Mazmure 96:13 - ጌሻ ማፃፋ

¹³ ጎዳይ ያ ግሾ እያ ስንን የፆ፤ እ ሳአ ቦላ ፕርዳናዉ ዬስ። እ ሀ ሳኣ ቦላ ፅሎተን፥ አሳ ቦላ ቱማተን ፕርዳና።

Geeshsha Maxaafa

¹³ Goday yaa gisho iya sinthan yexo; I sa7a bolla pirdanaw yees. I ha sa7aa bolla xillotethan, asaa bolla tumatethan pirdana.

Mazmure 96:13 ပူးပေါင်းရင်းမြစ်များ

Mazmure 50:3

ኑ ፆሳይ ያና፤ ስእ ጌና፤ ኤፅያ ታማይ እያ ስንና፤ ዎልቃማ ጎተይ እያ ዩሹዋና።

Mazmure 67:4

ካዎተይ ማላለትድ ኡፋይሳን የፆ፤ አይስ ጊኮ፥ ኔኒ አሳስ ፅሎተን ፕርዳሳ፤ ሳአን ደእያ ካዎተታ ካለሳ። ሳላሀ

Mazmure 7:9

ቆፋነ ዎዛና ሻካዳ ኤርያ ፅሎ ፆሳዉ፥ ኢታታ ጌላ ሀኖታ ኔኒ ተቃ፤ ሽን ፅሉዋ ሳሮን ናጋ።

Mazmure 96:10

ካዎተታ ግዶን፥ “ጎዳይ ካዎትስ! ሳአይ ምንድ ኤቅስ፤ ቃፀና፤ እ አሳ ቦላ ሱረ ፕርዳና” ያግተ።

Mazmure 98:9

ጎዳይ ሳኣ ቦላ ፕርዳናዉ ዬስ፤ እ ሀ ሳኣ ቦላ ፅሎተን አሳ ቦላ ሱረተን ፕርዳና።

Isayaasa 2:4

እ ካዎተታ ግዶን ፕርዳና፤ ዳሮ አሳታ ፓላማ ሻካና። ኤንቲ ባንታ ማሻ ማራሻ፥ ባንታ ቶራ ባጫ ከሳና። ካዎተት ካዎተታ ቦላ ማሻ ደንኮና፤ ህዛፐ ኤንቲ ኦላ ትምርተ ታማሮኮና።

2 ታሰሎንቀ 1:10

ሄ ጋላስ፥ እ ባ ጌሻ አሳንነ ባና አማንያ ኡባን ቦንቸታናዉነ ሳበታናዉ ያ ዎደ ኑ ህንተዉ ኦድዳ ኪታ ህንተ አማንዳ ግሾ፥ ህንተ እያ ቦንቸይሳታ ግዶንነ ሳበይሳታ ግዶን ዳና።

2 ፅሞትዮሳ 4:8

ስንፈ ፅሎተ ካላቻይ ታና ናጌስ። ሄሳ ፅሎ ፕርዳ ፕርድያ ጎዳይ ሄ ጋላስ ታዉ እማና። ሄሳ ታ ፃላላስ ግዶናሽን፥ እያ ቆንጨ አሞትያ ኡባስ እማና።

Tito 2:13

ኑኒ አንጀትዳ ኡፋይሳ ግድዳ ግታ ፆሳነ ኑና አሽያ የሱስ ክርስቶሳ ቦንቾ ቆንጨ ናጎስ።

ዮሃኒሳ ቆንጬ 11:18

አይሁደ ግዶና አሳይ ሀንቀትዶሶና፥ ሽን ነ ሀንቆይ ይስ። ሀይቅዳይሳታ ቦላ ነ ፕርድያ ዎደይ ጋክስ፤ ኔኒ ነ አይለታ፥ ናበታስ ጌሻታስነ ነ ሱንስ ያየይሳታስ፥ ጉታስነ ግታታስ፥ ኤንታ ኦሱዋዳ እምያ ዎደይ ጋክስ። አላምያ ይሰይሳታ ይስያ ዎደይ ይስ” ያግዶሶና።

ዮሃኒሳ ቆንጬ 19:11

ያትን፥ ሳሎይ ዶየትን፥ ያን ቦ ፓር ደኤይሳ በአስ። ሄ ፓራ ቶግዳይስ አማነትዳይሳነ ቱማንቾ ጌተቴስ። እ ፅሎተን ፕርደስነ ኦለቴስ።

ዮሃኒሳ ቆንጬ 22:10

ኪታንቾይ ዛሪድ፥ “ሀ ኡባይ ፖለትያ ዎደይ ማታትዳ ግሾ ሀ ማፃፋን ፃፈትዳ ትንብተ ቃላ ማታመን ጎርዶፋ።