Mazmure 137:3 - ጌሻ ማፃፋ

³ ኑና ድእዳ አሳት ኑኒ የፅድ፥ ኤንታ ኡፋይሳና መላ “ፅዮነ የታፐ እሱዋ አነ ኑስ የፅተ” ያግዶሶና።

Geeshsha Maxaafa

³ Nuna di77ida asati nuuni yexidi, enta ufaysana mela “Xiyoone yethatape issuwa ane nuus yexite” yaagidosona.

Mazmure 137:3 ပူးပေါင်းရင်းမြစ်များ

1 Taarike 15:27

ዳዊቲ፥ ታቦትያ ቶክዳ ሌወት፥ ማዝሙረ የፀይሳትነ ኤንታ ሀላቃይ ካናነይ ሊኖፐ ኦሰትዳ ማኦ ማእዶሶና። ዳዊቲካ ሊኖፐ ኦሰትዳ ኤፉደ ማእስ።

1 Taarike 16:7

ሄ ጋላስ ዳዊቲ አሳፍነ እያ ዳቦት ጎዳ ሳባና መላ ሀ ማዝሙርያ ኮይሮ ኪትስ።

Nahime 4:2

ባ ላገታነ ሳማረ ኦላንቾታ ስንን፥ “ሀ ፓና አይሁደት አይ ኦናዉ ቆፖና? ድርሳ ግምብያ ዛር ግምባናዉ ኮዮናዬ? ያርሾ ያርሻናዉ ኮዮናዬ? ኤንቲ እስ ጋላሳን ኦሱዋ ኦድ ዉርሳና ዳኒ? ኤንቲ ግምቤስ ሀንያ ሹቻታ ፁገትድ ዶረትዳይሳ ግዶፈ ከሳናዉ ዳንዳኦና?” ያግስ።

Mazmure 65:1

አቤት ፆሳዉ፥ ፅዮነን ነዉ ጋላት በሴስ፤ ኑኒ ኑ ቃንገ ነዉ ጋና።

Mazmure 79:1

ፆሳዉ፥ አይሁደ ግዶና አሳይ፥ ነ ቢታ ቦላ ደንድዶሶና፤ ነ ጌሻ ኬ ቱንስዶሶና፤ የሩሳላመ ላልዶሶና።

Mazmure 80:6

ኑ ሾሮት ኑ ቢታ ኤካናዉ ባንታ ግዶን ኦያና መላ ኦዳሳ፤ ኑ ሞርከት ኑ ቦላ ሚጭዶሶና።

Mazmure 9:14

ፅዮነ አሳ ግዶን ታኒ ኤቃዳ፥ ነ ጋላታ ኦዳና፤ ነ አቶተን ኡፋይታና።

Leemiso 25:20

አዛንዳ አሳስ የ የፅያ አስ፥ ሜጎ ዎደ ማኦ ቃርያነ ማዱን ቦላ ጫላባ ትግያ አሳ መላ።

Isayaasa 35:10

ጎዳይ ዎዝዳይሳት ስማና፤ የፅሽ፥ ፅዮነ ገላና፤ መርና ኡፋይሳይ ኤንታ ሁጵያን ኡታና። ኤንቲ ኡፋይታናነ ሀሹ ጋና፤ አዛኖይነ ኦለይ ኤንታፈ ሃካና።

Isayaasa 51:11

ጎዳይ ዎዝዳይሳት የፅሸ ስሚድ ፅዮነ ያና፤ መርና ኡፋይሳይ ካላቻ መላ ኤንታ ቦላ ኡታና። ኤንቲ ኡፋይስነ ሀሹ ግያባ ደማና፤ አዛኖይነ ዬሆይ ኤንታፈ ሃካና።

Ermiyaasa 26:18

“ህዝቅያስ ይሁዳን ካዎትዳ ላይን ሞረሴታ አደይ ምክያስ ካሰ ይሁዳ አሳስ ሀይሳዳ ያግድ፥ ትንብተ ኦድስ፦ ‘ፅዮነይ ሾቃዳ ጎየታና። የሩሳላመ ካታማይ ላለትድ፥ ላለ ዶረ ግዳና። ፆሳ ኬይ ኬፀትዳ ደረይ ዎራ ግዳና’ ያጌስ ኡባፈ ዎልቃማ ጎዳይ” ያግስ።

Ermiyaasa 9:11

“የሩሳላመ ካታማ ላለትዳ ኬላነ ዎርካናት ጉፕያ በሲ ኦና። ይሁዳ ካታማታ ኦንካ ዶና ባይሳ ከሳና” ያጌስ ጎዳይ።

Mikiyaasa 3:12

ሄሳ ግሾ፥ ህንተ ጋሶን ፅዮነ ካታማይ ጋደዳ ጎየታና፤ የሩሳላመ ካታማይ ላለ ዶረ ግዳና። ፆሳ ኬይ ኬፀትዳ ደረይ ዎራ ግዳና።

Luqaasa 21:6

ሽን የሱሲ፥ “ሀ ህንተ በእያባይ ኡባይ ላለቶና፥ ሹች ሹቻ ቦላ ግምበትዳ መላ አቶና ዎደይ ያና” ያግስ።