Medhetethi 24:3 - ጌሻ ማፃፋ

³ ታኒ ኤንታ ግዶን ደእዳ ካናነታ ማጫ ናይታፐ ታ ናኣስ ማቾ ኦይቾና መላ፥ ጎዳን፥ ሳሎነ ሳአ ፆሳ ሱንን ታኒ ነና ጫቅሳይስ፤

Geeshsha Maxaafa

³ taani enta giddon de7ida Kanaaneta macca naytape ta na7aas macho oychonna mela, Godan, salonne sa7a Xoossa sunthan taani nena caaqisayis;

Medhetethi 24:3 ပူးပေါင်းရင်းမြစ်များ

Medhetethi 14:19

እ ሀይሳዳ አብራመ አንጅስ፤ “ሳሎነ ሳአ መዳ፥ ኡባፈ ቃ ፆሳይ ነና አንጆ።

Medhetethi 14:22

ሽን አብራመይ ሶዶመ ካዋኮ፥ “ታኒ ጎዳስ፥ ሳሉዋነ ሳአ መዳ ኡባፈ ቃ ፆሳስ ታ ኩሽያ ደንስ።

Medhetethi 21:23

ኔኒ ታ ቦላ ዎይኮ ታ ናይታ ቦላ ዎይኮ ታ ዘረ ቦላ ጭማዳ ገነ ኦና መላ፥ ሀእ ሀይሳን፥ ፆሳ ስንን ታዉ ጫቃ። ታኒ ነዉ ኬህዳይሳዳ፥ ኔንካ ታስነ ኔኒ በተተን ደእዳ ሀ ቢቴስ ኬሀ” ያግስ።

Medhetethi 24:7

ጎዳይ፥ ሳሉዋ ፆሳይ፥ ታና ታ አዋ ሶፐነ ታ የለትዳ ቢታፈ ከስዳይስ ታዉ፥ ‘ነ ዘረስ ታኒ ሀ ቢታ እማና’ ያግድ ጫቅዳይስ፥ ኔኒ ታ ናኣስ ያፐ ማቾ ደማና መላ፥ እ ባ ኪታንቹዋ ኔፐ ስን ኪታና።

Medhetethi 27:46

ሄሳፈ ጉየ፥ እርብቃ ይሳቃኮ፥ “ኤሳዌይ ኤክዳ ህተታ ማጫ ናይታ ጋሶን ታኒ ታ ደኡዋ ሻተታስ። ቃስ ያይቆብካ ሀይሳ ህተታ ማጫ ናይታፐ ማቾ ኤክኮ፥ ታዉ ሀይቆይ ሎኦ” ያጋሱ።

Medhetethi 28:1

ሄሳ ግሾ፥ ይሳቅ ያይቆባ ፄግድ፥ “ካናነ ቢታ ማጫ ናይታፐ ማቾ ኤኮፋ።

Medhetethi 28:8

ኤሳዌይ ሄሳን ካናነ ቢታ ማጫስ ባ አዋ ይሳቅ አይ መላ እፅያኮ ኤርስ።

Medhetethi 34:9

ኑራ ኤከትተነ ገለትተ፥ ህንተ ማጫ ናይታ ኑስ እምተ፥ ኑ ማጫ ናይታካ ህንተዉ ኤክተ።

Medhetethi 38:2

ያን ይሁድ ሹአ ጌተትያ ካናነ ኡራ ናእዉ ማችስ።

Medhetethi 47:31

ያይቆብ እያኮ፥ “አነ ታዉ ጫቃ” ያግስ። ዮሰፍ እያዉ ጫቅስ። ሄሳፈ ጉየ፥ እስራኤለይ ባ ጉፍያ ቦላ ካትድ ፆሳ ጎይንስ።

Medhetethi 50:25

ዮሰፍ እስራኤለ ናይታ፥ “ፆሳይ ህንተና ማዳናዉ ፆሞስያ ዎደ፥ ህንተ ታ መቀ ሀ ቢታፈ ኤክድ ቢተ” ያግድ ጫቅስስ።

Medhetethi 6:2

“ፆሳ ናይታ” ጌተትያ መተት ሄ ማጫ ናይት ማላ ሎኦ ግደይሳ በእድ ኤንታፈ ባንታዉ ዶርዳይሳታ ማችዶሶና።

Medhetethi 6:4

ሄ ዎደነ ሄሳፈ ጉየ፥ ፆሳ ናይት አሳ ማጫ ናይታ ኤክን፥ ናይት የለትዳ ዎደ፥ ዎጋ አዱሳ አሳት ሳአ ቦላ ደእዶሶና። ኤንቲ በን ዎደ ኦላስ ምኖነ ኤረትዳ አሳታ።

