Mazmure 45:7 - ጌሻ ማፃፋ

⁷ ኔኒ ፅሎተ ዶሳዳ ጌላተ እፃሳ፤ ሄሳ ግሾ፥ ፆሳይ፥ ነ ፆሳይ፥ ነ ላገታፐ አድ፥ ነና ኡፋይሳ ዛይተን ትይስ።

Geeshsha Maxaafa

⁷ Neeni xillotethi dosada geellatethi ixaasa; Hessa gisho, Xoossay, ne Xoossay, ne laggetape aathidi, nena ufaysa zayten tiyis.

Mazmure 45:7 ပူးပေါင်းရင်းမြစ်များ

1 Kawota 19:16

ናምሳ ናኣ፥ እዩ እስራኤለ ቦላ ካዎ ኦዳ ትያ። ነ በሳን ናበ ኦዳ አቤል-ማሆላ አድያ ሳፋፃ ናኣ ኤልሳ ትያ።

Mazmure 101:8

ቢታን ደእያ ኢታ አሳ፥ ታኒ ጋላስ ጋላስ ስእ ኦና። ኢታ ኦይሳታ ኡባ ታኒ ጎዳ ካታማፐ ሾዳና።

Mazmure 11:7

ጎዳይ ፅሎ ግድዳ ግሾ፥ ፅሎተ ዶሴስ፤ ሱረ አሳት እያ ሶምኡዋ በአና።

Mazmure 2:2

ካዎት ጎዳ ቦላነ እ ትይዳይሳ ቦላ ደንድዶሶና፤ ደርያ ሃረይሳት ኤንታ ቦላ ሺቅዶሶና።

Mazmure 21:6

መርና አንጁዋ እያዉ እማዳሳ፤ ነ በንቱዋን እያ ኡፋይሳሳ።

Mazmure 33:5

ጎዳይ ፅሎተነ ቱማ ፕርዳ ዶሴስ፤ እያ ማሮታይ ሳኣ ኩምስ።

Mazmure 89:20

ታ አይልያ ዳዊታ ደማስ፤ ታ ጌሻ ዛይትያ ትያዳ እያ ካዎስ።

Mazmure 89:26

እ ታና፥ ‘ኔኒ ታ አዋ፥ ታ ፆሳ፤ ታና አሽያ ዛላ’ ያግድ ፄጋና።

Mazmure 99:4

ኔኒ፥ ዎልቃማ ካዎይ ሱረ ፕርዳ ዶሳሳ። ኔኒ ያይቆባ ሱረተን ምንዳሳ። ፅሎተ ኤሳዳሳ።

Isayaasa 11:4

ሽን እ፥ ማንቆታስ ፅሎተን ፕርዳና፤ ሳአን ደእያ መቶታንቾታስ ሱረተን ኩያና። እ ባ እንፃርሳ ፃምአን ሳኣ ሾጫና፤ ባ ዶና ሸምፑዋን ኢታታ ዎና።

Isayaasa 9:6

ኑስ ናእ የለትስ! አደ ናእ ኑስ እመትስ! ካዎተ ማት እያ ሀሽያን ግዳና፤ እያ ሱንይ፥ “ማላልስያ ዞራንቾ፥ ዎልቃማ ፆሳ፥ መርና አዋ፥ ሳሮተ ሀላቃ” ጌተታና።

