Medhetethi 3:15 - ጌሻ ማፃፋ

¹⁵ ታኒ፥ ነ ግዶንነ ማጫሰ ግዶን፥ ነ ሼሻ ግዶንነ እ ሼሻ ግዶን ሞርከተ ዎና። እ ነ ሁጵያ ቆፃና፥ ነካ እያ ግንድያ ዱካና” ያግስ።

Geeshsha Maxaafa

¹⁵ Taani, ne giddoninne maccase giddon, ne sheesha giddoninne I sheesha giddon morketethi wothana. I ne huuphiya qoxana, neka iya gindiya dukana” yaagis.

Medhetethi 3:15 ပူးပေါင်းရင်းမြစ်များ

Medhetethi 49:17

ዳነይ ኦገ ጋፃን ደእያ ሾሻ መላ፥ ፓራ ሹቁልያ ዱክድ፥ ፓራ ቶግዳይሳ ጉየ የግያ ጎፐ መላ።

Mazmure 132:11

ጎዳይ ዳዊታስ ላመቶና ጫቆ ሀይሳዳ ያግድ ጫቅስ፤ “ነ ጉልባታፐ ከይዳ፥ ነ ናይታፐ እሱዋ ነ አራታን ኡትሳና።

Isayaasa 53:12

ሄሳ ግሾ፥ ታኒ እያ ግሹዋ ግታ አሳታ ግዶን እማና፤ ምኖታራ እ ድኡዋ ሻከታና። እ ባ ሸምፑዋ ሀይቆስ አድ እምድ፥ ኢታታራ ፓይደትስ። እ ዳሮ አሳ ናጋራ ቶክስ፤ ጌላታስ ጋናትስ።

Isayaasa 7:14

ሄሳ ግሾ፥ ጎዳይ ባ ሁጰን ህንተዉ ማላ እማና፤ ጌላእያ ቃንታዳ አደ ናአ የላና፤ እያ ሱንካ አማኑኤላ ጋዳ ፄጋና።

Ermiyaasa 31:22

ህንተኖ፥ አማኖይ ባይና እስራኤለቶ፥ አዉደ ጋካናዉ ቶይላተቲ? ጎዳይ ሳአ ቦላ ኦራባ ኦና፤ ሄስካ ማጫስ አደ ዩሾን ኤቃና” ያጌስ ጎዳይ።

Daanela 9:26

ኡሱፑን ታማነ ናምኡ ቶሆ ላፑን ላይፈ ጉየ ትየትዳይስ ሀይቃና፤ እያዉ አይኮይካ አትቤና። ያና ሀላቃ ኦላንቾት ካታማነ ፆሳ ኬ ላላና። ሄ ካታማ ዉርሰይ ድኦዳ አኬኮና ያና። ሄ ዎደፐ ብድ ዉርሰ ጋካናዉ ኦልነ ዮይ አዋጀትስ።

Amoxe 9:3

ኤንቲ ቃርመሎሳ ዙማ ሁጰን ቆሰትኮካ፥ ታኒ ኤንታ ኮያዳ ያፐ ከሳና። አባ ጪሞን ገልድ፥ ታ ስንፈ ጌምኮካ፥ ታኒ ዳወ ኪትን፥ እ ኤንታ ዱካና።

Mikiyaasa 5:3

ሄሳ ግሾ፥ እቀ ኦይክዳ ማጫስያ ናኣ የላና ጋካናዉ፥ ጎዳይ እስራኤለ ሞርከታስ አድ እማና። ሄሳፈ ጉየ፥ ድኤትድ ደእያ እያ እሻት ስሚድ፥ ባንታ አሳራ ዋላከታና።

Maatosa 1:23

“ሄኮ ጌላእያ ቃንታና፤ አደ ናአ የላና፤ እያ ሱንይ አማኑኤላ” ጌተታና ጎይስ ፖለታና መላ ሀ ኡባይ ሀንስ። አማኑኤላ ገይሳስ ብርሸይ “ፆሳይ ኑራ ደኤስ” ጉሱ።

