Milalsa 1:1 - ጌሻ ማፃፋ

¹ ካሰ አስ ኩምዳ ካታምያ ሀእ ዋናዳ አስ ባይና በሲ ግዳዴ? ካሰ ካዎተታ ግዶን ግታ ግድዳራ ሀእ ዋናዳ አምኦ ግዳዴ? ካታማታ ግዶን ካዎ ግድዳራ ሀእ ዋናዳ አይለ ግዳዴ?

Geeshsha Maxaafa

¹ Kase asi kumida katamiya ha77i waanada asi bayna bessi gidadee? Kase kawotethata giddon gita gididaara ha77i waanada am7o gidadee? Katamata giddon kawo gididaara ha77i waanada aylle gidadee?

Milalsa 1:1 ပူးပေါင်းရင်းမြစ်များ

1 Kawota 4:21

ሶሎሞነይ ኤፍራፂሳ ሻፋፐ ዶምድ ፍልስፄመ ቢታ ጋካናዉ፥ ያፐ ካንድ ግብፀ ዛዋ ጋካናዉ ደእያ ካዎተታ ኡባ ሃርስ። ሄ ቢታ አሳት እያዉ ጊራ ጊርዶሶና፤ እያ ደኦ ላይ ኡባን እያዉ ሃረትዶሶና።

2 Kawota 23:33

እዮአካዝ የሩሳላመን ካዎተናዳ ግብፀ ካዎይ ናኮይ ሀማታ ቢታን እርብላን እያ ቃችድ ሄ ሙኩሉነ ኦይዱ ፄቱ ክሎ ግራመ ዴፅያ ብራነ ሀስታማነ ኦይዱ ክሎ ግራመ ዴፅያ ዎርቃ ይሁዳ አሳ ጊርስስ።

2 Kawota 23:35

እዮአቄም፥ ካዎይ ናኮይ ኦይችዳ ብራነ ዎርቃ ጊራ እያዉ እሚስ። ሄ ጊራ ቃንፃናዉ እዮአቄም ሄ ቢታ አሳይ ደምያ ኬና ብራፐነ ዎርቃፈ ጊራ ሺሽስ።

2 Taarike 9:26

ሶሎሞነይ ኤፍራፂሳ ሻፋፐ ዶምድ፥ ፍልስፄመ ቢታነ ግብፀ ዛዋ ጋካናዉ ደእያ ካዎታ ኡባ ሃርስ።

Izira 4:20

የሩሳላመን ዎልቃማ ካዎት ካዎትዶሶና፤ ኤፍራፂሳ ሻፋፐ ሄፍንን ደእያ ቢታፈካ ሄ ካዎት ጊራነ ቃራፃ ኤክዶሶና።

Nahime 5:4

ቃስ አትዳይሳት፥ “ካዎ ጊራ ጊራናዉ ሚሸ ይድ ኑ ጎሻ ጋድያነ ኑ ዎይነ በሳ ኦይድ ሚሸ ታልእዳ።

Nahime 9:37

ኑ ናጋራ ግሾ፥ ነ ኑ ቦላ ደንዳ ካዎት ቢታይ እምያ አይፍያ ኡባ ጎኤቶሶና። ኑ ቦላነ ኑ መህያ ቦላ ባንታ ኮይዳባ ኦሶና፤ ኑኒ ግታ መቶ ግዶን ደኦስ” ያግዶሶና።

Mazmure 122:4

ጎዳ ኪታ ማራን እስራኤለ ዛረት፥ ጎዳ ጋላታናዉ ሄ ካታማ ዮሶና።

Isayaasa 14:12

ነኖ ዎንታ ናአዉ፥ ጉራ ባካላዉ፥ ሳሎፐ ዋና ኩንዳዲ? ነኖ ካዎተታ ካዉሽዳይሶ ዋና ቃንፀታዳ ሳአን ዎዲ?