Leeweta 8:12

ሄ ትዮ ዛይትያፐ ጉራ ኤክድ አሮና ሁጰን ትግድ እያ ዱማይስ።

Maatosa 3:15

ሽን የሱሲ ዛሪድ፥ “ፆሳይ ኑፐ ኮያባ ኡባ ኑ ፖላናዉ በሲያ ግሾ፥ ሀእ ታዉ ኤሮ ጋ” ያግስ። ዮሃንስ እያዉ ኤሮ ግድ ኤክስ።

Maatosa 7:23

ሄ ዎደ ታኒ፥ ‘ታ ህንተና ኡባራካ ኤርከ፥ ህንተ ኢታ ኦይሳት ታፐ ሃክተ’ ያጋና።

Luqaasa 13:27

“እ ዛሪድ፥ ‘ህንተ ኦነኮነ አዉፐ ይዳኮ ኤርከ። ህንተኖ፥ ጌላቶ ታፐ ሃክተ’ ያጋና።

Luqaasa 3:22

ጌሻ አያናይ ሆለዳ በንትሸ እያ ቦላ ኡትስ። ሳሎፐ “ታኒ ዶስያ ናአይ ነና፤ ነ ታና ኡፋይሳሳ” ግያ ቃላይ ይስ።

Yohaanisa 1:16

ኑኒ ኡባይ እያ አ ኬሀተ ኩመፈ አንጆ ቦላ አንጆ ኤክዳ።

Yohaanisa 20:17

የሱሲ ኢኮ፥ “ታኒ ቡሮ ታ አዋኮ ቦና ግሾ፥ ታና ኦይኮፋ። ሽን ታ እሻታኮ ባዳ፥ ‘ታኒ ታ አዋኮነ ህንተ አዋኮ፥ ታ ፆሳኮነ ህንተ ፆሳኮ፥ ስማና ግስ’ ጋዳ ኤንታዉ ኦዳ” ያግስ።

Yohaanisa 3:34

ፆሳይ ባ ጌሻ አያና እያዉ ኩመ እምያ ግሾ ፆሳይ ኪትዳይስ ፆሳ ቃላ ኦዴስ።

ሃዋሬታ ኦሱዋ 2:28

ኔኒ ታና ደኦ ኦገ ኤርሳዳሳ። ኔኒ ታራ ደኤይሳን ታ ኡፋይሳይ ኩመ ግዴስ’ ያግስ።

Roome 8:29

ፆሳይ ኮይሮትድ ኤርዳይሳት ባ ናኣ ዳናና መላነ ናአይካ አማነይሳታ ግዶን ባይራ ግዳና መላ ኤንታ ዱማይድ ዎስ።

Efesoona 1:3

ሳሎን ደእያ አያና አንጆ ኡባን ክርስቶሳ ባጋራ ኑና አንጅዳ፥ ኑ ጎዳ የሱስ ክርስቶሳ አዋይ፥ ፆሳይ ጋላተቶ።

Ibraawe 1:9

ኔኒ ፅሎተ ዶሳዳሳ፤ ኢታ እፃዳሳ። ፆሳይ፥ ነ ጎዳይ፥ ነና ነ ላገታፐ አድ ዶርስ፥ ኡፋይሳ ዛይተ ነና ትይስ” ያጌስ።

Ibraawe 2:14

ናይት አሾይነ ሱ ደኤይሳታ ግድያ ግሾ፥ የሱሲካ ኤንታዳ አሰ ግድስ። እ ሄሳ ኦዳይ፥ ሀይቆ ቦላ ዎልቅ ደእያ ፃላህያ ባ ሀይቁዋን ይሳናሳ።

Ibraawe 7:26

ህዛ፥ ኑስ ኮሽያባ እምያ፥ ጌሻይ፥ ቦረይነ ቱን ባይናይስ፥ ናጋራንቾታፐ ሻከትዳይስነ ሳሉዋፐ አድ ቅዳ ካህነ ሀላቃይ ኑስ ኮሼስ።

ዮሃኒሳ ቆንጬ 21:27

ዶርሳ ደኦ ማፃፋን ሱንይ ፃፈትዳይሳታ ፃላል አትሽን፥ ቱናባ ዎይኮ ዬላያባ ኦይ ዎይኮ ዎርዶተይ ኦንካ ሄ ካታማ ገለና።

1 Sameela 16:13

ሳሜል ካጨን ኩምዳ ዛይተ ኤክድ፥ እያ እሻታ ስንን ዳዊታ ትይስ። ሄ ጋላሳፐ ዶምድ፥ ጎዳ አያናይ ዳዊታ ቦላ ዎልቃን ዎስ። ሄሳፈ ጉየ፥ ሳሜል ደንድድ፥ ራማ ብስ።