Maatosa 1:25

ሽን ባ ባይራ ናአ የላና ጋካናዉ እዮ ቦችቤና፤ የለትዳ ናአካ የሱሳ ግድ ፄግስ።

Maatosa 12:34

ህንተኖ፥ ሾሻ ናይቶ፥ ህንተ ኢታ ግድሸ ዋንድ ሎኦባ ኦደታናዉ ዳንዳኤቲ? አስ ባ ዎዛናን ኩምዳባፐ ዶናን ኦደቴስ።

Maatosa 13:38

ጎሻይ ሀ አላምያ። ሎኦ ዘረይ ሳሎ ካዎተ ናይታ። ሌሾይ ፃላሄ ናይታ።

Maatosa 23:33

“ሀ ሾሻቶ፥ ሾሻ ናይቶ፥ ህንተ ጋናመ ፕርዳፈ ዋንድ አታኔ?

Maatosa 3:7

ዮሃንስ፥ ዳሮ ፋርሳወትነ ሳዱቃወት ፃማቀታናዉ ባኮ የይሳታ በእድ፥ ኤንታኮ፥ “ሀ ኢታ ሾሻቶ፥ ያና ፆሳ ሀንቁዋፈ ባቃታና መላ ህንተና ኦነ ዞርዳይ?

Marqoosa 16:18

ኤንቲ ሾሹ ኦይክኮካ ዎይኮ ዎያባ ኡይኮካ ኤንታ ቆሄና። ቃስ ኤንቲ ባንታ ኩሽያ ሀርጋንቾታ ቦላ ዎድ ኤንታ ፓና” ያግስ።

Luqaasa 1:76

ቃስ ላ ናአዉ፥ ኔኒ ኡባፈ ቦላ ፆሳ ናበ ጌተታና። ጎዳ ኦግያ ሎይናዉ ነ እያ ስንን ባና።

Luqaasa 10:19

ሄኮ፥ ሾሽነ ኮርነ የና መላነ ሞርክያ ዎልቃ ዛራና መላ ማታ ህንተዉ እማስ። ህንተና ቆሀናባይ አይኮይካ ዴና።

Luqaasa 22:53

ኡባ ጋላስ ፆሳ ኬን ታ ህንተራ ደእያ ዎደ ታ ቦላ ኩሸ ዎቤከታ። ሽን ሀይስ ማ ካዎተይ ሃርዳ ዎደነ ህንተ ዎደ” ያግስ።

Luqaasa 24:27

ሙሰፐነ ናበታ ኡባፈ ደንድድ ጌሻ ማፃፋን እያባይ ፃፈትዳይሳ ኡባ ኤንታዉ ቆንጭስስ።

Yohaanisa 8:44

ህንተ፥ ህንተ አዋ ፃላሄ ናይታ። ቃስ ህንተ፥ ህንተ አዋይ አሞትያባ ኦናዉ ኮዬታ። እ ኮይሮፐ ዶምድ ሸምፖ ዎይሳ። ቱም እያን ባይና ግሾ እ ቱማ እፄስ። ዎርዶይ እያዉ መ ግድዳ ግሾነ እ ዎርዶ አዋ ግድያ ግሾ ዎርዶ ኦደትሸ ባፐ ኦደቴስ።

ሃዋሬታ ኦሱዋ 13:10

“ላ፥ ፃላሄ ናአዉ፥ ኢታተ ኡባይ ኩምዳይሶ፥ ፅሎተ ኡባስ ሞርክያዉ፥ ሱረ ጎዳ ኦግያ ምርቀይሳ አግኪ?

