Mikiyaasa 7:2 - ጌሻ ማፃፋ

² ፆሳ አስ ቢታን ባዋ፤ አሳ ጋርሳን ሱረ አስ ይስ። አስ ኡባይ አሳ ሱ ጉሳናዉ ሆክድ ናጌስ፤ ኡባይ ባ እሻ ግተን ኦይካናዉ ካሌስ።

Geeshsha Maxaafa

² Xoossa asi biittan baawa; asa garsan suure asi dhayis. Asi ubbay asa suuthi gussanaw hokidi naagees; ubbay ba ishaa giten oykanaw kaallees.

Mikiyaasa 7:2 ပူးပေါင်းရင်းမြစ်များ

Mazmure 10:9

ባ ቆሰትዳ በሳን ጌምድ፥ ማንቁዋ ኦይካናዉ ጋሞዳ ዙጌስ፤ እያ ኦይክድ ባ ፅህያን ጎችድ ኤፌስ።

Mazmure 12:1

ፆሳ አስ ቢታፈ ዉርዳ ግሾ፥ አሳ ግዶን አማነተ ባይና ግሾ፥ ጎዳዉ ኑና ማዳርኪ?

Mazmure 12:2

ኡባይ ዎርዶ ሃሳዮሶና፤ እሶይ እሱዋ ጭምያ እንፃርሳን ናምኡ ዎዛናን ኦደቶሶና።

Mazmure 57:6

ኤንቲ ታ ቶሁዋስ ፅሄ ዎዶሶና፤ ታኒ ኡንኤታዳ ሆካስ። ኤንቲ ታ ኦግያን ኦላ ቦክዶሶና፤ ሽን ሄ ኦላን ባንታዉ ኩንድዶሶና። ሳላሀ

Leemiso 1:11

ኤንቲ፥ “ኑራ የ፤ አሰ ዎናዉ ሆክድ ናጎስ፤ ፅሎታ ዎናዉ ቆሰቶስ።

Leemiso 12:6

ኢታታ ዞረታይ አሳ ቆሀናሳ፤ ሽን ፅሎታ ዞረታይ ኤንታ አሻናሳ።

Isayaasa 3:5

አሳይ አሳ ቦላ፥ ሾሮይ ሾሩዋ ቦላ ደንድድ፥ እሶይ እሱዋ ሱጋና። ናአተይ ጭማ ቦላ፥ ካትዳይስ ቦንቸትዳይሳ ቦላ ደንዳና።

Isayaasa 57:1

ፅሎ አስ ሀይቄስ፤ ሽን ሄሳ ቆፐይ ባዋ። ባንታና ፆሳስ እምዳ አሳይ ቢታፈ ኤከቶሶና፥ ሽን ፅሎ አስ ኢት ያናፐ ስንትድ፥ ኤከተይሳ ኦንካ አኬከና።

Isayaasa 59:7

ኤንታ ቶሆት ኢታባ ኦናዉ ዎፆሶና፤ ፅሎ ሱ ጉሳናዉ ኤሶቶሶና። ኤንታ ቆፋይ ኢታ፤ ኤንቲ ብዳ በሳ ኡባን ቆሆይነ ቦሽ ደኤስ።

Isayaasa 9:19

ኡባፈ ዎልቃማ ጎዳ ሀንቁዋን ቢታይ ፁገታና፤ አስካ ታማ ኦይሰያባ ግዳና፤ ኦንካ ባ እሻ አሻናዉ ቆፐና።

Ermiyaasa 16:16

“ታ ሞሎ ኦይክያ ዳሮ አሳ ኪታና፤ ኤንቲ ኤንታ ኦይካና። ሄሳፈ ጉየ፥ ዳሮ ሻንካትያ አሳ ኪታና፤ ደረፐ፥ ዙማፐነ ሹቻ ቆጶፐ ኤንታ ሻንካትድ ከሳና።

Ermiyaasa 5:16

ኤንታ ዶንገ ፓልኤ ሾሆይ ዶያ ዱፎ መላ፤ ኤንታ ኦላንቾት ዎልቃማ።

Ermiyaasa 5:26

“ታ አሳ ግዶን ኢታ አሳት ደኦሶና። ካፎ ኦይካናዉ ናግያ አሳዳ ሆክድ ናጎሶና። ኤንቲ ግተ የግድ አሳ ኦይኮሶና።

Ermiyaasa 8:6

ታ ምንዳ ሀይዛስ፤ ሽን ኤንቲ ቱማ ሃሳዮኮና። ‘ታ አይ ኦድና?’ ግድ ባ ኢታ ናጋራ ፓፀይ እሶይካ ባዋ። ኡባይ ኦላስ ጋላብያ ፓራዳ ባዉ ባዉ ዎፄስ።

