Medhetethi 15:18 - ጌሻ ማፃፋ

¹⁸ ሄ ጋላስ ጎዳይ አብራመስ፥ “ግብፀ ሻፋፐ ዶምድ ኤፍራፂሳ ሻፋ ጋካናዉ ደእያ ቢታ ኡባ ታኒ ነ ሼሻስ እማና።

Geeshsha Maxaafa

¹⁸ He gallas Goday Abrames, “Gibxe shaafape doomidi Efraxiisa shaafa gakanaw de7iya biitta ubbaa taani ne sheeshas immana.

Medhetethi 15:18 ပူးပေါင်းရင်းမြစ်များ

Medhetethi 12:7

ፆሳይ አብራመስ ያን ቆንጭድ፥ “ሀ ቢታ ታኒ ነ ሼሻስ እማና” ያግስ። እካ ባ ቆንጭዳ ጎዳስ ሄ በሳን ያርሾ በሲ ጊግስስ።

Medhetethi 13:15

ሄ ኔኒ በእያ ቢታ ኡባ ታኒ መርናዉ ነዉነ ነ ሼሻስ እማና።

Medhetethi 2:14

ሄን ሻፋ ሱንይ ፀግሮሳ። ፀግሮስ አሶረፐ ዶሎሀ ባጋራ ጎጌስ። ቃስ ኦይዳን ሻፋይ ኤፍራፂሳ።

Medhetethi 24:7

ጎዳይ፥ ሳሉዋ ፆሳይ፥ ታና ታ አዋ ሶፐነ ታ የለትዳ ቢታፈ ከስዳይስ ታዉ፥ ‘ነ ዘረስ ታኒ ሀ ቢታ እማና’ ያግድ ጫቅዳይስ፥ ኔኒ ታ ናኣስ ያፐ ማቾ ደማና መላ፥ እ ባ ኪታንቹዋ ኔፐ ስን ኪታና።

Medhetethi 26:4

ነ ሼሻ ሳሎ ፆልንቶዳ ዳርሳና፥ ሀ ቢታ ኡባ ታኒ ኤንታዉ እማና። ሳአ ካዎተት ኡባይ ነ ሼሻ ባጋራ አንጀታና።

Medhetethi 28:4

ኔኒ ሀእ በተተን ኡትዳ ሀ ቢታ ነባ ኦና መላ ነዉነ ነ ሼሻስ ፆሳይ አብራሃመ አንጁዋ እሞ” ያግ አንጅድ ኪትስ።

Medhetethi 35:12

ታኒ አብራሃመስነ ይሳቃስ እምዳ ቢታ፥ ነዉ እማና። ኔፐ ጉየ ታኒ ሀ ቢታ ነ ሼሻስ እማና” ያግስ።

Medhetethi 50:24

ሄሳፈ ጉየ፥ ዮሰፍ ባ እሻታ፥ “ታኒ ሀይቃናዉ ማታስ፥ ሽን ፆሳይ ህንተና ማዳናዉ ፆሞሳና። እ ህንተና ሀ ቢታፈ ከስድ፥ አብራሃመስ፥ ይሳቃስነ ያይቆባስ እማና ግድ ጫቅዳ ቢታ ኤፋና” ያግስ።

2 Sameela 23:5

ቱማ ታ ኬ አሳይ ፆሳ ስንን ሱረ፤ እ ታራ መርናዉ ጫቅስ፤ ሀ ጫቆይ ጊግድ፥ ምንድነ ናገትድ ደኤስ። ፆሳይ ታዉ ፆኖ እማና፤ ታ አሞትዳባ ኡባ እ ቱማ ፖላና።