Isayaasa 22:2

ነኖ ዋሶይ፥ ድርጎይነ ዎጫም ኩምዳ ካታማዉ፥ ነ ግዶን ሀይቅዳ አሳት ማሻን ዎይኮ ኦላን ሀይቅቦኮና።

Isayaasa 3:26

ፅዮነ ፐንገት ዬካናነ ዘሌላና፤ ካዮታዳ ሳአን ኡትዳ ማጫሳዳ ሀናና።

Isayaasa 49:21

ኔኒ ነ ዎዛናን፥ “ሀ ናይታ ኡባ ታዉ ኦነ የልዳይ? ታኒ የላዳ ን ግዳስ፤ ታኒ ድኤታስ፥ እፀታስ። ያትን፥ ሀይሳታ ኦነ ድችዳይ? ታኒ ታርካ አታስ፤ ያትን ሀ ናይት ኡባይ አዉፐ ይዶና? ያጋና።”

Isayaasa 50:5

ኡባ ሃርያ ጎዳይ ታ ሀይ ዶይስ፤ ታኒ ጌላ ግዳብከ፤ ጉየ ስማብከ።

Isayaasa 52:2

ነኖ፥ ድኤትዳ የሩሳላመ፥ ነ ባና ቆቆፋ፤ ደንዳዳ ነ አራታ ቦላ ኡታ። ነኖ ፅዮነ አሳዉ፥ ነ ቆን ቃሸትዳ ሳንላታ ብርሻ።

Isayaasa 52:7

ሎኦ ምሽራቾ ኤህያ፥ ሳሮተ አዋጅያ፥ አቶተ ኦድያ፥ ፅዮነኮ፥ “ነ ፆሳይ ካዎትስ” ያግሸ ደርያ ቦላራ ያ ቶሆት ዋን ሎኦና።

Isayaasa 54:4

“ያዮፋ፤ ኔኒ ዬላታካ፤ ዳጋሞፋ፤ ኔኒ ካዉያካ። ነ ያላጋተ ዬላ ኔኒ ዶጋና፤ ነ አምኤተ ቦርያ ህዛፐ ጉየ ሀሳያካ።

Ermiyaasa 31:7

“ያይቆባ አሳስ ኡፋይሳን የፅተ፤ ካዎተታ ኡባፈ አያ እስራኤለስ እልልተ። ‘እስራኤለ አሳፐ አትዳይሳታ አሻ’ ያግድ ጋላታ ማዝሙረ የፅተ።

Ermiyaasa 40:9

ሳፋና ናአይ፥ አክቃማ ናአይ ጎዶልያ ኤንታዉ ሀይሳዳ ያግድ ጫቅስ፦ “ባብሎነታስ ኩሸ እማናዉ ያዮፍተ፤ ሄ ቢታን ደእተ። ባብሎነ ካዋስ ሃረትተ፤ ኡባባይ ህንተዉ እንጀ ግዳና።

Ermiyaasa 42:2

ናብያ ኤርምያሳኮ ይድ፥ “ኑ ነና ኦይችያባ ኑስ ኦርክ። አትዳ ኑ ግሾ ጎዳ ነ ፆሳ ዎሳርክ። ኑ ካሰ ዳሮ፤ ሽን ሀእ ነ በኤይሳዳ ጉ አሳ ፃላል አትዳ።

Ermiyaasa 44:2

“ኡባፈ ዎልቃማ ጎዳይ፥ እስራኤለ ፆሳይ፥ የሩሳላመ ቦላነ ይሁዳ ካታማ ኡባ ቦላ ታ ኤህዳ ዮ ኡባ ህንተ፥ ህንተ አይፈን በእደታ። ኤንቲ ሀች ጋካናዉ ላለትድ አትዶሶና፤ ኦንካ ያን ዴና።

Ermiyaasa 44:6

ሄሳ ጋሶን ታ ሱልያ ሀንቆይነ ይሎይ ይሁዳ ካታማታ ቦላነ የሩሳላመ ኦገታን ኤፅስ። ኤንቲ ሀች ህንተ በኤይሳዳ ላለትዶሶና፤ ባይሳ ግድዶሶና።

Ermiyaasa 50:23

ቢታ ኡባ ሊቅስያ ናርቃይ ዋንድ መቅደ! ዋንድ ሊቅደ! ካዎተታ ኡባ ግዶን ባብሎነይ ዋንድ ዳጋንያባ ግድደ!

