7 ሽን ፆሳይ ኤንታ ባ ዶንግያን ዱካና፤ ኤንቲ አኬኮና ማዱንፃና።
7 Shin Xoossay enta ba dongiyan dukana; enti akeekona madunxana.
ግዶሽን፥ እስ አደይ ጮ ባ ዶንግያ ዱክድ፥ እስራኤለ ካዋ ኦላ ማኦይ ጋሄትያ በሳራ ጫድን፥ እስራኤለ ካዎይ ባ ጋርያ ላግያ አድያኮ፥ “ጋርያ ጉየ ዛራዳ፥ ታና ኦላ ግዶፈ ከሳ፤ ታኒ ኢታ ጫቸ ጫደታስ” ያግስ።
ኡባ ዳንዳእያ ፆሳ ዶንገት ታና ጫድዶሶና፤ ታ አሳተይ ኤንታ ዪሻ ኡዬስ፤ ፆሳ ዳጋንይ ታ ቦላ ሳልፕስ።
ባ ዶንግያ ዱክድ ባ ሞርከታ ላልስ፤ ዎልአን ፖኦ ኪትድ ኤንታ የደስ።
ኤንቲ ቆሰትድ ፅሎ አስ ባንታ ዶንግያን ቆሆሶና፤ አኬክ ባይና ዱኮሶና፤ ያዮኮና።
ኤንቲ ኤለስድ ይዶሶና፤ ዳጋማን እሶይ አቶና ዉርዶሶና።
ዳሮ ዎደ ሴረትድ ስሞና አስ ሀሳዮና መቃና፤ ሄ ኡራስ ፓፆይ ባዋ።
ሄሳ ግሾ ዮይ አኬኮና እያ ቦላ ያና፤ እ ሀሳዮና መቃና፤ ዛሪድ ፓፀና።
አሳ ኡባ ቃዳይ እስኖ ግደይስ፥ ሀ ሳአን ደእያ ሀራ ኢታተ መላ ዳሮ ኢታ። አስ ደኦን ደእዳ ላይ ኡባን እያ ዎዛናይ ኢታተንነ ጎሻተን ኩምድ ደኤስ፤ ዉርሰን ሀይቅድ አጌስ።
ሀ ናጋራይ ህንተዉ ዛእድ ዎድያ፥ አኬኮና ኤለስድ ኩንድያ አዱሳ ግምበ መላ ግዳና።
“አሳ ዎዛን ኡባፈ አድ ጭሜስነ ኢታ፤ እያ ጋ ቆፋ ኦን ኤራናዉ ዳንዳኢ?
“ሄ ዎደ ናምኡ አሳት ጋደን ኦና። ኤንታፈ እሶይ ኤከታና፥ ሀንኮይ አታና።
“ታኒ ኤንታ ቦላ መቶ ዶራና፤ ታ ዶንግያን ኤንታ ዱካና።
ታ ዶንገይ ኤንታ ሱን ማታና፤ ታ ማሻይ ኤንታ አሹዋ ማና። ታና እፅያ ኡባ ማርከ፤ ማዱንፅዳይሳትነ ድኤትዳይሳት ሀይቃና።”