2 Kawota 19:15

ያትድ፥ ጎዳ ሀይሳዳ ያግድ ዎስስ፤ “አቤት ጎዳዉ፥ ክሩበታፐ ግዶን ኡትያ እስራኤለ ፆሳዉ፥ ሳኣ ካዎተታ ኡባ ቦላ ነ ፃላል ፆሰ፤ ሳሉዋነ ሳኣ ኔኒ መዳሳ።

2 Taarike 2:12

ክራም ጉጅድ፥ “ፆሳ ኬነ ባዉ ጋ ኬፃና መላ ጭንጫ፥ አኬካነ ሂላ ናኣ ካዋ ዳዊታስ እምዳ፥ ሳሎ ሳኣ መዳ ጎዳይ፥ እስራኤለ ፆሳይ ጋላተቶ።

Izira 5:11

ኤንቲ ሀይሳዳ ያግድ ዛርዶሶና፦ “ኑኒ ሳሎነ ሳአ ፆሳ አይለታ፤ ኑኒ ዳሮ ላይፈ ካሰ ግታ እስራኤለ ካዎይ ኬፅድ ፖልዳ ኬ ዛሪድ ኬፆስ።

Nahime 13:25

ታኒ ኤንታራ ኦየታስ፤ ኤንታ ባዳስ፤ ኤንታፈ እሶታ እሶታ ደቻዳ፥ ኤንታ ሁጵያ ብናና ሾዳስ። ሄሳ ፃላላ ግዶናሽን፥ ኤንቲ ባንታ ማጫ ናይታ ኤንታ አደ ናይታስ እሞናዳ፥ ኤንታ ማጫ ናይታ ባንታዉነ ባንታ አደ ናይታስ ኤኮናዳ ፆሳ ሱንን ጫቅሳስ።

Nahime 9:6

ፆሳዉ፥ ነ ፃላል ጎዳ! ኔኒ ሳሎታነ ቃ ሳሎታን ደእያ መተታ፥ ሳኣነ እያ ቦላ ደእያ መተታ፥ አባታነ ኤንታ ግዶን ደእያ መተታ ኡባ መዳሳ። ኡባስ ደኦ እማዳሳ፤ ሳሎ መተት ነዉ ጎይኖሶና።

Mazmure 115:15

ሳሉዋነ ሳኣ መዳ ጎዳይ ህንተና አንጆ።

Mazmure 136:26

ሳሎ ፆሳ ጋላትተ! እያ ሲቆይ መርናሳ።

Kessa 20:7

“ፆሳ ነ ጎዳ ሱን ሀዳን ደንፋ። ጎዳይ ባ ሱን ሀዳን ደንይሳታ ሴሮና አገና።

Kessa 22:11

ሀዳራ ኤክዳይስ ባ ላግያ መህያ ካይሶቶናይሳ ጎዳ ስንን ጫቆ። ሄ መህያ ጎዳይ ጫቁዋ ኤኮ፤ መሄይ እያፐ ይዳ ኡራይ ጭጋናዉ ኮሸና።

Kessa 23:13

ታኒ ህንተዉ ኦድዳባ ኡባ ምንድ ኦተ። ሀራ ፆሳታ ሱን ፄግድ ዎሶፍተ፤ ኤንታ ሱን ደንፍተ።

Kessa 34:16

ቃስ ህንተ ኤንታ ማጫ ናይታፐ ህንተ አደ ናይታስ እምኮ፥ ሄ ዎደ ሄ ማጫ ናይት ባንታ ፆሳታ ጎይንድ፥ ህንተ አደ ናይትካ ታዉ አማነቶና እፅድ፥ ባንታ ፆሳታ ጎይናና መላ ኦና።

Isayaasa 45:23

ታኒ ታናን ጫቃስ፤ ጉየ ስሞና ቃል ታ ዶናፐ ፅሎተን ከይስ። ጉልባት ኡባይ ታዉ ጉልባታና፤ እንፃርስ ኡባይ ታናን ጫቃና።

Isayaasa 48:1

“ህንተኖ፥ ያይቆባ ሶ አሳዉ፥ እስራኤለ ሱንን ፄገትዳይሳቶ፥ ይሁዳ ኮቻፈ ይዳይሳቶ፥ ሀይሳ ስእተ። ህንተ ጎዳ ሱንን ጫቀታ፤ እስራኤለ ፆሳ ፄገታ፤ ሽን ቱማተንነ ፅሎተን ግደና።

Isayaasa 65:16

ካሰ መቶት ዶገትዳ ግሾነ ታ አይፍያ ስንፈ ጌምዳ ግሾ ሄ ቢታን አንጆ ኮይያ ኡባይ ቱማ ፆሳ ሱንን ዎሳና። ሄ ቢታን ጫቆ ጫቅያ ኡባይ ቱማ ፆሳ ሱንን ጫቃና።