Ermiyaasa 9:11

“የሩሳላመ ካታማ ላለትዳ ኬላነ ዎርካናት ጉፕያ በሲ ኦና። ይሁዳ ካታማታ ኦንካ ዶና ባይሳ ከሳና” ያጌስ ጎዳይ።

Milalsa 1:19

ታ ላገታ ፄጋስ፤ ሽን ኤንቲ ታና ጭምዶሶና፤ ካህነትነ ጭማት ባንታ ሸምፑዋ አሻናዉ፥ ካ ኮይሸ ካታማ ግዶን ሀይቅዶሶና።

Milalsa 2:1

ጎዳይ ባ ሀንቆ ሻራፐ ጋርሳን፥ ፅዮነ ናእዉ፥ ዋትድ ዎደ! እስራኤለ ቦንቹዋ ሳሎፐ ሳአ ሆልስ፤ ባ ሀንቁዋ ጋላስ፥ እያ ቶሆይ የያ በሳ ቆፕቤና።

Milalsa 2:10

ፅዮነ ጭማት ስእ ግድ ቢታን ኡትዶሶና፤ ባንታ ሁጰን ባና ቆልድ ካዮ ማኦ ማእዶሶና፤ የሩሳላመ ጌላኦት ሳአን ዱገ ሆክዶሶና።

Milalsa 4:1

ዎርቀይ ጶለይሳ ዋንድ አግዴ? ጌሻ ዎርቃይ ዋንድ ዳምዴ? ፆሳ ኬይ ግምበትዳ ሹቻይ ኦገ ዶናን ላለትስ።

Milalsa 5:16

ኑ ሁጵያፐ ካላቻይ ኩንድስ፤ ኑ ናጋራ ኦዳ ግሾ ኑና አየ!

Hizqeela 26:16

አባ ዶናን ደእያ ሃረይሳት ባንታ አራታፐ ዎና። ባንታ ቦንቾ ማኡዋነ አሌቀትድ ኦሰትዳ ማኡዋ ቃርድ ያሻን ኮኮርሸ ቢታን ኡታና። ነ ቦላ ጋክዳ መቱዋ ቆፕድ፥ ኤንቲ ዳሮ ዳጋማና፤ ኤንቲ ኡባ ዎደ ኮኮርሸ ዳና።’

Hizqeela 26:2

“አሳ ናአዉ፥ ፅሮሳ አሳይ ኡፋይትሸ፥ ‘ሀሹ! የሩሳላመይ ኩንድስ፤ እያ ፐንገይ ዋግ ግድ ዶየትስ። እ ላለትድ ዶየትዳ ግሾ ህዛፐ ጉየ ኑ ዱረታና’ ያጎሶና።

Hizqeela 5:5

ኡባ ሃርያ ጎዳይ፥ “ካዎተታ ኡባ እያ ዩሾን ኤሳዳ፥ እያ ግዶን ዎዳ፥ የሩሳላመ ካታማ ሀይሳ በአ።

Leeweta 26:31

ታኒ ህንተ ካታማታ ባይሳ ኦና፤ ህንተ ጎይኖ በሳታ ይሳና፤ ህንተ ሳውያ ያርሹዋ ስንግከ።

Leeweta 26:33

ታኒ ህንተና ካዎተታ ግዶን ላላና፤ ህንተ ቦላ ታ ማሻ ሾዳና። ህንተ ቢታይ ባይሳታና፤ ህንተ ካታማት ላለታና።

Sofonaasa 2:15

“ታፐ አትሽን፥ ሀር ባዋ” ያግድ ኦቶርትድ ደእዳ ካታማይ ሀእ ዋንድ ዶአት አቅያ በሲ ግድዴ? እያ ማታራ አያ ኡባይ ባንታ ኩሽያ ባቅሸ፥ “ፖራ!” ጋና።

ዮሃኒሳ ቆንጬ 18:7

እያ ባዉ ቦንቸትዳይሳዳነ እዉ እንጀትዳይሳ መላ፥ እዮ መቶተነ ካዮይተ። እያ ባ ዎዛናን፥ ‘ታኒ ካዌዳ ኡታስ፤ ታ አዝን ባይና ማጫስ ግድከ፤ ታኒ ኡባካ ካዮትከ’ ያጋሱ።