2 Sameela 8:3

ረሆባ ናአይ፥ ሱባ ካዎይ፥ አድራዛር ኤፍራፂሳ ሻፋ ማታን ደእያ ባ ዛዋ ዛራናዉ ብዳ ዎደ ዳዊቲ እያ ኦልድ ፆንስ።

1 Kawota 4:21

ሶሎሞነይ ኤፍራፂሳ ሻፋፐ ዶምድ ፍልስፄመ ቢታ ጋካናዉ፥ ያፐ ካንድ ግብፀ ዛዋ ጋካናዉ ደእያ ካዎተታ ኡባ ሃርስ። ሄ ቢታ አሳት እያዉ ጊራ ጊርዶሶና፤ እያ ደኦ ላይ ኡባን እያዉ ሃረትዶሶና።

1 Kawota 5:1

ፅሮሳ ካዎይ ክራም ዳዊታራ ስጋን ጋምእዳ ግሾ፥ ሶሎሞነይ ባ አዋ ዳዊታ በሳን ካዎታናዉ ትየትዳይሳ ስእድ፥ አሰ ሶሎሞነኮ ኪትስ።

1 Taarike 16:16

አብራሃመራ ጫቅዳ ጫቁዋ ናጌስ፤ ይሳቃስ ገልዳ ቃላ ምንስ።

1 Taarike 5:9

ሮቤላ ኮቻታስ መሄይ ጋላዳን ዳርዳ ግሾ፥ ኤንቲ ያፐ ዶሎሀ ባጋ ብድ፥ ኤፍራፂሳ ሻፋ ጋካናዉ ደእያ መላ ቢታን ኡትዶሶና።

2 Taarike 7:8

ሄ ዎደ ሶሎሞነይነ እስራኤለ አሳ ኡባይ ላፑን ጋላስ ባኣለ ቦንችዶሶና። እስራኤለ አሳይ ሀማታፐ ብድ ግብፀ ሻፋ ጋካናዉ ደእያ ዳሮ አሳይ ሄ በሳን ሺቅዶሶና።

2 Taarike 8:7

እስራኤለ ግዶናሽን ሀራ ቢታ አሳታፐ አትዳ ህተታ፥ አሞረታ፥ ፓርዘታ፥ ህወታነ ያቡሰታ፥

2 Taarike 9:26

ሶሎሞነይ ኤፍራፂሳ ሻፋፐ ዶምድ፥ ፍልስፄመ ቢታነ ግብፀ ዛዋ ጋካናዉ ደእያ ካዎታ ኡባ ሃርስ።

Izira 4:20

የሩሳላመን ዎልቃማ ካዎት ካዎትዶሶና፤ ኤፍራፂሳ ሻፋፐ ሄፍንን ደእያ ቢታፈካ ሄ ካዎት ጊራነ ቃራፃ ኤክዶሶና።

Nahime 9:8

እ ነዉ አማንያ አስ ግደይሳ በአዳ፥ ካናነታ፥ ህተታ፥ አሞረታ፥ ፓርዘታ፥ ያቡሰታነ ገርገሰታ ቢታ እያ ኮቻስ ላታ ቢታ ኦዳ እማናዉ እያዉ ጫቃዳሳ። ኔኒ ፅሎ ግድያ ግሾ ነ ግዳ ቃላ ፖላዳሳ።

Mazmure 105:11

እ፥ “ካናነ ቢታ ነዉ እማና፤ እ ነ ኮቻ ጋክዳ ላታ ግዳና” ያግስ።

Kessa 13:11

“ጎዳይ ህንተዉነ ህንተ ማይዛታስ እማና ግድ ጫቅዳ ካናነታ ቢታ ገልስድ፥ ሄ ቢታ ህንተዉ እምያ ዎደ፥

Kessa 2:24

ፆሳይ ኤንታ ዋሱዋ ስእድ፥ እ አብራሃመራ፥ ይሳቃራነ ያይቆባራ ጫቅዳ ጫቁዋ ሀሳይስ።

Kessa 23:23

ታ ኪታንቾይ ህንተ ስንን ብድ፥ ህንተና አሞረታ፥ ህተታ፥ ፓርዘታ፥ ካናነታ፥ ህወታነ ያቡሰታ ቢታ ኤሀና። ታኒ ኤንታ ይሳና።

Kessa 3:8

ሄሳ ግሾ፥ ታኒ ኤንታ ግብፀ አሳ ኩሸፐ አሻናዉነ ሄ ቢታፈ ኤንታ ከሳዳ፥ ሀእ ካናነት፥ ህተት፥ አሞረት፥ ፓርዘት፥ ህወትነ ያቡሰት ደእያ ቢታ፥ ማነ ኤስ ኩምዳ ሎኦ ቢታ ኤሀናዉ ዎስ።

