩያ ጋርሳን ኡትድ፥ ካዎተታ ግዶን ዳና ግድ ቆፕዳ።

Milalsa 5:12

ሀላቃታ ኤፍድ ካቅዶሶና፤ ጭማት ቦንቸትቦኮና።

Hizqeela 17:18

እ ጫቆ ካድ መንዳ ግሾነ ባ ኩሽያ እምድ፥ ባ ግዳ ባ ኡባ ፖሎና አግዳ ግሾ ከስ ኤካናዉ ዳንዳኤና።”

Leeweta 26:31

ታኒ ህንተ ካታማታ ባይሳ ኦና፤ ህንተ ጎይኖ በሳታ ይሳና፤ ህንተ ሳውያ ያርሹዋ ስንግከ።

Sofonaasa 3:18

ጎዳይ ሀይሳዳ ያጌስ፦ “ህዛፐ ጉየ ነ ቦላ ዮይ ጋኮናዳ ኦና፤ ነ ዬላ ድጋና።

Milkiyaasa 2:9

ሄሳ ግሾ፥ ህንተ ታ ኦግያን ቦና እፅድ፥ ህንተ ትምርትያን አሳ ግዶን ሻሄተ መያ ግሾ፥ ታ ህንተና አሳ ኡባ ስንን ካታናዳነ ካዉያናዳ ኦስ” ያጌስ ኡባፈ ዎልቃማ ጎዳይ።