Mazmure 86:5 - ጌሻ ማፃፋ

⁵ ጎዳዉ፥ ኔኒ ኬሀነ አቶ ገይሳ፤ ነና ፄግያ ኡባስ ነ ሲቆይ ዳሮ።

Geeshsha Maxaafa

⁵ Godaw, neeni keehanne atto geysa; nena xeegiya ubbaas ne siiqoy daro.

Mazmure 86:5 ပူးပေါင်းရင်းမြစ်များ

Nahime 9:17

ኪተቶና እፅዶሶና፤ ኔኒ ኤንታዉ ኦዳ ማላልስያባ ኡባ ሀሳይቦኮና። ኤንቲ ስኦና አስ ግድዶሶና፤ ባንታ ጌላተን አይለተስ ግብፀ ቢታ ጉየ ካለና መላ ሀላቃ ባንታዉ ዶርዶሶና። ግዶሽን፥ ኔኒ አቶ ግያ ፆሲ፥ ኬሀነ ማርያ ፆሲ፤ ሲቆን ኩምዳይሳነ ሀንቆስ ኤለሶና ፆሲ ግድያ ግሾ ኤንታ አጋባካ።

Mazmure 103:3

እ ነ ናጋራ ኡባ አቶ ጌስ፤ ነ ሀርገ ኡባፈ ነና ፓስ።

Mazmure 103:8

ጎዳይ ቃተይሳነ ማረይሳ፤ ሀንቀታናዉ ኤሶተና፤ እያ ሲቆይ ዳሮ።

Mazmure 119:68

ኔኒ ኬሀ፤ ኔኒ ኬሀባ ኦሳ፤ ነ አዋጁዋ ታና ታማርሳ።

Mazmure 130:4

ሽን ኑኒ ነዉ ያያና መላ፥ ኑ ናጋራ አቶ ያጋሳ።

Mazmure 130:7

እያ ሲቆይ መርናሳ ግድያ ግሾነ እያን ኩመ አቶተ ደእያ ግሾ እስራኤለ፥ ጎዳን ኡፋይስ ኦ፤

Mazmure 145:18

ጎዳይ ባና ፄግያ ኡባስ፥ ቱማን ባና ፄግያ ኡባስ ማታን ደኤስ።

Mazmure 25:8

ጎዳይ ኬሀነ ሱረ ግድያ ግሾ፤ ናጋራንቾታ ባ ኦግያ ታማርሴስ።

Mazmure 36:7

ፆሳዉ፥ ነ ሲቆይ አይ መላ አልኦ! አሳይ ነ ቀፍያ ጋርሳን ቆሰትድ አቴስ።

Mazmure 50:15

መቶ ጋላስ ታና ፄጋ፤ ታ ነና አሻና፤ ነካ ታና ቦንቻና” ያጌስ።

Mazmure 52:1

ነኖ፥ ዎልቃማ ኡራዉ፥ ኢታተን አይስ ኦቶርታይ? ነኖ ፆሳን ካትዳይሶ ኡባ ዎደ አይስ ጬቀታይ?

Mazmure 69:14

ስልሞን ምተቶናዳ ታና አሻ፤ ታ ሞርከታፐ ታና አሻ፥ ጪሞ ሃን ምተተፈ ታና አሻ።

Mazmure 69:16

አቤት ጎዳዉ፥ ነ መርና ሲቁዋ ሎኦተን፥ ታዉ ዛሮ እማ፤ ነ ግታ ማሮታን ታኮ ስማ።

Mazmure 86:15

ሽን አቤት ጎዳዉ፥ ኔኒ ቃትያነ ማርያ ፆሰ። ኔኒ ሀንቀታናዉ ጋምኣሳ፤ ሲቆይነ አማነተ ዳርዳይሳ።

Kessa 34:6

ጎዳይ ሙሰ ስንራ አሸ ሀይሳዳ ያግድ አዋጅስ፤ “ታኒ ፆሳ፥ ታ ሱንይ ጎዳ። ታኒ፥ ቃይነ ማሮታይ ኩምዳ ፆሳ። ታኒ ዳንዳአንነ መርና ሲቆን ኩምዳይሳነ ዳሮ አማንይሳ።