Milalsa 4:18

አሳይ ኑ ገዳ ካልያ ግሾ፥ ኑ ካታማ ኦገራ ሄመታናዉ ዳንዳእቦኮ። ኑ ዉርሰይ ማትስ፤ ኑ ላይይ ዉርስ፤ ኑስ ዮ ዎደይካ ጋክስ።

Hizqeela 22:12

ነ ግዶን እሶት እሶት ሚሸ ኤክድ፥ ሸምፖ ዎኦሶና፤ ሀራት ባንታ ሚሽያ ባንታ ያራ ግድዳ እስራኤለታስ የሎራ ታልኦሶና፤ ኤንታ ቦንቅድ ባንታዉ ዱረቶሶና፤ ታና ኩመ ዶግዶሶና” ያጌስ ኡባ ሃርያ ጎዳይ።

Hizqeela 24:6

ኡባ ሃርያ ጎዳይ ሀይሳዳ ያጌስ፦ “ሱ ጉስያ ካታማ አየ! እያ ሽእድ ጌዮና እፅዳ ናሰ ብራታ ድስተ መላ ግዳሱ። እ ግዶን ደእያ ሙፀትዳ አሹዋ ሳማ የጎና ኩሸን ጋሄትዳይሳ ከሳ ከሳ ኤካ።

Hose 5:1

“ህንተኖ ካህነቶ፥ ሀይሳ ስእተ! ህንተኖ እስራኤለ አሳቶ፥ አኬክተ! ካዎ ኬ አሳቶ፥ ሎይ ስእተ! ሀ ፕርዳይ ህንተ ቦላ ፕርደትስ። ህንተ ምፅጳስ ፅሄ ግድደታ፤ ታቦረ ዙማ ቦላ ምጨትዳ ግተዳ ግድደታ።

Hose 6:9

ፓንጋት አሰ ዎናዉ ቆሰትድ ናገይሳዳ ካህነታ ጩጋይ ሄሳዳ ናጎሶና። ሴከማ ካታማ ኤፍያ ኦግያን ናግድ አሰ ዎኦሶና፤ ኤንቲ ዬላያ ዎራን ኦሶ ኦሶና።

Mikiyaasa 2:8

ሽን ማታ ዎደፐ ዶምድ፥ ታ አሳይ ታ ቦላ ሞርከዳ ደንድስ። ህርግ ባይና ህንተ ግዶራ አያ ሳሮ አሳ ኦላፐ ቃረትድ ስምያ አሳዳ ኦደታ።

Mikiyaasa 3:10

ህንተ ፅዮነ ካታማ ሱ ጉስድ ኬፀታ፤ የሩሳላመ ካታማ ጌላተን ግምበታ።

Mikiyaasa 3:2

ህንተ ሎኦ እፅድ፥ ኢታ ዶሴታ። ታ አሳ ጋልባ ቃረታ፤ ኤንታ አሹዋ ኤንታ መቀፈ ሻከታ።

Zakaryaasa 11:6

ጎዳይ ሀይሳዳ ያጌስ፦ “ታኒ ህዛፐ ጉየ ሀ ቢታን ደእያ አሳስ ቃትከ። ታኒ እስ እስ አሰ እያ ሾሩዋስነ እያ ካዋስ አዳ እማና። ኤንቲ ቢታ ይሳና፤ ታኒ እስ አስካ ኤንታ ኩሽያፐ አሽከ” ያጌስ።

ሃዋሬታ ኦሱዋ 24:9

አይሁደትካ፥ “ሀ ኦዳይ ቱማ” ግድ እያ ቆፋ ማእዶሶና።

1 Sameela 24:11

ታ አዋዉ፥ ታ ኩሸን ደእያ ነ ማኡዋ ማጫራ ሀይሳ ፄላ። ነ ማኡዋ ማጫራፐ ቃንፃ ኤካስ፥ ሽን ነና ዎብከ። ታኒ ነና ቆሆናይሳነ ነ ቦላ ማካሎናይሳ አኬካ፤ ታኒ ነና ቆሀብከ፥ ሽን ኔኒ ታና ዎናዉ ሻንካታሳ።

1 Sameela 26:20

ሀእ ጎዳ ስንፈ ሃክድ፥ አላጋ ቢታን ደእያ ኡራ ሱ ጉሶፋ። እስ አስ ኩራቾ ሻንካታናዉ ደረ ቦላ ከየይሳዳ፥ እስራኤለ ካዎይ ካስቶለ ኮያናዉ ከይስ” ያግስ።