Mazmure 51:6 - ጌሻ ማፃፋ

⁶ ኔኒ አሳ ዎዛናፐ ቱማተ ኮያሳ፤ ታ ጋ አሳተ ጭንጫተ ታማርሳ።

Geeshsha Maxaafa

⁶ Neeni asa wozanape tumatethi koyaasa; ta gaatha asatethaa cincatethi tamaarsa.

Mazmure 51:6 ပူးပေါင်းရင်းမြစ်များ

2 Sameela 12:13

ያትን፥ ዳዊቲ፥ “ታኒ ጎዳ ቦላ ናጋራ ኦስ” ያግስ። ናታን፥ “ጎዳይ ነ ናጋራ አቶ ግስ፤ ኔኒ ሀይቃካ።

2 Kawota 20:3

“አቤት ጎዳዉ፥ ታኒ ነ ስንን ቱማተን፥ ኩመ ዎዛናን ሄመትዳይሳነ ነና ኡፋይስያባ ኦዳይሳ ኔኒ ቆፓና መላ ታኒ ነና ዎሳይስ” ያግድ፥ ዳሮ ጫመትድ፥ ዬክድ ዎስስ።

1 Taarike 29:17

“ታ ፆሳዉ ኔኒ ዎዛና ፓጨይሳነ ሱረተ ዶሰይሳ ታኒ ኤራይስ። ታኒ ታ ዎዛና ሱረተን ታ ሸነን ሄሳ ኡባ እማስ። ሀ በሳን ደእያ ነ አሳይ ነዉ ባ ሸነን ኡፋይሳን እምዳይሳ ታኒ በአስ።

Iyyoba 32:8

ሽን አሳ ግዶን አቅድ ጭንጫተ እመይ፥ ኡባ ዳንዳእያ ፆሳ አያና።

Iyyoba 38:36

ዎዛናስ ጭንጫተ፥ ካሀስ አኬካ እምዳይ ኦኔ?

Mazmure 125:4

አቤት ጎዳዉ፥ ኬሀ አሳታስነ ዎዛና ሱረ አሳታስ ሎኦባ ኦ።

Mazmure 15:2

ሱረ ደኦ ደኤይ፥ ፅሎባ ኦይ፥ ባ ዎዛናፐ ቱማ ኦደተይ፥

Mazmure 26:2

አቤት ጎዳዉ፥ ታና ፓጫ፤ ታና ፕልጋዳ በአ፤ ታ ዎዛና ፆሞሳ።

Mazmure 32:5

ታኒ ታ ናጋራ ነዉ ፓፃስ፤ ታ ናቁዋ ኔፐ ገንብከ። “ታ ናጋራ ጎዳስ ፓፃና” ያጋስ፤ ታና ዴፅዳ ናጋራ አቶ ጋዳሳ። ሳላሀ

Mazmure 41:5

ታ ሞርከት ኢታባ ታ ቦላ ሃሳይድ፥ “እ አዉደ ሀይቃንዴ? እያ ሱንይ አዉደ ዶገታንዴ?” ያጎሶና።

Mazmure 5:9

ኤንታ መተርሻን ቱም ባዋ፤ ኤንታ ዎዛናን ይሶይ ኩምስ። ኤንታ ዶናይ ዶየትዳ ዱፎ መላ፤ ኤንቲ ባንታ እንፃርሳን ጭሞሶና።

Leemiso 2:21

ሱረ አሳትነ ቦረይ ባይናይሳት፥ ቢታን አዱሳ ላይ ዳና።

Leemiso 2:6

ጎዳይ ጭንጫተ እሜስ፤ እያፐ ኤራተነ አኬክ በንቴስ።

Ermiyaasa 12:1

አቤት ጎዳዉ፥ ታ ኔራ ሞተትያ ዎደ ኡባንካ ነ ፅሎ። ግዶሽን፥ ነ ፅሎ ፕርዳባ ኔራ ኦደታናዉ ኮያይስ። ኢታ አሳት ኦያባይ ኤንታዉ አይስ እንጀቲ? ገነ አሳት አይስ ዱረትድ ደኦና?

Ermiyaasa 31:33

“ሽን ታኒ ሄ ዎድያፐ ጉየ እስራኤለራ ጫቃና ጫቆይ ሀይሳ፦ ታኒ ታ ህግያ ኤንታ ጉግያን ዎና፤ ኤንታ ዎዛናን ፃፋና። ታኒ ኤንታ ፆሰ ግዳና፤ ኤንትካ ታ አሰ ግዳና።

Ermiyaasa 32:40

ታኒ ኤንታራ መርናዉ ጫቃና፤ ሄ ጫቁዋን ታ ኤንታዉ ሎኦባ ኦሶ አግከ። ኤንቲ ታና አግድ ጉየ ስሞና መላ ኤንቲ ታዉ ያያና መላ ኦና።

Ermiyaasa 5:3

አቤት ጎዳዉ፥ ነ አይፈት ቱማ ፄሎኮናዬ? ነ ኤንታ ሾጫዳሳ ሽን ኤንታ ሳክቤና። ነ ኤንታ መንረዳሳ ሽን ኤንቲ ስሞና እፅዶሶና። ኤንቲ ባንታ ሶምኡዋ ዛላፈ አድ ምንድ ባንታ ናጋራፐ ስሞና እፅዶሶና።

Luqaasa 11:39

ጎዳይ እያኮ፥ “ህንተ ፋርሳወት ቁለስነ ሻተስ ቦላ ባጋ ሜጨታ። ሽን ህንተ ጋይ ኡዘተንነ ኢታተን ኩምስ።

Roome 7:22

ታኒ ታ ዎዛናን ፆሳ ህግያን ኡፋይታይስ።

2 ቆሮንቶሳ 1:12

ኑኒ ኑ ጌሻ ካሀን ጬቀቶስ። ኑኒ ሀ አላምያን ደእዳ ደኡዋን ኡባራካ ህንተራ ኑ ደእዳ ደኡዋን ቱማተንነ ሱረተን ህንተራ ደእዳ። ሄስካ፥ ሀ አላምያ ጭንጫተን ግዶናሽን፥ ፆሳ አ ኬሀተና።

Yayqooba 4:8

ፆሳኮ ሺቅተ፤ እ ህንተኮ ሺቃና። ህንተኖ፥ ናጋራንቾቶ፥ ህንተ ኩሽያ ሜጨትተ፤ ናምኡ ቆፍ ደኤይሳቶ፥ ህንተ ዎዛና ጌሽተ።

1 ጰፅሮሳ 3:4

ሽን ህንተ ዎዛና ግዶን ደእያ የገልሳተይ ፆሳ ስንን ህንተዉ ዳሮ አልኦ ግድድ ዮና፥ አሽከነ ዎፑ ግዳ አያና ግዶ።

1 Sameela 16:7

ሽን ጎዳይ ሳሜላ፥ “እያ ማላ ዎይኮ እያ አዱሳተ ፄሎፋ፤ ታኒ እያ ካስ። ታኒ ጎዳይ አስ በኤይሳዳ በእከ፤ አስ ሶምኦ በኤስ፥ ሽን ጎዳይ ዎዛና በኤስ” ያግስ።