Roome 16:20

ሳሮተ ፆሳይ ፃላህያ ህንተ ቶሁዋፐ ጋርሳን ጋጭ የጋና። ኑ ጎዳ የሱስ ክርስቶሳ አ ኬሀተይ ህንተራ ግዶ።

Roome 3:13

ኤንታ ዶናፐ ከይያ ቃላይ፥ ዶየትዳ ዱፎፐ ከይያ ፅንቆ መላ፤ ባንታ እንፃርሳን ጭሞሶና። ኤንታ ዶናፐ አሰ ዎያ፥ ሾሻ ማርዘይ ከዬስ።

Galatiya 4:4

ሽን ዎደይ ጋክዳ ዎደ ፆሳይ ህገፈ ጋርሳን፥ ማጫሳፐ የለትዳ ባ ናኣ ኪትስ።

Efesoona 4:8

ሄሳ ግሾ፥ ፆሳ ቃላይ፥ “እ ፑደ ከይዳ ዎደ ድኤትዳ ዳሮታ ባራ ኤክድ ብስ፤ አሳስካ እሞታ እሚስ” ያጌስ።

Qolaasiyasa 2:15

ክርስቶስ ዎልቃታነ ማታታ ማስቃልያን ፆንድ፥ ኤንታ ኦላ ዳንጩዋ ብልስድ፥ ድኤትዳ አሳዳ ኤንታ ቆንጨን ዩሽ በስስ።

Ibraawe 2:18

እ ባ ሁጰን ፓጨን ዋየትዳ ግሾ ፓጨተይሳታ ማዳናዉ ዳንዳኤስ።

Ibraawe 5:7

የሱሲ አሰ ግድድ ሀ አላምያን ደእያ ዎደ ባና ሀይቆፐ አሻናዉ ዳንዳእያ ፆሳ ዳሮ ዬሆንነ አፉን ዎስስ። እ፥ እያ ቦንችድ ኪተትዳ ግሾ ፆሳይ እያ ዎሳ ስእስ።

1 ዮሃንሳ 3:10

ፆሳ ናይታ ግዶንነ ፃላሄ ናይታ ግዶን ደእያ ዱማተይ ሄሳን ኤረቴስ፤ ፅሎ ኦና አስ ዎይኮ ባ እሻ ዶሶና አስ ፆሳ ናአ ግደና።

1 ዮሃንሳ 3:8

ፃላሄይ ኮይሮፐ ናጋራ ኦዳ ግሾ ናጋራ ኡባ ዎደ ኦያ ኦንካ ፃላሄ ዳቦ። ሄሳ ግሾ፥ ፆሳ ናአይ ፃላሄ ኦሶ ይሳናዉ ቆንጭስ።

1 ዮሃንሳ 5:5

አላምያ ፆናናዉ ዳንዳኤይ ኦኔ? የሱሲ ፆሳ ናኣ ግደይሳ አማንያ አሳ ፃላል ፆናና።

ዮሃኒሳ ቆንጬ 12:17

ሄ ዳወይ ማጫሰ ቦላ ዳሮ ሀንቀትድ፥ እ ኮቻታ፥ ፆሳ ኪታ ናገይሳታነ የሱሲ ቆንጭስዳ ቱማስ አማነትዳይሳታ ኦላናዉ ብድ።

ዮሃኒሳ ቆንጬ 13:7

ሄ ዶአይ ጌሻታራ ኦለትድ፥ ኤንታና ፆናና መላ ዎልቅ እያዉ እመትስ። ያራ ኡባ፥ ደረ ኡባ፥ ዱማ ዱማ ዶና ኡባ ቦላነ ኮቸ ኡባ ቦላ ማት እያዉ እመትስ።

ዮሃኒሳ ቆንጬ 2:10

ኔኒ ኤካናዉ ደእያ ዋይያ ባቦፋ። ፃላሄይ ህንተፈ እሶታ እሶታ ፓጫናዉ ቃሾ ኬን የጋና፤ ታሙ ጋላስ ጋካናዉ ህንተ ዋየታና። ሀይቃና ጋካናዉ አማነትዳይሳ ግዳ፤ ታ ነዉ ደኦ ካላቻ እማና።”

ዮሃኒሳ ቆንጬ 20:10

ኤንታ ባለዳ ፃላሄይ፥ ዶአይነ ዎርዶ ናበይ የገትዳ ኤፅያ ዲነ ታማ አባን የገትስ። ኤንቲ ቃማነ ጋላስ መርናዉ ፓፃ ካኤታና።