Mazmure 15:2 - ጌሻ ማፃፋ

² ሱረ ደኦ ደኤይ፥ ፅሎባ ኦይ፥ ባ ዎዛናፐ ቱማ ኦደተይ፥

Geeshsha Maxaafa

² Suure de7o de7ey, xillobaa oothey, ba wozanaape tuma odetey,

Mazmure 15:2 ပူးပေါင်းရင်းမြစ်များ

Mazmure 24:4

እያ ኩሸይነ እያ ዎዛናይ ጌሽ ግድዳይሳ፤ ኤቃ ጎይኖናይሳ፥ ዎርዶ ጫቆናይሳ።

Mazmure 84:11

ጎዳ ፆሳይ ኑስ ጎንዳለነ ፖኦ፤ ኑስ ቦንቾነ ኬሀተ እሜስ፤ ሱረተን ሄመተይሳታ ሎኦባ ድገና።

Leemiso 20:7

ፅሎ አስ ቦረይ ባይና ደኦ ደኤስ፤ እያ ካልያ እያ ናይት አንጀትዳይሳታ።

Leemiso 28:18

ቦረይ ባይና ሄመትያ አስ ቆሄተና፤ ሽን ጌላ አስ አኬኮና ኩንዳና።

Isayaasa 33:15

ፅሎተን ሄመተይ፥ ሱረ ኦደተይ፥ በሶና ኦገራ በንትያ ጎአ እፀይ፥ ባ ኩሽያ ዎፈ ኤኮና መላ ድገይ፥ ሸምፖ ዎባ ስኦና መላ ባ ሀይ ቱጨይ፥ ኢታባ ፄሎና መላ ባ አይፍያ ካመይ፥

Isayaasa 63:8

እ፥ “ኤንቲ ቱማ ታ አሰነ ታ ናአ ግድያ ግሾ፥ ታዉ ዎርዶቶኮና” ያግስ። ሄሳ ግሾ፥ እ ኤንታ አሸይሳ ግድስ።

Mikiyaasa 2:7

ታኒ ኤንታኮ፥ “ያይቆባ ኮቻቶ፥ ጎዳ ዳንዳአይ ዉርደዬ? እ ሄሳ ማላባ ኦዬ? ሱረ ኦገን በይሳታስ ታ ቃላይ ሎኦባ ኦኔ? ያግድ ህንተ ኦይቻናዉ በሲ? ያጋስ።

Luqaasa 1:6

ናምአይካ ጎዳ ዎጋነ ኪታ ኡባ ናግድ ቦረይ ባይና ፆሳ ስንን ፅሎተን ደእዶሶና።

ሃዋሬታ ኦሱዋ 10:35

ሽን አሰ ኡባ ኦና ግድኮካ ባዉ ያየይሳነ ፅሎ ኦሶ ኦይሳን ፆሳይ ኡፋይተይሳ ታኒ ቱማ አኬካስ።

Roome 2:10

ሽን ፆሳይ ሎኦ ኦሶ ኦያ ኡባስ፥ ኮይሮትድ አይሁደታስ፥ ካልድ አይሁደ ግዶናይሳታስ ጋላታ፥ ቦንቾነ ሳሮተ እማና።

Galatiya 2:14

ሽን ኤንቲ ዎንገላ ቱማተን ሱረ ሄመቶናይሳ በአዳ፥ ጰፅሮሳ አሳ ኡባ ስንን፥ “ኔኒ አይሁደ ግዳሸ፥ አይሁደ ዎጋ ግዶናሽን፥ አይሁደ ግዶና አሳዳ ደኣሳ፤ ያትን፥ ዋናዳ አይሁደ ግዶናይሳታ፥ ‘አይሁደ ዎጋን ደእተ ጋዳ ዎልቃታይ?’ ” ያጋስ።

Efesoona 2:10

ኑኒ ፆሳ መተ፤ እ ኑስ ካሰትድ ጊግስ ዎዳ ሎኦ ኦሶታ ኦና መላ ክርስቶስ የሱሳ ባጋራ ኦራ መትዳ።

Efesoona 4:25

ህዛ፥ ዎርዶ ኦደቶፍተ። ኑኒ ኡባይ ክርስቶሳ አሳተ ብልተታ ግድያ ግሾ አሳ ኡባራ ቱማ ኦደትተ።

Qolaasiyasa 3:9

ጬጋ አሳተ እያ ኦሱዋራ ህንተፈ ቃርዳ ግሾ፥ እሶይ እሱዋስ ዎርዶቶፕተ።

Ibraawe 11:33

ኤንቲ አማኖን ካዎተታ ፆንዶሶና፤ ፅሎተን አይስዶሶና፤ ፆሳይ እማና ግዳ ኡፋይሳ ኤክዶሶና፤ ጋሞታ ዶና ጎርድዶሶና፤

1 ዮሃንሳ 2:29

ክርስቶስ ፅሎ ግደይሳ ህንተ ኤርኮ ፅሎ ኦያ ኡባይ ፆሳ ናአ ግደይሳ ኤርተ።

1 ዮሃንሳ 2:6

ታኒ፥ “ፆሳን ደአይስ” ግያ ኦንካ ክርስቶስ ደእዳይሳዳ ዳናዉ በሴስ።

1 ዮሃንሳ 3:7

ታ ናይቶ፥ ህንተና ኦንካ ባለፎ። ክርስቶስ ፅሎ ግድዳይሳዳ ፅሎ ኦያ ኦንካ ፅሎ።

ዮሃኒሳ ቆንጬ 21:8

ሽን ያሻንቾታ፥ አማነቶናይሳታ፥ ቱናታ፥ ሸምፖ ዎይሳታ፥ ላይማተይሳታ፥ ብተይሳታ፥ ኤቃ ጎይነይሳታነ ዎርዳንቾታ ቃዳይ ዲነይ ኤፅያ ታማ አባን ግዳና። ሄስ ናምአን ሀይቆ” ያግስ።