Ermiyaasa 10:11

“ሀይሳቲ ሳሎነ ሳአ መቦና ፆሳት ሳአፐነ ሳሎፐ ያና” ያጋዳ ኔኒ ኤንታዉ ኦዳ።

Ermiyaasa 12:16

ካሰ ታ አሳ ባኣለ ሱንን ጫቃና መላ ታማርስዳይሳዳ ኤንቲ ታ አሳ ኦግያ ታማርኮነ ታ ሱንን ጫቅኮ ኤንቲ ታ አሳ ግዶን ምንድ ዳና።

Ermiyaasa 29:6

ማቾ ኤክድ ማጫ ናአነ አደ ናአ የልተ። ህንተ አደ ናይታስ ማቾ ኦይችድ እምተ፤ ህንተ ማጫ ናይታ አዝናስ እምተ። ኤንቲ ማጫ አደ የሎ፤ ያን ታይቦን ዳርተ፤ ጉፆፍተ።

Ermiyaasa 4:2

ቱማን፥ ሱረተንነ ፅሎተን፥ ‘ደኦ ፆሳይ ኤርያ መላ’ ግድ ጫቅኮ፥ ሄ ዎደ ካዎተት እያን አንጀታናነ እያን ጬቃና።”

Leeweta 19:12

“ታ ሱንን ዎርዶ ጫቆፍተ፤ ህንተ ፆሳ ሱን ቱንሶፕተ። ታኒ ህንተ ጎዳ።

Sofonaasa 1:5

ኬ ቦላ ከይድ አዋስ፥ አጌናስነ ፆልንቶታስ ጎይነይሳታ ታኒ ይሳና። ጎዳ ጎይንሸነ እያ ሱንን ጫቅሸ ሞሎካ ጌተትያ ኤቃ ሱንን ጫቀይሳታ ታኒ ይሳና።

Taybo 5:21

ጎዳይ ነ የሎ ኬ ጉንድስድ፥ ነ ኡሉዋ ጋቢስድ ነ አሳ ስንን ነና ባደትዳባ ኦ።

1 ቆሮንቶሳ 7:39

ማችያ ባ አዝናይ ፓፃ ደእያ ዎደ ኡባን እያራ ቃሸታሱ። ሽን እ አዝናይ ሀይቅኮ፥ ባ ዶስዳ አዝና ገላናዉ ዳንዳአዉሱ። ግዶሽን፥ እያ ገልያ አደይ አማንያ አስ ግዳናዉ በሴስ።

Zaaretho 10:20

ጎዳ፥ ነ ፆሳ ያያ፤ እያዉ ኦ፤ እያራ ኦይከታ፤ እያ ሱንን ጫቃ።

Zaaretho 6:13

ጎዳ፥ ነ ፆሳ ያያ፤ እያ ፃላላ ጎይና፤ እያ ሱንን ጫቃ።

Ibraawe 6:16

አስ ጫቅሸ ባፐ ግታትያ ኡራን ጫቄስ፤ ሄ ጫቆይ ጌተትዳባ ምንድ፥ ፓላማ ኡባ ተቄስ።

Iyyasu 2:12

ሄሳ ግሾ፥ ታ ህንተዉ ኬህዳይሳዳ ህንተ ታ አዋ ሶ አሳስ ኬሀናዳ ጎዳ ሱንን ጫቅተ። ሄሳስ አማንያ ማላ ታዉ እምተ።

አይሰይሳታ 14:3

ሽን እያ አዋነ አይያ፥ “ማቾ ኦይቻናዉ ሀ ቃፃረትቦና ፍልስፄመታኮ ባናዉ ነና አይ ኮሽዴ? ኑ ኮቻ ግዶን ዎይኮ ኑ አሳ ኡባ ግዶን ነዉ ሀንያ ማጫ ናአ ደማናዉ ዳንዳአብኪ?” ያግድ ኦይችዶሶና። ሽን ሳምሶን ባ አዋኮ፥ “ታኒ እዮ ዶስዳ ግሾ፥ እዮ ኦይቻዳ ታዉ እማ” ያግስ።

1 Sameela 20:17

ዮናታን ዳዊታ ባ ሁጰዳ ዶስያ ግሾ፥ “ኔኒ ታና ቱማ ዶሰይሳ ቆንጭሳናዉ ታዉ አነ ናምአን ጫቃ” ያግስ።

1 Sameela 30:15

ዳዊቲ፥ “ኔኒ ታና ሄ ኦልዳ ጩጋታኮ ካለናዉ ዳንዳአይ?” ያግድ ኦይችስ። እ ዛሪድ፥ “ኔኒ ታና ዎና መላነ ታ ጎዳስ አዳ እምከ ጋዳ ታዉ ፆሳን ጫቃ፤ ታኒ ነና ኤንታኮ ካለና” ያግስ።