3 ኔኒ፥ “ታ ዶርዳይሳራ ቃላ ገላስ፤ ታ አይልያ ዳዊታስ ሀይሳዳ ያጋዳ ጫቃስ፤
3 Neeni, “Ta dooridaysara qaala gelas; Ta aylliya Dawitas haysada yaagada caaqas;
ቱማ ታ ኬ አሳይ ፆሳ ስንን ሱረ፤ እ ታራ መርናዉ ጫቅስ፤ ሀ ጫቆይ ጊግድ፥ ምንድነ ናገትድ ደኤስ። ፆሳይ ታዉ ፆኖ እማና፤ ታ አሞትዳባ ኡባ እ ቱማ ፖላና።
ፆሳይ ዳዊታስ ኦና ግድ ጫቅዳ ቃላ ታኒ ፖሎና እፅኮ፥ ፆሲ ታና ፕርዶ።
‘ታኒ ታ አሳ፥ እስራኤለ ግብፀፈ ከስዳ ጋላሳፐ ዶምን፥ ታ ሱንይ እያን ዳና መላ ኬ ኬፃናዉ እስራኤለ ኮቻታ ግዶን እስ ካታማካ ዶራብከ። ሽን ታ አሳ እስራኤለ ካለና መላ ታኒ ዳዊታ ዶራስ’ ያግስ።
ጎዳይ ዳዊታስ ላመቶና ጫቆ ሀይሳዳ ያግድ ጫቅስ፤ “ነ ጉልባታፐ ከይዳ፥ ነ ናይታፐ እሱዋ ነ አራታን ኡትሳና።
ባ አይልያ ዳዊታ ዶርድ፥ ዶርሰ ሄምያ በሳፈ ኤክስ።
በን ኔኒ፥ ነ አማነትዳ አሳስ ቆንጨን ሀይሳዳ ያጋዳሳ። “ታኒ እስ ኦላንቹዋ ማዳስ፤ አሳ ግዶፈ ዶረትዳይሳ ቁ ቁ ኦስ።
ታኒ ታ ሲቁዋ መርናዉ እያዉ ናጋና፤ ታኒ እያራ ጫቅዳ ጫቁዋ ምንና።
ነ አይልያራ ጫቅዳ ጫቁዋ መንዳሳ፤ እያ ካላቻ ባናን ሆላዳ ቱንሳዳሳ።
“ታኒ ካትሳዳ ኦይክዳ ታ አይለይ፥ ታ እያን ኡፋይተይስ፥ ታኒ ዶርዳይስ ሀይሳ። ታኒ ታ አያና እያ ቦላ ዎስ፤ እ ካዎተታስ ሱረ ፕርዳ ኤሀና።
“ህንተ ሀይ ታኮ ዛሪድ ታና ስእተ፤ ደኦን ዳናዉ ታ ኦደይሳ ስእተ፤ ታኒ ዳዊታስ ገልዳ ኡፋይሳ ቃላን ህንተና አንጃና።
ሽን ኤንቲ ጎዳስ፥ ባንታ ፆሳስ፥ ኦና፤ ታ ኤንታዉ ደንያ ካዋ ዳዊታስ ሃረታና።
ሄሳፈ ጉየ፥ እስራኤለ አሳይ ጎዳ ባንታ ፆሳኮነ ባንታ ካዋ ዳዊታኮ ስማና። ዉርሰ ዎድያን ኤንቲ ኮኮርሸ፥ ጎዳኮነ እያ አንጁዋኮ ያና።
ሄ ዎደ፥ “ታ ዶስያ፥ እያን ታና ኡፋይስያ ታ ናአይ ሀይሳ” ግያ ቃላይ ሳሎፐ ይስ።
ዳዊቲ ናበ ግድዳ ግሾ፥ ፆሳይ እያ ሼሻፐ እሱዋ እያ ካዎተ አራታ ቦላ ኡትሳናዉ እያዉ ጫቅዳ ጫቁዋ ኤሬስ።
ሽን የሱሲ ጫቆን ካህነ ግድስ። ፆሳይ ያግድ ጫቅስ፤ “ጎዳይ ጫቅስ፤ እ ባ ቆፋ ላመና፤ ‘ኔኒ መርና ካህነ’ ” ያግስ።
ጎዳ ኪታንቾይ ጋልጋላፐ ቦክማ ብድ፥ እስራኤለ አሳኮ ሀይሳዳ ያግስ፤ “ታኒ ህንተና ግብፀፈ ከሳዳ በን ህንተ ማይዛታስ እማና ጋዳ ጫቅዳ ቢታ ህንተና ገልሳዳ፥ ‘ታኒ ህንተራ ጫቅዳ ጫቁዋ መንከ፤