Isayaasa 55:7

ኢታ አስ ባ ኦግያፐ ስሞ፤ ናጋራንቾይ ባ ቆፋ አጎ። ጎዳኮ ስሞ፥ እካ እያ ማራና፤ እ ኑ ፆሳኮ ስሞ፥ እያዉ አቶ ጋና።

Ermiyaasa 33:3

“ታና ፄጋ፤ ታ ነዉ ኮያና፤ ነ ኤሮና ግታባነ ዎልቃማባ ታ ነዉ ቆንጭሳና።”

Hizqeela 36:33

ኡባ ሃርያ ጎዳይ ሀይሳዳ ያጌስ፦ “ታ ህንተና፥ ህንተ ናጋራ ኡባፈ ጌሽያ ዎደ፥ ህንተ ካታማታን ዛሪድ ዳና መላ ኦና፤ ላለትዳይሳት ዛሪድ ግምበታና።

Hizqeela 36:37

ኡባ ሃርያ ጎዳይ ሀይሳዳ ያጌስ፤ “እስራኤለ አሳይ እስ ቶሆ ታና ማዶ ኦይቻና መላ ኦና፤ ኤንታ ታይቡዋ ዉደዳ ዳርሳና።

Daanela 9:9

ሽን ኑ እያ ቦላ ማካልኮካ፥ ጎዳይ ኑ ፆሳይ ማርያነ አቶ ግያ ፆሲ።

Iyyu7eela 2:13

ህንተ ዎዛናፐ አትሽን፥ ህንተ ማኡዋ ፔፕተ። ጎዳ፥ ህንተ ፆሳኮ፥ ስምተ፤ እ፥ ቃይነ ማሮት ኩምዳይሳ፤ እ፥ ሀንቃናዉ ኤለሶናይሳነ ሲቆይ ዳርዳይሳ፤ እ፥ ህንተና ሴራናዉ ኤለሰና።

Yoonasa 4:2

ጎዳኮ፥ “አቤት ጎዳዉ ታኒ ኮይሮ ታ ቢታን ደአሸ ግዳይስ ሀይሳ ግደኔ? ታኒ ነ ስንፈ በታዳ ታርሰሳ ባናዉ ኤለስዳይ ሀይሳሳ። ኔኒ ቃይነ ማሮት ኩምዳ ፆሲ ግደይሳ፥ ሀንቆስ ኤለሶናይሳነ ዉሮና ሲቆን ኩምዳይሳ፥ ቃስ ኤሀና ግዳ ኢታባካ ቃታዳ አግያ ፆሲ ግደይሳ ታኒ ካሰካ ኤራይስ።

Mikiyaasa 7:18

ናጋራ ኡባ አቶ ያገይ፥ አትዳ ባ አሳ ናቁዋ ታይቦናይ ነ መላ ፆሲ ኦኔ? ማሮተ ነና ኡፋይስያ ግሾ ነ ሀንቁዋን መርናዉ ጋምአ ኤራካ።

Yohaanisa 4:10

የሱሲ ዛሪድ፥ “ኔኒ ፆሳ እሞታነ ሃ ታና ኡሻ ገይስ ኦነኮ ኤርዳባ ግድያኮ እያ ነ ዎሳና፤ እካ ነዉ ደኦ እምያ ሃ እማናሽን” ያግስ።

ሃዋሬታ ኦሱዋ 2:21

ሄ ዎደ ሄሳዳ ሀናና፤ ጎዳ ሱን ፄግያ ኦንካ አታና’ ያግስ።

Efesoona 2:4

ሽን ፆሳ ግታ ማሮተፈነ ኑስ ደእያ ግታ ሲቁዋፐ ደንድዳይሳን፥