1 ጎዳዉ፥ ታኒ ማንቆነ መቶታንቾ ግድያ ግሾ፥ ታ ዎሳ ስአዳ ታና አላ።
1 Godaw, taani manqonne metootancho gidiya gisho, ta woosa si7ada tana alla.
ሽን ፆሳዉ፥ ነ መቱዋነ ኡንኣ በኣሳ፤ ኔኒ ማዳናዉ ጊጋ ኡታዳሳ። ኔኒ ይኦታስ ማደ፥ ቆሄትዳይ ነ ማዳና መላ ባና ነዉ አድ እሜስ።
ጎዳዉ፥ ታ ዎሳ ስአ፤ ታ ዋሶይ ኔኮ ጋኮ።
እ ማንቆታ ዎሳ ስአና፤ ኤንታ ኦይሻ ካና።
ታኒ ኔኒ ኦድዳይሳ ኦዳ ግሾ፥ ኤንታ ጫሻነ ቦርያ ታ ቦላፈ ድጋ።
ጎዳይ ማንቆታስ ፕርደይሳነ መቶታንቾታስ ሞተተይሳ ኤራይስ።
ታ ቃላ ቁ ኦዳ ጎዳኮ ዋሳይስ፤ ማሮታ ደማናዉ እያ ዎሳይስ።
አቤት ፆሳዉ ታ ዎሳ ነ ስእያ ግሾ፥ ታኒ ነና ዎሳይስ። ነ ሀይ ታኮ ዛራዳ፥ ታ ቃላ ስአ።
ጎዳዉ፥ ታኒ ብዛነ መቶትዳ አስ ግድያ ግሾ፥ ታኮ ስማ፤ ነ ማሮተ ታና በሳ።
ነ ሀይ ታኮ ዛራ፤ ኤለሳዳ ታና አሻ። ኔኒ ታዉ ጌምያ ዛላ፤ ታና አሽያ ምኖ ሚፃ ግዳ።
ሀ ማንቆይ ዋስስ፤ ጎዳይ እያ ዋሱዋ ስእስ፤ እያ መቶ ኡባፈ እያ አሽስ።
ታኒ ማንቆነ መቶታንቾ፤ ሽን ጎዳይ ታባ ቆፖ! ታና ማደይ አሸይ ነና፤ ታ ፆሳዉ፥ ጋምኦፋ።
አቤት ጎዳዉ፥ ነ ሀይ የጋዳ ሃ ስአ። አቤት ጎዳዉ፥ ነ አይፍያ ዶያዳ ሃ ፄላ። ነና፥ ደኦ ፆሳ፥ ሳናክሬም ጫይዳ ጫሻ ስአ።
ሀይሳ ኡባ ታ ኩሸይ ኦስ፤ ኤንትካ ሀንዶሶና። ሽን ታኒ ባና ዝቅ ኦያ ኡራ፥ ባ አያናን መቅዳ ኡራነ ታ ቃላን ኮኮርያ ኡራ ፄላና።
አቤት ታ ፆሳዉ፥ ነ ሀይ ኑኮ ዛራ፤ ነ አይፍያ ዶያዳ፥ ነ ሱንይ ፄገትዳ ካታማ ዩዋ በአ። ኑኒ፥ ነና ዎሰይ፥ ኑ ፅሎተ ግሾ ግዶናሽን፥ ነ ግታ ማሮተ ግሾሳ።
“ባንታ አያናን ማንቆት አንጀትዳይሳታ፥ ሳሎ ካዎተይ ኤንታሳ።
“ጎዳ አያናይ ታ ቦላ ደኤስ፥ ማንቆታስ ዎንገላ ኦዳና መላ ፆሳይ ታና ዶርስ። ቃሸትዳይሳታስ ብለተ፥ ቆቅዳይሳታ ፄልሳናስነ ኡንኤትዳይሳታ ብርሻና መላ፥
ታ ሲቆ እሻቶ፥ ስእተ። አማኖን ዱረ ግዳና መላነ ባና ሲቀይሳታስ እማና ግዳ ሳሎ ካዎተ ላታና መላ ሀ ሳአን ደእያ ማንቆታ ፆሳይ ዶርበነዬ?