Kessa 32:13

ነ አይለታ አብራሃመ፥ ይሳቃነ ያይቆባ ሀሳያ። ኔኒ ኤንታዉ፥ ‘ታኒ ህንተ ሼሻ ሳሎ ፆልንቶዳ ዳርሳና፤ ታኒ ህንተዉ እማና ግዳ ሀ ቢታ ኡባ ህንተ ሼሻታስ እማና፤ ኤንቲ ሄ ቢታ መርናዉ ላታና’ ጋዳ ነ ሁጰን ነ ጫቅዳ ጫቁዋ ቆፓ” ያግስ።

Kessa 34:11

ሀች ታኒ ህንተና ኪትያ ኪታ ናግተ። ህንተ ስንፈ አሞረታ፥ ካናነታ፥ ህተታ፥ ፓርዘታ፥ ህወታነ ያቡሰታ ታኒ ጎዳና።

Kessa 34:24

ካዎተታ ታኒ ህንተ ስንፈ የደ ከሳዳ ህንተ ዛዋ አሳና። ህንተ ታና ጎይናናዉ ላይን ሄ ቶሆ ይያ ዎደ፥ ኦንካ ህንተ ቢታ ኦልድ ኤካናዉ አሞተና።

Kessa 6:4

ቃስ ታኒ ኤንቲ በተተን ደእዳ ካናነ ቢታ እማና ጋዳ ኤንታራ ጫቃስ።

Kessa 6:8

ታኒ አብራሃመስ፥ ይሳቃስነ ያይቆባስ እማና ጋዳ ጫቅዳ ቢታ ህንተና ኤሀና። ሄ ቢታ ታኒ ህንተዉ ላታ ቢታ ኦዳ እማና። ታኒ ጎዳ’ ያጋ” ያግስ።

Isayaasa 27:12

ሄ ጋላስ ኤፍራፂሳ ሻፋፐ ግብፀ ሻፋ ጋካናዉ ጎዳይ ካ ቆፃና። ህንተ፥ እስራኤለ አሳይ እሶይ እሶይ ሺቃና።

Isayaasa 55:3

“ህንተ ሀይ ታኮ ዛሪድ ታና ስእተ፤ ደኦን ዳናዉ ታ ኦደይሳ ስእተ፤ ታኒ ዳዊታስ ገልዳ ኡፋይሳ ቃላን ህንተና አንጃና።

Ermiyaasa 32:22

ኤንታ ማይዛታስ ነ እማናዉ ጫቅዳ ቢታ፥ ማነ ኤስ ጎግያ ቢታ ኤንታዉ እማዳሳ።

Ermiyaasa 32:40

ታኒ ኤንታራ መርናዉ ጫቃና፤ ሄ ጫቁዋን ታ ኤንታዉ ሎኦባ ኦሶ አግከ። ኤንቲ ታና አግድ ጉየ ስሞና መላ ኤንቲ ታዉ ያያና መላ ኦና።

Leeweta 26:42

ታኒ ያይቆባራ፥ ይሳቃራነ አብራሃመራ ጫቅዳ ጫቁዋ ሀሳያና፤ ኤንታ ቢታ ዛራ ቆፓና።

Leeweta 26:45

ታኒ ኤንታ ፆሳ ግዳናዉ፥ ካዎተት ፄልሽን፥ ግብፀ ቢታፈ ከስዳ ኤንታ ማይዛታራ ታኒ ጫቅዳ ጫቁዋ ኤንታ ግሾ ሀሳያና። ታኒ ጎዳ።

Taybo 34:5

አፅሞናፐ ደንድድ ግብፀ ሻፋ ጉየ ስሚድ መደትራነ አባ ጋኬስ።

ሃዋሬታ ኦሱዋ 7:5

እ ሀ ቢታፈ ሀር አቶሽን ቶሆይ የያ በስካ አብራሃመስ እምቤና። ሽን ናእ እያዉ ባይና ዎደ ፆሳይ ሀ ቢታ እያዉነ እያ ሼሻስ ላታ ኦድ እማናይሳ ቃላ ገልስ።

Zaaretho 11:24

ቶሆን ህንተ የዳ ቢታ ኡባይ ህንተባ ግዳና። ህንተ ዛዋይ ዱገሀ መላ ቢታፈ ብድ ልባኖሰ ጋካናዉነ ኤፍራፂሳ ሻፋፐ ብድ ግታ አባ ጋካናዉ ግዳና።

Zaaretho 12:20

እ ነዉ ገልዳ ቃላዳ ጎዳይ ነ ፆሳይ ነ ዛዋ ዳልግስያ ዎደ ነና አሾ ማናዉ ኮሽያ ዎደ ነ ኮይዳ መላ ማ።

Zaaretho 19:8

ጎዳይ፥ ነ ፆሳይ ካሰ ነ ማይዛታስ ጫቅዳይሳዳ ነ ዛዋ ዳልግስኮነ ነ ማይዛታስ እማና ግዳ ቢታ ኡባ ነዉ እምኮ፥

Zaaretho 34:4

ጎዳይ ሙሰኮ፥ “ታኒ ህንተ ሼሻስ እማና ጋዳ አብራሃመስ፥ ይሳቃስነ ያይቆባስ፥ ጫቅዳ ቢታይ ሀይሳ። ሀእ ኔኒ ነ አይፈን በአና መላ ኦስ፥ ሽን ኔኒ ያ ፕናካ” ያግስ።

Zaaretho 7:1

ጎዳይ፥ ነ ፆሳይ ነ ላታናዉ ብያ ቢታ ነና ገልስያ ዎደነ ኔፐ ዎልቃማነ ምንያ ላፑን ካዎተታ፥ ሄሳትካ ህተታ፥ ገርገሰታ፥ አሞረታ፥ ካናነታ፥ ፓርዘታ፥ ህወታነ ያቡሰታ ነ ስንፈ ጎድያ ዎደ፥

Ibraawe 13:20

ሳሮተ ፆሳይ፥ ዶርሳ ሄምያ ኑ ጎዳ የሱሳ፥ ባ መርና ጫቆ ሱን ሀይቆፐ ደንዳይስ፥

Iyyasu 13:3

ግብፀፈ ዶሎሀ ባጋን ደእያ ሽሆራ ሻፋፐ ብድ፥ ፑደሀ ባጋን ደእያ ኤክሮና ቢታ ጋካናዉ ደእያ ቢታ ኡባ። ሄ ቢታት ካናነ ቢታ ጌተቶሶና። ኤንትካ እቻሹ ፍልስፄመ ካዎት አይስያ ጋዛ፥ አሽዶዳ፥ አስቀሎና፥ ጋተነ ኤክሮና ጌተትያ ካታማታ። አዌታ ቢታይካ ቡሮ ኦይከትቤና።

Iyyasu 15:4

ሄሳፈ ቃስ አፅሞና ካንድ፥ ግብፀ ሻፋ ጋክድ፥ መደትራነ አባን ዛዋቴስ። ዱገሀ ባጋን ደእያ ይሁዳ ዛዋይ ሄሳ።

ዮሃኒሳ ቆንጬ 9:14

ሄ ግርሳይ ሞይዘ ኦይክዳ ኡሱፑን ኪታንቹዋኮ፥ “ኤፍራፂሳ ጌተትያ ግታ ሻፋን ቃሸትዳ ኦይዱ ኪታንቾታ ብርሻ” ያግስ።